लुका 18:38 - आठपहरिया

³⁸ हिट्‌ना रिङ् खेम्‍सुङ् हिट्‌ना नाड्‌डे पिक्‍सा टुक्‍लोक् राट्‌टे, “हाउ दाउद पुङ्‌लाङिना येसु, आङा लुक्‍मा याङ्‌टुक्‍टा!”

लुका 18:38 ပူးပေါင်းရင်းမြစ်များ

मात्‌ति 12:23

ना उनिसुङ् सोब्‍बे याप्‌मिचि डोङ् ओठोङ्‌डाउङ् नाट्‌डे पिक्‍सा ओमाट्‌टुए, “पाक् ना दाउद पुङ्‌लाङिना याप्‌मि डोक् इ टे?”

मात्‌ति 15:22

हिट्‌ना छेट्‌रालाम्‍मा ठिबाङ् कानानि मेन्‍झेमा आबाउङ् टाराङ्-टाराङ् राट्‌सा माट्‌टुए, “आडाङ्‌बा, दाउद पुङ्‌लाङिना, आङा लुक्‍मा याङ्‌टुक्‍टा! आइछा मेन्‍झेमा टोन्‍डेबाङा आड्‌डिक् ओचाफेन्‍लोक् याङ्‌छामा चाट्‌टुएसुए॥”

मात्‌ति 21:15

टरो जब गाडुवाडाङ्‌बाचि लोक् धारमाबिधि काहिसिक्‍बाचिङा उन्‍ङा चोगुना डोङ् ठोङ्‌डिना टोॽवा उनिसुए, हिट्‌नुङ् पिच्‍छाचिङा माङ्‌ठानाङिना टेल्‍लाङ्‌ङि “दाउद पुङ्‌लाङिना हाङ्‌बा लाङ्उसा होसान्‍ना” पिक्‍सा ओराट्‌टागा ओखेम्‍सुनाँ हिट्‌नागाँगा उन्‌चि याक्‍लेडे॥

मात्‌ति 21:9

उन्‍ङाना ओटोकानाङि हिट्‌नुङ् ओएङ्‌स्‍वाङि ओलाम्‌टियागा याप्‌मिचि राट्‌सा नाड्‌डे ओमाट्‌टुए, “दाउद पुङ्‌लाङिना हाङ्‌बालाउङ्‌सा होसान्‍ना! टाङ्‌बा उनिङ्‌ङि टायाना माङ्‌हाङ्‌ङा आसिक् पिडुटु॥ सोब्‍बे नुङ् टो टोनालोग्‌ङि युङ्‌ना माङ्‌हाङ्‌लोङ्‌सा होसान्‍ना!”

मात्‌ति 9:27

येसु हिट्‌नालाम्‍मा खाडागेट्‌टाना बेला लाम्‍भोङि इप्‍पाङ् याङ्‌निचिन्‍गाँ “हाउ दाउद पुङ्‌लाङिना येसु, आन्‍च्‍याँ लुक्‍मा याप्‌मिटुक्‍टा” पिक्‍सा राट्‌सा ओएङ्-ओएङ् खाडाचे॥

लुका 18:37

याप्‌मिचिङा हिट्‌ना ओलोडुए, “नासारात खालाङ्‌गाङिना येसु नाहिलाम्‍मा खाॽयुगेट्॥”

लुका 18:39

हिट्‌ना बेला येसुलोक् ओखाडागेट्‌टागा याप्‌मिचिङा “मिचेक्‍ङे, स्‍वाग् युङा” पिक्‍सा खेमा ओलाप्‍टुए॥ टरो हिट्‌ना झान् टुक्‍लोक् राट्‌टाउङ् पिगे, “हाउ दाउद हाङ् पुङ्‌लाङिना येसु, लुक्‍मा याङ्‌टुक्‍टा!”

रोमि 1:3

ना नुना खाबोरउम्‍टे माङ्‌हाङ् छाङाना बिसाएङि ए॥ उन् याप्‌मि लिसाउङ् दाउद हाङ्‌बाङाना पुङ्‌लालाम्‍मा पोङ्‌से॥

पारकास 22:16

“आङा येसुङा खानि सोरि माङ्‌पाङ्‌ङि उलिसागा सोब्‍बेलाउङ्‌सा नागा रिङ् लोमा आङाना माङ्‌हाङ् रिङ् काउग्‍बा खानिङि पाङ्‌सुएसुङे॥ आङा दाउद हाङ्‌बाङाना पुङ्‌लाङिना छालेट् ए, हिट्‌नुङ् भ्‍यानिक् ओम्‍ना चोक्‌चिङ्‌गेट् आङा डोक्॥”