लुका 16:22 - आठपहरिया

²² “ठिक् लेम्‍बा हिट्‌ना गारिब लाजारस सिए हिट्‌नुङ् माङ्‌हाङ् रिङ् काउग्‍बाचिङा उखुयुङ् ओखाट्‌टुङ् आब्‍राहाम सोरि उयुङ्‌सुए॥ हिट्‌ना वागाठेगा याप्‌मि चा सिए हिट्‌नुङ् याप्‌मिचिङा उहुमुए॥

लुका 16:22 ပူးပေါင်းရင်းမြစ်များ

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 24:31

हिट्‌नुङ् उन्‍ङा उन्‍ङाना माङ्‌हाङ् रिङ् काउग्‍बाचि धुटुरिबाङाना ठेना ओसोरालोक् पाङ्‌सुचिचि, हिट्‌नुङ् हिट्‌नागाँ नाराङिगा सोब्‍बे कुनालाम्‍मा उन्‍ङा सेगुचिगा उछुम्‍सुचिचि॥

मात्‌ति 8:11

आङा खानि लोनाँनि, नाम् होन्‍नालेङ्‌लाम्‍मा हिट्‌नुङ् नाम् ठानालाम्‍मा जोम् पानिछोङ्‌बा याप्‌मिचि ओटायुक्, हिट्‌नुङ् हिट्‌नागा आब्‍राहाम, इसाहाक हिट्‌नुङ् याकुबलोक् टोनालोग्‌ङिना मुलुक्‌ङि उन्‌लोक् भातेर चासिङा एक्‍केउ उयुङ्‌युक्॥

मारकुस 8:36

पोङ्‌भोने याप्‌मिङा ना नाराङिगा ख्‍वाप्‍पा थोक्‌चि टोगु चा ओसोक्‍माम्‍बाक् जाखाम् चोगुटु भोने, हिट्‌ना लोङ्‌सा पाक् ओचेट्‌नुना लिसेना टे?

लुका 12:20

“टरो माङ्‌हाङ्‌ङा हिटना लोडुए, ‘हाउ काठोना मालेना याप्‌मि, हाट्‌ले युसा डोक् खान् आसियुक्॥ हिट्‌नुङ् खान्‍ङा आठोबुगा सोब्‍बे कामाक्‍फेन्‍सुबेन् आरु याप्‌मिचिगा लियुक्॥’”

लुका 16:21

हिट्‌ना वागाठेगा याप्‌मिङा चोना डेन्‍लाम् ठायागा सिटासिटि चामा टोगुङ्‌टुङ् नुङ् हिट्‌ना पाक्‍चा वानेट्‌निना लाजारसङा चामाना उनिङ्‌ग्‍वाङि मिट्‌टे॥ हिट्‌नुङ् कोछुबाचिङा चा ओखेसिक्‌चि ओलेगुबिडुना डाना॥

युहान्‍ना 1:18

माङ्‌हाङ् साङा चा खोना बेला चा उनिसुन्‍गेट्‌टुन्‍ना, टरो माङ्‌हाङ् पाबालोक् लिसाना ठिबाङ् एना, उन् आप्‍पे माङ्‌हाङ्, हिट्‌नुङ् उन्‍ङा डोक् आनिलाउङ्‌सा माङ्‌हाङ् आनिमेट्‌टाइसे॥

युहान्‍ना 13:23

येसुङा ओचेलाचि माड्‌डे उन्‍ङा माया चोगुना चेलाम्‍बाक् उन् सोरि डोक् युङासाना॥

युहान्‍ना 21:20

पाटरुसङा एङ्‌स्‍वालेङ् नोक्‍टाउङ् पुयुनाँ येसुङा माया चोगुना चेला ओएङ्-ओएङ् आबागेट्‌टाना निसुए॥ (नाङा डोक् युसा पाकाना चामा चामा बेला उन्‌ङि लेखेप् खेप्‍टाउङ् नाड्‌डे पिक्‍सा सिलाप्‍टुए, “टाङ्‌बा, खान् धोका कापिबा साइना हाउ?”)

हिब्‍रु 1:14

पोङ्‌भोने माङ्‌हाङ् रिङ् काउक्‍बाचिम् माङ्‌हाङ्‌ङाना टोॽवा काचोक् हाङ्‌साचि एडोक् ए॥ उन्‍ङा डोक् हिट्‌नागा मुक्‌टि ओटोगुगा लाउङ्‌सा घुवार फामा पाङ्‌सुचिचि॥

हिब्‍रु 2:14

पोङ्‌भोने नागा छालेट्‌चि हेलिक् लोक् साङाना येम् उलिसानाँ येसु चा हिट्‌नागा गाड्‌डे डोक् सा लोक् हेलिक् लिसाना याप्‌मि लिसे॥ हिट्‌नुङ् येसु सियाउङ् एडोक् आसेड्‌ना साक्‌ति लिसाना सैतान जाखाम् चोगुए॥

याकुब 1:11

जब टुक्‍लोक् नाम्‍छेयुक् टब फुङ् उभुङ्‌मा डोक् चोप्‌युङ् सियुक्॥ हिट्‌नुङ् ओफेट् ठायुङ् हिट्‌नाङाना ओसोभा डोक् खाट्‌युक्॥ हिट्‌नाड्‌डे डोक् वागाठागा याप्‌मि चा आप्‍पे ओटोॽवा चोगुगेट्‌टुलोक् डोक् ओचोला चा जाखाम् लियुङ् खाट्‌युक्॥

१ पाटरुस 2:24

आनि पाप लाउङ्‌सा सिइउङ् धारमिक्‍ता लाउङ्‌सा हिङि नुङ् खिरिस्‍ट आप्‍पेङा ओयेम्‌ङि आनि पाप खाप्‍चेङि खुयुए॥ हिड्‌नाड्‌डेउङ् उन्‍ङाना खेसिक्‌लाम्‍मा खानि आनुइए॥

पारकास 14:13

हिट्‌नुङ् टोनालोग्‌लाम् नाड्‌डे मुक्‍टाना ठिक् सोरा आङा खेम्‍सुङे, “ना रिङ् छेप्‍टु, हाट्‌ले नुङ् टाङ्‌बा बिस्‍वास ओचोगुङ् उसियागा याप्‌मिचि माङ्‌हाङ्‌ङा आसिक् पिडुचिचि॥” सेङ्‌सेङ्‌ना हाङ्‌साङा नाड्‌डे माट्‌टुए, “छेम्‍बा ए, हाट्‌ले नुङ् हिट्‌नागाँ टुक्‍ना टोॽवा चोक्‍मा कोन्‌निना॥ हिट्‌ना ओसाट्‌टोङि माङ्‌हाङ्‌ङा हिट्‌नागा आराम पिडुचिचि, हिट्‌नुङ् हिट्‌नागाँ ओचोगुना टोॽवाङाना इनाम् हिट्‌नागा पिडुचिचि॥”