लुका 17:16 - आठपहरिया

¹⁶ हिट्‌नुङ् हिट्‌ना येसुङाना ओटोकानाइ हाम्‍बोम्‍फोप् चोगाउङ् स्‍या मेट्‌टुए हिट्‌नुङ् येसु पोए-पोए लोडुए॥ हिट्‌नाम्‍बाक् सामारि छोङ्‌बा याप्‌मि डाना॥

लुका 17:16 ပူးပေါင်းရင်းမြစ်များ

मात्‌ति 10:5

येसुङा हिट्‌नागा बारो जाना ओचेलाचि नाट्‌डे आग्‍याँ पिडुचिउङ् पाङ्‌सुचे, “खानि पानिछोङ्‌बाचि माझाङि खाट्‌नेनिन्, हिट्‌नुङ् सामारिचिगा खालाङ्‌गाङि लिक्‍नेनिन्॥

मात्‌ति 2:11

हिट्‌नुङ् पाङ् भिट्‌रा उलिगानाँ हिट्‌नागाँ ओओ उमा मारियामलोक् लिसाना उनिसुए॥ हिट्‌नुङ् गुङ् ओचोगाउङ् ओओ स्‍या ओमेट्‌टुए, हिट्‌नुङ् जाप्‍रामालाम्‍मा साम्‍याङ्, धुपा, हिट्‌नुङ् बुङ्‌बुङ् नाम्‍ना आट्‌टार ओहोट्‌टुङ् ओठाङ्‌सुए॥

मारकुस 5:33

हिट्‌ना मेन्‍झेमाङा उन्‌ङि पाक् लिसेना हिट्‌ना रिङ् मिट्‌टुङ् उकिप्‍माङा योग्‍सा येसु ओटोकानाङि आबाउङ् गुङ् चोगाउङ् उन् सोब्‍बे छेम्‍बाना रिङ् लोडुए॥

लुका 17:17

येसुङा उन्‌लोक् ओवासागा याप्‌मिचि सिलाप्‍टुचे, “पाक् ठिक्‍मेक् याप्‌मिचि डोक् ना रोगालाम्‍मा नुमानिङ् उलिसागा माहि टे? आरु याङ् जानाम्‍बाक् खोनाइ ओखाडेगा टे?

लुका 5:8

हिट्‌नुङ् ना रिङ् निसुङ् येसुङा ओटाकानाङि गुङ् चोगाउङ् सिमोन पाटरुसङा लोडुए, “आडाङ्‌बा, आङा ओचाफेन्‍ना टोॽवा काचोक् याप्‌मि, आङालाम्‍मा खाडायेट्‌टा॥”

युहान्‍ना 4:9

हिट्‌नुङ् सामारि मेन्‍झेमाङा उन् लोडुए, “खान् याहुदि याप्‌मि आलिसाउङ् चा खोड्‌डेउङ् आङा सामारि मेन्‍झेमाङाना मुक्‌लाम्‍मा चुवा आठुङुटुना?” (पोङ्‌भोने याहुदिचिङा सामारिचिलोक् पाक्‍चा साम्‍बान्‍धा उयुङ्‌सुन्‍गा॥)

युहान्‍ना 5:23

हिट्‌डेउङ् याप्‌मिचिङा पाबा मान् ओचोगु गाड्‌डे डोक् छालोङ्‌सा ख्‍वाप्‍पाङा मान् ओचोगुवाक्॥ छा मान् ओचोगुन्‍गाँ उन् कापाङ्‌बा पाबा चा मान् ओचोगुन्‍ना॥

युहान्‍ना 8:48

याहुदि ओठेडाङ्‌चिङा उन् ओलोडुए, “आन्‍याँ माट्‌टुम्‍माना छेम्‍बा डोक्, खान् सामारि याप्‌मि हिट्‌नुङ् खान् टोन्‍डेबाङा माखोट्‌टाइसे॥”

मुलिचेला टोॽवा 1:8

टरो सेङ्‌सेङ्‌ना हाङ्‌सा खानिङि टायुक् हिट्‌नुङ् खानिङा बोल् आटोगुम्‍टुम् हिट्‌नुङ् खानि यरुसलेमङि, याहुदिया छेट्‌राङि, सामारिया छेट्‌राङि, हिट्‌नुङ् ख्‍वाप्‍पा नाराङि आङाना बारेङि कामाप्‍बा आलिसिटि॥”

१ कोरिन्‌थि 14:25

हिट्‌नुङ् हिट्‌नागाँ उन्‌चि निङ्‌ग्‍वा भिट्‌रा ओठोबागा रिङ्‌चि चा ओमाट्‌टुटु, हिट्‌नुङ् हिट्‌नागाँ उन्‌चि टुम्‍बुट् ओयेप्‍टुङ् ओमाट्‌टुटु “छेम्‍बा डोक्, माङ्‌हाङ् नागा याप्‌मिचिलोक् युङ्‌ग्‍वा॥”

पारकास 19:10

हिट्‌नुङ् हिट्‌ना माङ्‌हाङ् रिङ् काउग्‍बा माङ्‌ध्‍यान् चोक्‍मा लाउङ्‌सा ओटोकानाङि गुङ् चोगाङे, टरो हिट्‌नाङा आङा नाड्‌डे याङ्‌लोडे, “नाड्‌डे चोक्‍नेन्॥ आङाउम्‍टे खान् हिट्‌नुङ् बिस्‍वासि कासाइबाचि गाड्‌डे येसुङाना सेवा काचोक्‍बा एडोक् ए॥ खान्‍ङा माङ्‌हाङ् एडोक् माङ्‌ध्‍यान् चोक्‍मा कोन्‌युक्, पोङ्‌भोने छेम्‍बाना माङ्‌हाङ्‌लाम्‍माना रिङ् काचेक्‍बाङा एडोक् येसुङाना बारे आरु लोडुचिचि॥”

पारकास 5:14

हिट्‌नुङ् हिट्‌निगा टेम्‍बोक् उहिङ्‌ग्‍वाट् जिवाट्‌चिङा ओमाट्‌टुए, “छेम्‍बा डोक्, नाड्‌डे डोक् लिमा कोन्‌युक्॥” हिट्‌नुङ् ओठेडोङ्‌चिङा गुङ् ओचोगाउङ् माङ्‌हाङ् लोक् थुमाङाना माङ्‌ध्‍यान् ओचोगुए॥