लुका 16:24 - आठपहरिया

²⁴ “हिट्‌नुङ् वागाठेगा याप्‌मि राट्‌सा पिगे, ‘हाउ आप्‍पा आब्‍राहाम, आङा लुक्‍मा याङ्‌टुक्‍टाउङ् नाहि लाजारस याङ्‌पाङ्‌साबिडा॥ हिट्‌नुङ् हिट्‌नाङा ओआङ्‌गुलिक् ओछोम्‍बो चुवाङि लुम्‍सुङ् आलेक्‍फाङि याङ्‌ठेन्‌युबियुङ् चिसो याङ्ओचोक्‍ङाबिङा, पोङ्‌भोने आङा ना मि भुङ्‌ग्‍रोङि टुक्‍लोक् याङ्‌छामा टोगुएट्‌टुङ्॥’

लुका 16:24 ပူးပေါင်းရင်းမြစ်များ

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

मात्‌ति 3:9

हिट्‌नुङ् ‘आन्‍याँम्‍टे आब्‍राहामङाना ओछालेट्‌चि गोलो टे’ पिक्‍सा माङ्‌हाङ् उपुन्‌जिरिॽवालाम्‍मा होम्‍मा हिडिटिङा नुङ् मिट्‌नेनिन्, पोङ्‌भोने आङा खानि लोनाँनि, माङ्‌हाङ्‌ङा नागा लिङ्‌गेॽवालाम्‍मा चा आब्‍राहाम ओछालेट्‌चि चोक्‍मा हिडुटु॥

मात्‌ति 5:22

टरो आङा खानि लोनाँनि, खोना चा आरु याप्‌मिलोक् ओयाक्‍लेड्‌युक् भोने हिट्‌नाङा चा साजाए टोगुटु, जुन्‍ङा आरु ‘ठोनाबा’ लोडुटु हिट्‌ना माङ्‌हाङ्‌ङा ओचाफेन्‍लोक् साजाए पिडुटु॥ जुन्‍ङा आरु याप्‌मि साराप याङुटु हिट्‌ना झान् योनालोग्‌ङिना मिङि ठायुक्॥

लुका 16:30

हिट्‌ना वागाठेगा याप्‌मिङा लोडुए, ‘आप्‍पा आब्‍राहाम, हिट्‌टेप्‍माँ एडोक् लिनिना॥ टरो कोइ ठिबाङ् याप्‌मि ओसियागालाम्‍मा उहिङ्‌ग्‍वाट् लियुङ् हिट्‌नागा सोरि खाडे भोने, हिट्‌नागा उन्‌चि पापलाम्‍मा माङ्‌हाङ्‌लेङ् ओनोक्‌युक्॥’

लुका 19:9

येसुङा हिट्‌ना लोडुए, “हाट्‌ले नापाङ्‌ङिगा जाहान्‌चि माङ्‌हाङ्‌ङा हिङुएसुचे॥ पोङ्‌भोने ना जाक्‍कै चा आब्‍राहाम पुङ्‌लाङिना याप्‌मि डोक्॥

लुका 3:8

छेम्‍बा डोक्, खानिङा आ-आप्‍पे आचोगुम्‍गा पापलाम्‍मा काएल्-काबु आलिसिगा भोने, हिट्‌नाड्‌डे गाड्‌डे डोक् चोगानि॥ टरो ‘आन्‍याँम्‍टे आब्‍राहामङाना ओछालेट्‌चि गोलो टे’ पिक्‍सा माङ्‌हाङ् उपुन्‌जिरिॽवालाम्‍मा होम्‍मा हिडिटिङा नुङ् मिट्‌नेनिन्॥ आङा खानि लोनाँनि, माङ्‌हाङ्‌ङा नागा लुङ्‌गेॽवालाम्‍मा चा आब्‍राहाम ओछालेट्‌चि चोग्‍मा हिडुटु॥

युहान्‍ना 4:10

येसुङा हिट्‌ना लोडुए, “खान्‍ङा खान् लाउङ्‌सा माङ्‌हाङ्‌ङाना उपाहार हिट्‌नुङ् खान्‌लोक् चुवा ठुङ्‌मा कानाक्‍बा याप्‌मि मिसेन् आनिसुना बे खान्‍ङा गोलो उन् आनाक्‍टुए, हिट्‌नुङ् उन्‍ङा खान् चोला आपिना चुवा मापिडेए बे॥”

युहान्‍ना 4:14

टरो जुन् जुन्‍ङा आङा पिडुङ्‌चिङ्‌गा चुवा उठुङुटु, हिट्‌नागा खोना बेला चा वेॽमाङा उसिनिगा॥ आङा ठुङ्‌मा पिडुङ्‌चिङ्‌गा चुवाम्‍बाक् हिट्‌नागा भिट्‌रा पुन्‌युयाक्‍ना चुवाङाना उपुन् लियुक् हिट्‌नुङ् नाङा हिट्‌नागा खोना बेला चा लाट्‌निना चोला पिडुचिचि॥”

युहान्‍ना 7:37

चाडाङाना लाट्‌ना लेम्‍बा, नाउम्‍बाक् आड्‌डिक् मुलि लेम्‍बा डाना, येसुङा येबाउङ् सोब्‍बेङा ओखेम्‍सुलोक् नाड्‌डे लोडुचे, “खानि माड्‌डे कोइङाना वेॽमा काडे भोने, हिट्‌ना आङा सोरि ओटायाक् हिट्‌नुङ् उठुङुवाक्॥

रोमि 4:12

आब्‍राहाम चा खाताना ओचोगुगा ख्‍वाप्‍पाङागा टुबाठेबा ए, टरो हिट्‌नागाँ खाताना ओचोगुनाँ एडोक् आब्‍राहाम हिट्‌नागाँगा टुबाठेबा लिसाना माखाक्॥ आब्‍राहाम उन्‍ङा खाताना चोक्‍मा पाइले माङ्‌हाङ्‌ङि बिस्‍वास चोगु गाड्‌डे बिस्‍वास ओचोगुगा याप्‌मिचिगा चा टुबाठेबा ए॥

२ थेसालोनिकि 1:8

हिट्‌नुङ् माङ्‌हाङ् मिसेन् निमा ओटेन्‌निगा हिट्‌नुङ् आनि टाङ्‌बा येसुङाना नुना खाबोर गाड्‌डे चोक्‍मा ओटेन्‌निगा लोङ्‌सा उन्‍ङा साजाए पिडुचिचि॥

याकुब 2:13

पोङ्‌भोने जुन्‍ङा आरु लुक्‍मा टुक्‍टुन्‌चिन्‍गा, हिट्‌नाङाना न्‍याए चा हिट्‌ना पारा डोक् लियुक्॥ टरो जुन्‍ङा आरु लुक्‍मा टुक्‍टुचिचि भोने, माङ्‌हाङ्‌ङा हिट्‌ना न्‍याए चोगुनाँ उन् लुक्‍मा टुक्‍टुटु॥

याकुब 3:6

लेक्‍फाम्‍बाक् मि गाड्‌डेना डोक्॥ ना येम्‌ङिना आङ्‌गाचि माड्‌डेङि सोब्‍बे नुङ्‌ना भेन्‍ना ए॥ नाङा याप्‌मिङाना घोक् डोक् ओयेम् आसुद्‌दो चोगुटु, हिट्‌नुङ् नाङा योनालोग्‌ङिना मिलोक् ख्‍वाप्‍पा आनि चोला डोक् टुनुडिसुटु॥

पारकास 19:20

हिट्‌नुङ् हिट्‌ना जिवाट् हिट्‌नुङ् हिट्‌ना उनिङ्‌ङि डोङ् ठोङ्‌डिना टोॽवा काचोक् माङ्‌जोना माङ्‌काटा टाङ्‌राङ्‌बाङि ठाङानाङा कैद चोगुए॥ हिट्‌ना माङ्‌जोना माङ्‌काटाङा डोङ् ठोङ्‌डिगा टोॽवा चोगुङ् हिट्‌ना जिवाट्‌ङाना छाप् ओलाडुगा लोक् हिट्‌नाङाना मुरति साम्‍माङ् काचोक्‌चि मुसिक्‍पा चाट्‌टुएसुचिगा डागा॥ हिट्‌नुङ् टाङ्‌राङ्‌बाङि ठाङानाङा हिट्‌नागाचि इप्‍पाङ् उहिङ्‌ग्‍वाट् डोक् गान्‍धकङा हाट्‌टेट्‌टाना मिङाना उभुङ्‌रोङि लेप्‍टुचे॥

पारकास 22:1

हिट्‌नुङ्‌ना माङ्‌हाङ् रिङ् काउग्‍बाङा आङा चोला आपिना चुवाङाना होङ् याङ्‌निमेट्‌टे॥ हिट्‌ना चुवा आड्‌डिक् सेङ्‌सेङ्‌ना हिट्‌नुङ् सिसा गाड्‌डे डोक् ओम्‍साना डाना॥ हिट्‌ना होङ् माङ्‌हाङ् हिट्‌नुङ् थुमाङाना सिङासान्‌लाम् बागाँ लिसेट्‌टाना॥