लुका 16:13 - आठपहरिया

¹³ “खोना चा चाकारङा इप्‍पाङ् डाङ्‌बाङाना सेवा चोक्‍मा हिडुन्‍ना॥ पोङ्‌भोने हिट्‌नाङा ठिबाङ् चिम्‍मा फुट्‌टुटु हिट्‌नुङ् आरको माया चोगुटु, ठिबाङ्‌ङा लोडुना रिङ् खेम्‍सुटु आरकोङा लोडुना रिङ् खेम्‍सुन्‍ना॥ हिट्‌डेउङ् खानिङा माङ्‌हाङ् हिट्‌नुङ् माक्‍फेन्‍सुबेन् इप्‍पोक्‌ङाना डोक् सेवा चोक्‍मा आहिनिम्‍ना॥”

लुका 16:13 ပူးပေါင်းရင်းမြစ်များ

मात्‌ति 4:10

येसुङा हिट्‌ना लोडुए, “हाउ सैतान, नाहिलाम्‍मा खाडालेट्‌टा! धारमाछाप्‍लाङि नाड्‌डे छेप्‍टेसे, ‘खान्‍ङा कामाङ्‌हाङ् डाङ्‌बा एडोक् स्‍या चोगु हिट्‌नुङ् उन्‍ङाना एडोक् सेवा चोगु॥’”

मात्‌ति 6:24

“खोनाङा चा इप्‍पाङ् डाङ्‌बाङाना सेवा चोक्‍मा हिडुन्‍ना॥ पोङ्‌भोने हिट्‌नाङा ठिबाङ् चिम्‍मा फुट्‌टुटु हिट्‌नुङ् आरको माया चोगुटु आथाबा ठिबाङ्‌ङा लोडुना रिङ् खेम्‍सुटु हिट्‌नुङ् आरकोम्‍बाक् यान्‍दा डोक् चोगुन्‍ना॥ हिड्‌डेउङ् खानिङा चा माङ्‌हाङ् लोक् माक्‍फेन्‍सुबेन् इप्‍पोक्‌ङाना डोक् सेवा चोक्‍मा आहिनिम्‍ना॥

लुका 11:23

“आङालेङ् ओकेङ्‌निगा याप्‌मिचि आङाना बिरुद्‌दाङि उलियुक्॥ आङा छुम्‌सिङा घुवार याङ्ओफानिङ्‌गाँ चेम्‍बेलेङ् ओचोगुटु॥

लुका 14:26

“आङा आएङ् आएङ् रोक् कारिक्‍बाङा उप्‍मा-उमा, ओटालिमाङ्, उइछाचि, उम्‍भु-उन्‍झाचि, उना-उन्‍झाचि हिट्‌नुङ् आप्‍पे नुङ्‌ना चा आङा माया याङ्आचोगिन्‍नागा भोने, हिट्‌ना आचेला लिमा हिनिना॥

लुका 16:12

खानि आरुङागा माक्‍फेन्‍सुबेन्‌ङि बिस्‍वासिलो आलिसिन्‍गा भोने, खानि आप्‍पेङाना माक्‍फेन्‍सुबेन् साङा मापिडिटिगा टे?

लुका 16:9

“आङा खानि ना मुन्‍डुम्‌लाम्‍मा सिकाँ लिसानि नुङ् लोनाँनि, ‘ना नाराङिना ओफाबा जाइले टाइले चा लिनिना, हिट्‌डेउङ् ओफाबा पिडानुम्‌चिउङ् टाक् चोगानुम्‌चिम्, जब खानि टोनालोग्‌ङि आखाडिटि माङ्‌हाङ्‌ङा खानि स्‍वागाट् माचोगिटि॥’”

लुका 9:50

टरो येसुङा हिट्‌नागा लोडुचे, “हिट्‌ना छाक्‍नेनुम्, पोङ्‌भोने खानि बिरुद्‌दाङि ओवानिगा याप्‌मिचि खानिलेङ् डोक् उलियुक्॥”

याकुब 4:4

हाउ इम्‍मेप्‍माजामा टोॽवा काचोक् याप्‌मिचि, नाराङिगा थोक् माया काचोक्‍बा याप्‌मि माङ्‌हाङ्‌ङाना ओसाट्‌टुर लियुक् नुङ् खानिलोङ्‌सा ठाहा वाइना इ? नाड्‌डेउङ् नाराङिगा थोक् माया काचोक् याप्‌मिङा माङ्‌हाङ् ओसाट्‌टुर चोगुटु॥