लुका 15:29 - आठपहरिया

²⁹ “टरो हिट्‌नाँ उप्‍पा लोडुए, ‘आप्‍पा नाहि खेम्‍सु, नाट्‌टेप्‍मा बारखा टेप्‍मा काचाकारचि गाड्‌डे डोक् कासेवा चोगुङे, खान्‍ङा आलोडाङ्‌ना रिङ्‌चि पाक्‍चा मिपिक्‍ङे चोगुङे, हिट्‌डेउङ्‌चा आसाइबाचिलोक् मोज्‍जा चोक्‍मालोङ्‌सा ठिक् मेरबाचिलेट् नाथुचा आङा आपिनेट्‌निङ्॥

लुका 15:29 ပူးပေါင်းရင်းမြစ်များ

मात्‌ति 20:12

हिट्‌नागाँ नाड्‌डे ओलोडुए, ‘नागा एङ्‌सुवा ओटायागा याप्‌मिचिङा टे ठिक् घान्‍टा एडोक् टोॽवा ओचोगुए, हिट्‌नुङ् आन्‍याँउम्‍टे लेन्‍नाटेप् टुक्‍लोक् हुटुॽवामाङि टोॽवा चोगुम्‍मे, टरो खान्‍ङा हिट्‌नागा चा आन्‍याँ टेप्‍मा डोक् निम्‍याक् आपिडुचे॥’

लुका 15:28

टरो हिट्‌ना टुम्‍सामिङाना आड्‌डिक् ओरेक् काडाउङ् पाङ् भिट्‌रा लिग्‍मा डोक् टेन्‍नेट्‌नि॥ हिट्‌नुङ् उप्‍पा भारा होन्‍डाउङ् ‘बाबु, पाङ् भिट्‌रा खाच्‌चि’ पिक्‍सा लेगालाप्‍टुए॥

लुका 15:30

टरो ना काइच्‍छाङा वालाफेडुमा मेन्‍झेमाचिलोक् लाहाबा लिसाउङ् सोब्‍बे माक्‍फेन्‍सुबेन् लाट्‌टुए॥ हिट्‌नुङ् ना टायानाम्‍बाक् ओम्‍डाइसाना घुकुलुक्‍ना जिवाट् आसेडुङ् भातेर आचोगुए माहि टे॥’

लुका 15:7

आङा खानि लोनाँनि, नाड्‌डे पारिक् डोक् माङ्‌हाङ्‌ङि काएल्-काबु लिमा कोन्‌निना उनान्‍साए धारमोति याप्‌मिचि नुङ्‌ना माङ्‌हाङ्‌ङि काएल्-काबु लिना ठिबाङ् पापि याप्‌मि लोङ्‌सा टोनालोग्‌ङि ठेना आनान्‍दा लियुक्॥

लुका 17:10

हिट्‌डेडोक् खान्‍याँ चा मालोडिगा रिङ्‌चि चोक्‍मा आहिडुम्‍मुङ् खानि नाड्‌डे पिगानि, ‘आन्‍याँउम्‍टे खान्‍ङाना काम लाहाब् लिसिन्‍नागा काचाकारचि एरोक् ए॥ आन्‍याँम्‍टे खान्‍ङा आमाट्‌टु गाड्‌डे एडोक् चोगुएसुम्‍मे॥’”

लुका 18:9

हिट्‌नुङ् येसुङा आङा एडोक् धारमोति कापिग्‍बाचि हिट्‌नुङ् आरु ओचाफेन्‍गा याप्‌मिचि ओलोडुचिगा लोङ्‌सा ना मुन्‍डुम् लोडुचे,

लुका 19:21

खान्‌लोक् आङा किट्‌टाङे, पोङ्‌भोने खान् आड्‌डिक् छिचोरे याप्‌मि टे॥ जे खान्‍ङाना माखाक् हिट्‌ना खान्‍ङा आफोगुगा, हिट्‌नुङ् जे खान्‍ङा आहिसुन्‍गा हिट्‌ना डोक् आछुम्‍सुगा॥’

रोमि 10:3

पोङ्‌भोने माङ्‌हाङ्‌ङा ओनाभाक्‌ङि याप्‌मिचि खोड्‌डेउङ् धारमोति चोगुचिगा हिट्‌ना रिङ् हिट्‌नागाँ ठाहा ओटोगुन्‍गा, हिट्‌नुङ् हिट्‌नागाँ धारमाबिधि पालान् ओचोगुङ् आप्‍पे धारमोति लिमा कोसिस ओचोगुएट्‌टु॥ हिट्‌डेउङ् माङ्‌हाङ्‌ङा याप्‌मिचि धारमोति चोगुचिगा लाम्‍बो हिट्‌नागाँ इन्‍कार ओचोगुटु॥

रोमि 3:20

पोङ्‌भोने धारमाबिधिङिना रिङ् पालान् काचोक् साक्‍चा माङ्‌हाङ्‌ङा धारमोति ठाहाराँ चोगुन्‌चिन्‍गा॥ बोरु धारमाबिधिङाम्‍टे पाप चोगुएसुम्‍मे नुङ् आनि आनिमेट्‌युक्॥

रोमि 3:27

हिड्‌डेउङ् आनि आप्‍पे आनिना धारमिक्‍ताङि काइले चा ठेलोक् चोक्‍मा हिडिन्‍ना॥ पोङ्‌भोने येसुङि बिस्‍वास चोगुमुङ् एडोक् आनि धारमोति याप्‌मि लिसिटि, धारमाबिधि पालान् चोगुमुङ् माखाक्॥

रोमि 7:9

पाइले आङा धारमाबिधि बारे बुजा डोक् मिचोक्‍ङे वासाङ्‌ना डाना, टरो जब धारमाबिधिङा माट्‌टुना रिङ् बारे बुजा चोगुङे, आङा पाप चोगुएट्‌टुङ्‌ना रिङ् ठाहा टोगुङे,

पारकास 2:17

“खेम्‍माना नुभेक् लोक्‍गाङा सेङ्‌सेङ्‌ना हाङ्‌साङ्‌ङा खानि माङ्‌पाङ्‌ङिगा लाउङ्‌सा पाक् मालोडिटिगा नुलोक् खेम्‍सानुम्॥ जुन्‍ङा दुस्‍टा मेट्‌टुटु, हिट्‌ना आङा टोनालोग्‌ङि ठोप्‍बालाक् मोन्‍ना पिडुङ्‌टुङ्॥ हिट्‌नुङ् आङा हिट्‌ना ओछोङ्‌ग्‍वाट् निङ् छेप्‍टाना ठिक् फुट्‌ना लुङ्‌गेॽवा चा पिडुङ्‌टुङ्॥ जुन्‍ङा हिट्‌ना लुङ्‌गेॽवा टोगुटु हिट्‌नाँ एडोक् हिट्‌ना निङ् निसुटु॥”

पारकास 3:17

हिट्‌नुङ् खानिङा आप्‍पेलाउङ्‌सा वागाठागा, जोम् माक्‍फेन्‍सुबेन् युङ्‌ग्‍वा हिट्‌नुङ् पाक्‍चा चाहाब् लिनिना नुङ् आमाट्‌टुम्‍गा॥ टरो माङ्‌हाङ् ओनाभाक्‌ङि खानि इम्‍टेप्‍मा दुखि, निङ्‌ग्‍वा हिम्‍ना, पाक्‍चा वानिना, याङ्‌कानिनिबा, हिट्‌नुङ् लोट्‌लिङ् चा मालेगा आवासेट्‌टि नुङ् खानिङा ठाहा आटोक्‌निम्‍ना॥