लुका 16:16 - आठपहरिया

¹⁶ “हिट्‌नुङ् बाप्‌टिस्‍मा कापि युहान्‍ना ओबेला सोम्‍मा मोसाङाना धारमाबिधि हिट्‌नुङ् माङ्‌काटाचिङा ओछेप्‍टुगा रिङ् याहुदि ओठेडोङ्‌चिङा याप्‌मिचि उहिसिक्‍टुचे॥ बाप्‌टिस्‍मा कापि युहान्‍ना नुङ् नाॽया माङ्‌हाङ् उमुलुक्‌ङाना नुना खाबोर पारचार चोगाइसे, हिट्‌नुङ् याप्‌मिचि ना मुलुक्‌ङि लिक्‍मा ओकोन्‌येट्॥

लुका 16:16 ပူးပေါင်းရင်းမြစ်များ

मात्‌ति 10:7

हिट्‌नुङ् याप्‌मिचिलोङ्‌सा ‘टोनालोग्‌ङिना मुलुक् नेहेट्‌टाङ् टाइसे,’ पिक्‍सा पारचार चोगानुम्॥

मात्‌ति 15:11

याप्‌मिङा ओयासिलाम्‍मा चोगा खोना थोक्‍ङा चा याप्‌मि आसुद्‌दो चोगुन्‍ना, टरो उनिङ्‌ग्‍वा भिट्‌रालाम्‍मा भारा होन्‍गा रिङ्‌ङा एरोक् हिट्‌ना आसुद्‌दो चोगुटु॥”

मात्‌ति 21:32

पोङ्‌भोने बाप्‌टिस्‍मा कापिबा युहान्‍ना छेम्‍बाना लाम्‍बो निमेट्‌मा लोङ्‌सा खानि सोरि टाए, टरो खानिङा उन् बिस्‍वास आचोक्‍नेयाट्‌निम्॥ टरो तिरो काफोक्‍बाचि लोक् वालाफेडुमाचिङा उन् बिस्‍वास ओचोगुए॥ खानिङा नागा रिङ् आनिसुम्‍चा काएल्-काबु आलिसिएट्‌टिन्, हिट्‌नुङ् उन् बिस्‍वास आचोक्‍नेयाट्‌निम्॥”

मात्‌ति 3:2

“खानि पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि, पोङ्‌भोने टोनालोग्‌ङिना मुलुक् नेट्‌टाङ् टाइसे॥”

मात्‌ति 4:17

हिट्‌ना बेलालाम्‍मा येसुङा पारचार चोक्‍सा नाड्‌डे माट्‌टुए, “खानि पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि, पोङ्‌भोने टोनालोग्‌ङिना मुलुक् नेट्‌टाङ् टाइसे॥”

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मारकुस 1:14

बाप्‌टिस्‍मा कापि युहान्‍ना खाम्‍बाङ्‌ङि ओठेन्‍डुना बेला येसु माङ्‌हाङ्‌ङाना नुना खाबोर पारचार चोक्‍सा गालिल छेट्‌राङि खाडे॥

मारकुस 1:45

टरो हिट्‌ना याप्‌मि खाडाउङ् उन् नुयाना रिङ् ख्‍वाप्‍पालेङ् पारचार चोक्‍मा ठालाँ चोगुए, हिट्‌डेउङ् येसु फेरि खालाङ्‌गाङि सोब्‍बेङा उनिसुलोक् लिग्‍मा हिनेट्‌नि, हिट्‌नुङ् उन् खुसुना डेन्‌ङि युङ्‌सिङा खाडे॥ टरो हिट्‌नि चा याप्‌मिचि सोब्‍बेलाम्‍मा उन्‌ङि ओटाए॥

लुका 10:11

‘ना खानि खालाङ्‌गाङिना खाम्‍धारि आन्‍याँ लाङ्‌ङि नुप्‍टागा चा खानि बिरुद्‌दाङि नाहि डोक् ठाम्‍सुम्‍टुम्‍मा॥ टरो माङ्‌हाङ् उमुलुक् खानि सोरि डोक् टाइसे नुङ् मिट्‌टानुम्॥’

लुका 10:9

हिट्‌नुङ् हिट्‌ना खालाङ्‌गाङि टुखुमाङ् याप्‌मिचि नुमानिङ् चोगानुम्‌चिम् हिट्‌नुङ् ‘माङ्‌हाङ् उमुलुक् खानि सोरि डोक् टाइसे’ लोडानुम्‌चिम्॥

लुका 16:29

टरो आब्‍राहामङा हिट्‌ना लोडुए, ‘उन्‌चिलोक् मोसाङा हिट्‌नुङ् माङ्‌काटाचिङा ओछेप्‍टुना छाप्‍लाचि उयुङ्‌ग्‍वा, हिट्‌ना डोक् ओखेम्‍सुवाक्॥’

लुका 16:31

“टरो आब्‍राहामङा हिट्‌ना नाड्‌डे लोडुए, ‘हिट्‌नागाँ मोसा हिट्‌नुङ् माङ्‌काटाचिङा ओछेप्‍टुना छाप्‍लाचि ओखेम्‍सुङ् बिस्‍वास ओचोगुन्‍गा भोने, खोना याप्‌मि चा सियुङ् उहिङ्‌ग्‍वाट् लियुङ् खाट्‌चा हिट्‌नागाँ बिस्‍वास ओचोगुन्‍ना॥’”

लुका 9:2

हिट्‌नुङ् उन्‍ङा हिट्‌नागा माङ्‌हाङ् उमुलुक् पारचार चोक्‍ङा हिट्‌नुङ् उटुग्‍गा याप्‌मिचि नुमानिङ् चोक्‌सिङा पाङ्‌सुचे॥

युहान्‍ना 1:45

हिट्‌नुङ्‌ना फिलिपङा नाथानेल टुबुङ् लोडुए, “जुन्‍ङाना बारेङि मोसाङा धारमाबिधिङि छेप्‍टुएसुना हिट्‌नुङ् माङ्‌काटाचिङा चा ओछेप्‍टुएसुना, उन् आन्‍याँ टुबुम्‍मे॥ हिट्‌नाउम् योसेफङा उइछा नासारातङिना येसु गोलो रैछो॥”

युहान्‍ना 11:48

आनि ना याप्‌मि नाड्‌डे डोक् चोक्‍मा पिडुम्‌याक्‍टुम्‍मे भोने सोब्‍बे याप्‌मिचिङा हिट्‌ना बिस्‍वास ओचोगुटु, हिट्‌नुङ् रोमि टिलिङ्‌गाचि ओटायुङ् आनि माङ्‌ठाना हिट्‌नुङ् आनि छोङ्‌चि चा जाखाम् ओचोगुटु॥”

युहान्‍ना 12:19

फारिसि याप्‌मिचि उन्‌चि उन्‌चि उपिगे, “खोलो, आनि पाक्‍चा चोक्‍मा हिनेट्‌निम्॥ पुयानुम्, नाराङिगा ख्‍वाप्‍पा याप्‌मिचि उन्‌लेङ् लाहाब् उलिमाइडे॥”

युहान्‍ना 5:4

पोङ्‌भोने टाङ्‌बाङाना ठिक् माङ्‌हाङ् रिङ् काउग्‍बा कोइ-कोइ बेला पोखारिङि उङ्‌युङ् चुवा वान्‍डुबिडुचिगा डागा, हिट्‌नुङ् चुवा वान्‌युङ् खोना पाइले चुवाङि लिग्‌युक् जुन्‍सुके रोगा लिचा हिट्‌ना नुमानिङ् लिसाएट्‌टाना डाना॥]

मुलिचेला टोॽवा 3:18

टरो खिरिस्‍टङा याङ्‌छामा आङ्‌मा कोन्‌युक् नुङ् माङ्‌हाङ्‌ङा सोब्‍बे माङ्‌काटाचिलोक् माट्‌टुना रिङ् युडोसुए॥