लुका 17:6 - आठपहरिया

⁶ येसु डाङ्‌बाङा हिट्‌नागा लोडुचे, “खानिङि पाट्‌छेयो सागा ओगेडा टेउना एडोक् बिस्‍वास युङ्‌ग्‍वा भोने, खानिङा ना किम्‍बु उघुङ्‌मा ‘ओजारालोक् आङ्‌सा खाडाउङ् सामुन्‍दराङि लेट्‌सिङा खाडा’ लोमा आहिडुम्‍टुम्, हिट्‌नुङ् खानिङा आमाट्‌टुम् गाड्‌डे डोक् हिट्‌ना लियुक्॥

लुका 17:6 ပူးပေါင်းရင်းမြစ်များ

मात्‌ति 14:29

येसुङा लोडुए, “आबाक्॥” हिट्‌नुङ् पाटरुस नाउलाम्‍मा होन्‍डाउङ् चुवा उठुङ्‌ङि लाम्‌टिसा येसुलेङ् खाप्‍मा ठालाँ चोगुए॥

मात्‌ति 17:20

उन्‍ङा हिट्‌नागा लोडुचे, “खानिगा बिस्‍वास खाट्‌टिप्‍मा लिसानाँ, हिट्‌ना होप्‍मा आहिनेट्‌निम्॥ छेम्‍बा, आङा खानि लोनाँनि, खानिलोक् पाट्‌छेयो सागाङाना ठिक् ओगेडा टेप्‍मा बिस्‍वास युङ्‌ग्‍वा भोने ना झोन्‍झोबो ‘नाहिलाम्‍मा मासाडा’ आलोडुम्‍नाँ मायुएट्‌युक्॥ हिट्‌नुङ् खानिङा जे चा चोक्‍मा आहिडुम्‍टुम्॥

मात्‌ति 21:21

येसुङा हिट्‌नागा लोडुचे, “छेम्‍बा आङा खानि लोनाँनि, खानिङा बिस्‍वास आचोगुमुङ् खोट्‌टेप्‍मा चा साङ्‌का आचोक्‌निम्‍गा भोने, वामाखोक्‍पो उभुङ्‌मा लाउङ्‌सा आङा चोगुङ्‌ना गाड्‌डे चोक्‍मा आहिडुम्‍टुम् हिट्‌नुङ् हिटेप्‍मा एडोक् माखाक्, खानिङा ना झोन्‍झोन्‍बा चा ‘नाहिलाम्‍मा आङ्‌साडाउङ् सामुन्‍दराङि ठाया’ आलोडुम्‍टुम् भोने चा हिड्‌डे लियुक्॥

मारकुस 4:31

ना पाट्‌छेयो सागाङाना लालिक् खाम्‌ङि हिबालाक् गाड्‌डेना, ना लालिक् नाराङि सोब्‍बे नुङ्‌ना खाट्‌टियुना लिना॥ ठिबाङ् याप्‌मिङा हिट्‌ना लालिक् स्‍वाँराङि खाट्‌टुङ् लेट्‌टुटु,

मारकुस 9:23

येसुङा हिट्‌ना लोडुए, “चोक्‍मा आहिडुटु नुङ् पोङ् याङ्आलोङाना? बिस्‍वास काचोक्‍बाचि लोङ्‌सा सोब्‍बे रिङ् लिमा हियुक्॥”

लुका 13:19

ना पाट्‌छेयो सागाङाना लालिक् गाड्‌डेना ए॥ ठिबाङ् याप्‌मिङा हिट्‌ना लालिक् खाट्‌टुङ् ओस्‍वाँराङि हिसुटु, हिट्‌नुङ् कोब्‌युङ् पोयुङ् सिङ् उभुङ्‌मा लियुक्॥ हिट्‌नुङ् हिट्‌ना ओहागेप्‍पाचिङि नुवाचिङा उन्‌चि हाप् ओचोगुटु॥”

लुका 17:7

“मिट्‌टानुम्, खानि माड्‌डे ठिबाङ्‌ङाना हालि आथाबा ठुँबा कापुबा चाकार वाहेट्, हिट्‌ना बेङ्‌सिङि टोॽवा चोगुङ् नोक्‌यु टानाङा पाक् खान्‍ङा हिट्‌ना ‘हाट्‌ले आबा हिट्‌नुङ् चामा चासिङा युङा’ पिक्‍सा आलोडुटुनि टे?

लुका 19:4

हिट्‌डेउङ् येसु पुसिङा हिट्‌ना पिन्‍सा आगाडि आगाडि खाडाउङ् ठिक् वामोखोक्‍पो उघुङ्‌माङि ठाङे॥ हिट्‌ना लाम्‍बो लिसा डोक् येसु खाडागेट्‌टाना डाना॥

लुका 7:13

येसु डाङ्‌बाङा हिट्‌ना लाङ्‌मेप्‍मा निसुनाङा उनिङ्‌ग्‍वा टुगे, हिट्‌नुङ् “खान् हाप्‍नेन्” लोडुए॥

लुका 7:19

हिट्‌नुङ् उन्‍ङा येसु डाङ्‌बाङि नाड्‌डेना खाबोर लोसिङा पाङ्‌सुचे, “हाट्‌ले टायुगेट्‌ना खिरिस्‍ट खान् डोक् इ, आरु कोइङाना लाम्‍बो पुयुम्‍मानि?”

१ कोरिन्‌थि 13:2

आङालोक् माङ्‌हाङ्‌लाम्‍माना माप्‍माना रिङ्‌ङाना बारदान युङ्‌ग्‍वा, हिट्‌नुङ् माङ्‌हाङ्‌ङाना ठोबाना रिङ्‌चि हिट्‌नुङ् सोब्‍बे ठोनाचि बुजा चोक्‍माना बोल् युङ्‌ग्‍वा, हिट्‌नुङ् झोन्‍झोबा सोम्‍माहिमाना आङालोक् बिस्‍वास चा युङ्‌ग्‍वा, टरो आङा आरु माया चोक्‌निङ्‌चिङ्‌गा भोने, आङा पाक्‍चा माखाक्॥