लुका 13:32 - आठपहरिया

³² येसुङा हिट्‌नागा लोडुचे, “खाडानिउङ् हिट्‌ना स्‍याला लोडानुम्, ‘नाहि खेम्‍सानुम्, हाट्‌ले डोक् हान्‍डेङ् ओचाफेन्‍ना रिमेट् याप्‌मिचिलाम्‍मा होट्‌टुङ्‌चिङ्‌चिङ्, हिट्‌नुङ् टुखुमाङ् याप्‌मिचि नुमेट्‌टुङ्‌चिङ्‌चिङ्, हिट्‌नुङ् छिन्‍डेङ्‌म्‍बाक् आटोॽवा लाट्‌टुङ्‌टुङ्॥’

लुका 13:32 ပူးပေါင်းရင်းမြစ်များ

मारकुस 6:14

येसु उनिङ् सोब्‍बेलेङ् मुक्‍टानाँ हेरोद हाङ्‌बाङा चा उन्‍ङाना बारेङि खेम्‍सुए॥ आम्‍टेप्‍मा याप्‌मिचिङा “बाप्‌टिस्‍मा कापिबा युहान्‍ना सियानालाम्‍मा उहिङ्‌ग्‍वाट् लिसाउङ् कोबेना रैछो, हिड्‌डेउङ् नाङा नाड्‌डेगा डोङ् ठोङ्‌डिगा साक्‌तिसालि टोॽवाचि चोगुएट्‌टु” पिक्‍सा ओमाट्‌टुए॥

युहान्‍ना 10:32

येसुङा हिट्‌नागा लोडुचे, “आङाना पाबाङा याङ्‌लोडाना गाड्‌डे याप्‍मा ओचेट्‌नुना टोॽवा आङा खानि टोकानाङि चोगुएसुङे॥ हिट्‌नागा टोॽवा माड्‌डेङि खोनाम्‍बाक् टोॽवाङाना लाउङ्‌सा खानिङा आङा लिङ्‌गेॽवाङा लेप्‍मा आकोलिएट्‌टिङागा?”

युहान्‍ना 19:30

जब येसुङा हिट्‌ना ठुङुए, हिट्‌नुङ् माट्‌टुए, “हाट्‌ले लाट्‌टे॥” हिट्‌नुङ् उन्‍ङा ओटेहेक् गुङ् चोगुङ् ओसोक्‍मा लेडुए॥

हिब्‍रु 2:10

सोब्‍बे थोक् माङ्‌हाङ्‌ङाना डोक्, हिट्‌नुङ् सोब्‍बे थोक् उन्‍ङाना ओबोललाम्‍मा लिसाना ए॥ हिड्‌डेउङ् माङ्‌हाङ्‌ङा येसु याङ्‌छामालाम्‍मा डोक् सिद्‌दा चोगुए॥ हिट्‌नाड्‌डेउङ् येसु याप्‍मा उन्‍ङाना ओयाप्‌मिचि लोङ्‌सा मुक्‌टि कापिबा लिसे हिट्‌नुङ् माङ्‌हाङ्‌ङा उन्‍ङाना माहिमाङाना ओभागा टोग्‍माना हिट्‌नागा चोगुचे॥

हिब्‍रु 5:9

हिट्‌नुङ् येसुङा सोब्‍बे खाले याङ्‌छामा आङ्‌डुङ् पुरो सुद्‌दो लिसाउङ्, उन्‍ङाना आग्‍याँ पालान् ओचोगुगा सोब्‍बे लाउङ्‌सा उन् लाट्‌निना मुक्‌टिङाना उपुन् लिसे॥

हिब्‍रु 7:28

धारमाबिधिङा गाल्‌ति चोक्‍मा उहिडुगा याप्‌मिचि सानिङ्‌डाङ्‌बा लिमा सेगुचे, टरो धारमाबिधि नुङ्‌ना एङ्‌स्‍वा टाएना चामारसिङाङा माङ्‌हाङ् आप्‍पेङा उइछा सानिङ्‌डाङ्‌बा लिमा सेगुए॥ हिड्‌डेप्‍मा एडोक् माखाक्, उन् सोरोक् चोखो सानिङ्‌डाङ्‌बा लियुयाक्‌युक्॥