लुका 16:7 - आठपहरिया

⁷ “हिट्‌नुङ् हिट्‌ना कोटेरिबाङा आरको सिलाप्‍टुए, ‘खान्‍ङा आम्‍टेप्‍मा नाॽवा हुङ्‌माना युङ्‌ग्‍वाना?’ हिट्‌ना याप्‌मिङा माट्‌टुए, ‘आङा ठिक् हाजार पाटिडालि गाहुँ नाॽवा हुङ्‌माना केङ्‌ग्‍वा॥’ हिट्‌नुङ् हिट्‌ना चा लोडुए, ‘काभोरपाइङि एला याङ् साए पाटिडालि छेप्‍टु॥’

लुका 16:7 ပူးပေါင်းရင်းမြစ်များ

मात्‌ति 18:28

“टब हिट्‌ना चाकार खाडे, हिट्‌नुङ् उन्‌लोक् एकेउ टोॽवा काचोक् चाकारचि माड्‌डे ठिबाङ् टुबुए, हिट्‌ना ओसाइबाङा उन्‌लाम्‍मा ठिक् साए रुपा राङ् नाॽवा लोगुएसुना डाना॥ हिट्‌नुङ् हिट्‌नाङा ओसाङ्‌मारि लाबुङ् लोडुए, ‘आङालाम्‍मा आखाट्‌टुना आनाॽवा हुङुलेट्‌टु॥’

लुका 16:6

हिट्‌ना याप्‌मिङा माट्‌टुए, ‘आङि सुम्‍बोक् हाजार जारकिन् टेप्‍मा जैतुनङाना क्‍या हुङ्‌माना केङ्‌ग्‍वा॥’ हिट्‌ना कोटेबारिङा लोडुए, ‘कोए काभोरपाइ एला चार साए जारकिन क्‍या छेप्‍टु॥’

लुका 16:8

“हिट्‌डेउङ् ओडाङ्‌बाङा हिट्‌ना बेमान कोटेरिबाङाना ओचाप्‍पाङ् टोॽवा चोगुना निसुङ् उनिङ् चोन्‍डुबिडुए॥ पोङ्‌भोने माङ्‌हाङ्‌ङि बिस्‍वास ओचोगुन्‍गा याप्‌मिचि उन्‌चि टाक्‌चिलोक् ओचाप्‍पाङ् चाट्‌ला ओचोग्‍गा, टरो माङ्‌हाङ्‌ङि बिस्‍वास ओचोगुगा याप्‌मिचि नागाटेप्‍मा ओचाप्‍पाङ् उलिनिगा॥

लुका 2:37

हिट्‌नुङ् उन्‍ङा हिट्‌ना बेला चौरासि बारखा टेप्‍मा टासुएसुना॥ उन्‍ङा खोना बेला चा माङ्‌ठाना नाडुव्‍ट्‌टुन्‍ना, उन् उपासा हिट्‌नुङ् बिन्‌टि चोक्‍सा लेन्‍सेन् माङ्‌ठानाङि माङ्‌हाङ्‌ङाना सेवा चोक्‍सा युङायाक्‍टाना॥

लुका 20:12

हिट्‌नुङ् स्‍वाँरा डाङ्‌बाङा फेरि आरको ओचाकार पाङ्‌सुए॥ हिटना चाकार चा आधिया कामाँ काचोक्‍बाचिङा सियालोक् ओलेम्‍सुङ् आङ्‌गुर बारि भारा ओलेप्‍टुए॥

लुका 20:9

हिट्‌नुङ्‌ना येसुङा याप्‌मिचि ठिक् मुन्‍डुम् लोडुचे, “ठिबाङ् याप्‌मिङा ओस्‍वाँराङि आङ्‌गुर लेट्‌टुए हिट्‌नुङ् हिट्‌ना आङ्‌गुर बारि आधियाङि लाहाब् चोगुङ् उन् याप्‍मा लेम्‍बा लोङ्‌सा भारा खाडे॥