लुका 16:10 - आठपहरिया

¹⁰ येसुङा फेरि लोडुचे, “खाट्‌टिउना रिङ्‌ङि बिस्‍वासिलो लिना याप्‌मि ठेना रिङ्‌ङि चा बिस्‍वासिलो लियुक्॥ हिट्‌डेडोक् खाट्‌टियुना रिङ्‌ङि बिस्‍वासिलो लिनिना याप्‌मि ठेना रिङ्‌ङि चा बिस्‍वासिलो लिनिना॥

लुका 16:10 ပူးပေါင်းရင်းမြစ်များ

मात्‌ति 24:45

“बिस्‍वासिलो चाकार हिट्‌नुङ् कानिबा याप्‌मि साइना टे? बिस्‍वासिलो चाकार हिट्‌ना लियुक्, जुन् पाङ् ओडाङ्‌बाङा ओपाङ्‌ङिगा आरु चाकारचि ठिक्‍का बेलाङि डोक् चामा-ठुङ्‌मागा थोक्‌चि उपिडुचियाक् नुङ् जिम्‍मा पिडुटु॥

मात्‌ति 25:21

“ओडाङ्‌बाङा हिट्‌ना लोडुए, ‘होहोबास्, आङाना ओचेट्‌नुना हिट्‌नुङ् बिस्‍वासिलो चाकार! खान् खाट्‌टिप्‍मा रिङ्‌ङि बिस्‍वासिलो आलिसे, हाट्‌ले आङा खान् जोम् रिङ्‌ङाना जिम्‍मा पिनाँ॥ खान् चा आङालोक् हारका लिसा॥’

मात्‌ति 25:23

“ओडाङ्‌बाङा हिट्‌ना लोडुए, ‘होहोबास्, आङाना ओचेट्‌नुना हिट्‌नुङ् बिस्‍वासिलो चाकार! खान् खाट्‌टिप्‍मा रिङ्‌ङि बिस्‍वासिलो आलिसे, हाट्‌ले आङा खान् जोम् रिङ्‌ङाना जिम्‍मा पिनाँ॥ खान् चा आङालोक् हारका लिसा॥’

लुका 19:17

“हिट्‌नुङ् हाङ्‌बाङा हिट्‌ना लोडुए, ‘होहोबास्! आड्‌डिक् ओचेट्‌नुलोक् लिसा! आङाना नुना आचाकार, खान् खाट्‌टियुना येम्‍बोक्‌ङि चा बिस्‍वासिलो आलिसे, हाट्‌ले आङा खान् ठिमेक् खालाङ्‌गाङिना सासान् चोक्‍माना आधिकार पिनाँ॥’

युहान्‍ना 12:6

टरो हिट्‌नाङा पाक्‍चा ओवानिगा माया चोगुचिउङ् हिट्‌नाड्‌डे लोडुचिगा माखाक्, पोङ्‌भोने हिट्‌ना याङ्‌काखुट् डाना, हिट्‌नुङ् ओफाबा युङ्‌माना चाम्‍सुप्‍मा हिट्‌नाङा डोक् युङ्‌सुना, हिट्‌नुङ् हिट्‌निलाम्‍मा ओफाबा याङ्‌खुट्‌टुगा डागा॥

युहान्‍ना 13:2

येसु लोक् ओचेलाचि युसाना पाका चामा ओचोएट्‌टुना बेला सैतानङा सिमोनङा उइछा याहुदा इस्‍कारियोतङाना उनिङ्‌वाङि येसु धोका पिमाना निङ्‌ग्‍वा हाले डोक् ठेन्‍डुबिडुएसुना॥

युहान्‍ना 13:27

याहुदाङा चालेपा टाक्‍टुनामे उनिङ्‌ग्‍वाङि सैतान लिगे॥ हिट्‌नुङ् येसुङा याहुदा लोडुए, “खान्‍ङा पाक् चोक्‍मा आइट्‌टुएना, एला डोक् चोगुएट्‌टु॥”

हिब्‍रु 3:2

मोसा माङ्‌हाङ्‌ङाना ख्‍वाप्‍पा ओपाङ्‌ङि सेवा चोक्‍माना रिङ्‌ङि बिस्‍वासिलो डाना, हिड्‌डे डोक् येसु चा उन् सेगुना माङ्‌हाङ्‌ङि बिस्‍वासिलो डाना॥