लुका 18:43 - आठपहरिया

⁴³ हिट्‌ना बेला डोक् हिट्‌नाँ निसुए हिट्‌नुङ् माङ्‌हाङ्‌ङाना उनिङ् चोन्‍सा येसुङा ओएङ्-ओएङ् खाडे॥ ना लिसाना रिङ् सोब्‍बे याप्‌मिचिङा उनिसुङ् माङ्‌हाङ्‌ङाना उनिङ् ओचोन्‍डुए॥

लुका 18:43 ပူးပေါင်းရင်းမြစ်များ

मात्‌ति 11:5

याङ्‌कानिनिबाचिङा उनिसुएट्‌टु, लाङ्‌गाडाचि ओलाम्‌टियेट्, कोर रोगिचि नुमानिङ् उलिएट्, याङ्ओखेम्‌निगाँ ओखेम्‍सुएट्‌टु, उसियागा उहिङ्‌ग्‍वाट् उलियुङ् ओकोब्‍एट्, हिट्‌नुङ् पाक्‍चा ओवानिगाँ ओचेट्‌नुना खाबोर खेम्‍मा ओटोगुएट्‌टु॥

मात्‌ति 21:14

हिट्‌नुङ् याङ्‌कानिनिबा लोक् लाङ्‌गाडाचि माङ्‌ठानाङि येसु सोरि ओटाए, हिट्‌नुङ् उन्‍ङा हिट्‌नागा नुमानिङ् चोगुचे॥

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

लुका 13:17

येसुङा ना रिङ् माट्‌टुनाँ सोब्‍बे ओसाट्‌टुरचि ओमोन्‍डासिए, टरो उन्‍ङा डोङ् ठोङ्‌डिना टोॽवा चोगुनाँ सोब्‍बे याप्‌मिचिगा उन्‌चि चाप् टाए॥

लुका 19:37

हिट्‌नुङ् येसु यरुसलेमङाना नेट्‌टाङ् जैतुन झोन्‍झोबाङाना पेसोक् पेसोक्‍ना डेन्‌ङि होन्‍डा टाए॥ हिट्‌नुङ् येसुङा डोङ् ठोङ्‌डिना टोॽवाचि चोगुना उनिसुङ् ख्‍वाप्‍पा याप्‌मिचिङा उन्‌चि चाप् टासा ठेलोक् उन्‌चि सोरा ओचोगुङ् माङ्‌हाङ्‌ङाना उनिङ् नाड्‌डे पिक्‍सा चोन्‍मा ठालाँ ओचोगुए–

लुका 4:39

येसु सिमोन ओनाम्‍मा सोरि खाडाउङ् जोरो खेमा लाप्‍टुए हिट्‌नुङ् जोरोङा हिट्‌ना लेडुएट्‌टुए हिट्‌नुङ् हिट्‌ना बेला डोक् हिट्‌ना मेन्‍झेमा कोबाउङ् हिट्‌नागाँगा सेवा चोगुए॥

लुका 5:26

हिट्‌नुङ् हिट्‌नि सोब्‍बे याप्‌मिचि डोङ् ओठोङ्‌डे हिट्‌नुङ् माङ्‌हाङ्‌ङाना ठेना ओबोल् उनिसुङ् उकिट्‌टे॥ हिट्‌नुङ् हिट्‌नागाँ माङ्‌हाङ्‌ङाना उनिङ् चोन्‍सा ओमाट्‌टुए, “हाट्‌ले आन्‍याँ डोङ् ठोङ्‌डिना टोॽवा निसुम्‍मे॥”

लुका 9:43

माङ्‌हाङ्‌ङाना नाड्‌डेना ठेना बोल् उनिसुङ् सोब्‍बे याप्‌मिचि डोङ् ओठोङ्‌डे॥ येसुङा चोगुना सोब्‍बे टोॽवा बारेङि याप्‌मिचि डोङ् ओठोङ्‌डेटाना बेला येसुङा ओचेलाचि लोडुचे,

मुलिचेला टोॽवा 11:18

जब याहुदि बिस्‍वासिचिङा ना रिङ् ओखेम्‍सुए हिट्‌नुङ् पाटरुसलोक् बादबिबाद चोक्‍मा ओनाडुङ् नाड्‌डे पिक्‍सा माङ्‌हाङ्‌ङाना उनिङ् चोम्‍मा ठालाँ ओचोगुए, “हाट्‌लेम्‍टे माङ्‌हाङ्‌ङा पानिछोङ्‌बाचि चा उन्‌चि पापलाम्‍मा काएल्-काबु लिमाना हिट्‌नुङ् लाट्‌निना चोला टुब्‍माना लाम्‍बो पिडुचेगा रैछौ॥”

मुलिचेला टोॽवा 26:18

खान्‍ङा हिट्‌नागा याप्‌मिचिगा मिक् ओङ्‌सुबिडुचि, हिट्‌नुङ् हिट्‌नागा डुम्‍बारिक् डुम्‍लाम्‍मा व्‍हाङ्‌ङि हिट्‌नुङ् सैतानङाना ओसाक्‌तिलाम्‍मा माङ्‌हाङ्‌ङि ओनोक्‌याक्॥ हिट्‌नुङ् माङ्‌हाङ्‌ङा हिट्‌नागाँगा पाप टुगुबिडुचिचि, हिट्‌नुङ् हिट्‌नागाँ माङ्‌हाङ्‌ङि बिस्‍वास ओचोगुनाँ उन्‍ङा सेगुचिगा ओयाप्‌मिचिलोक् साङ्‌गाटिङि युङ्‌मा ओटोगुटु॥’

मुलिचेला टोॽवा 4:21

हाट्‌ले याहुदि ओठेडोङ्‌चिङा पाक् साजाए पिमाचिगा उन्‌चि निङ्‌ग्‍वाङि डोक् उटिग्‍वाट्‌टुन्, पोङ्‌भोने ख्‍वाप्‍पा याप्‌मिचिङा हिट्‌नि लिसाना घाट्‌ना उनिसुङ् माङ्‌हाङ्‌ङाना उनिङ् ओचोन्‍डुएट्‌टुना॥ हिट्‌नुङ् हिट्‌नागाँ हिट्‌नागाचि इप्‍पाङ् मुलिचेलाचि हाट्‌ले नुङ् नाड्‌डे चोक्‍नेनिन् पिक्‍सा ओलेडुचे॥

गालाति 1:24

हिट्‌नाड्‌डेउङ् हिट्‌नागाँ आङा चोगुङ्‌नाँ माङ्‌हाङ् उनिङ् टो-टो ओचोन्‍डुए॥

१ पाटरुस 2:9

टरो खानिम्‍टे माङ्‌हाङ्‌ङा मासेगिगा छोङ्‌बाचि, मुलुक्‌ङिना पुजारिचि, सेङ्‌सेङ्‌गा छोङ्‌बाचि, माङ्‌हाङ्‌ङाना आप्‍पे ओयाप्‌मिचि ए॥ खानिङा उन्‍ङाना ओबोल्‌ङाना टोॽवाचि पारचार चोगानुम् नुङ् उन्‍ङा खानि डुम्‍बारिक्‌लाम्‍मा उन्‍ङाना डोङ् ठोङ्‌डिना ओव्‍हाङ्‌ङि माआप्‌टिए॥