लुका 13:27 - आठपहरिया

²⁷ टरो उन्‍ङा फेरि माट्‌टुटु, ‘खानि साइगा? आङा खानि मिसेन् निनेनिन्‍गा॥ हाउ दुस्‍टा याप्‌मिचि, आङालाम्‍मा खाडाजानि॥’

लुका 13:27 ပူးပေါင်းရင်းမြစ်များ

मात्‌ति 25:12

टरो बेउलाङा हिट्‌नागा लोडुचे, ‘छेम्‍बा आङा खानि लोनाँनि, आङा खानि मिसेन् निनेनिन्‍गा॥’”

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

लुका 13:25

हान्‍डेङ्‌म्‍बाक्, जब पाङ् ओडाङ्‌बा कोप्‌युङ् ओढुवारिक् छुप्‍टुटु, टब भिट्‌रा लिग्‍मा हिडिन्‍ना॥ हिट्‌नुङ् खानिम्‍बाक् भारालाम्‍मा ढुवारिक् इन्‍सा, ‘आडाङ्‌बा, ढुवारिक् याप्‌मिओङ्‌साबिडा’ पिक्‍सा आपिगिटि॥ टरो उन्‍ङा मालोडिटि, ‘खानि साइगा? खोनालाम्‍मा आटाइगा? आङा खानि मिसेन् निनेनिन्‍गा॥’

१ कोरिन्‌थि 8:3

टरो जुन्‍ङा माङ्‌हाङ् माया चोगुटु, माङ्‌हाङ्‌ङा हिट्‌नागा याप्‌मिचि उन्‍ङाना नुङ् लाडुचिचि॥

गालाति 4:9

टरो हाट्‌लेउम् खानिङा माङ्‌हाङ् मिसेन् आनिसेसुम्‍मे, हिट्‌नुङ् माङ्‌हाङ्‌ङा खानि ओछालेट्‌चि माचोगेसे॥ हिट्‌डेउङ् पोङ् पाइलेगा खेडोक्‍गा धारमाकारमा हिट्‌नुङ् खेडोक्‍गा हाङ्‌सालेङ् आनोक्‌टिउङ् फेरि हिट्‌नागाँगा सेवा चोक्‍मा निङ्‌ग्‍वा आचोगुम्‍टुम्‍ना टे? पाक् आझै हिट्‌नाडेगा थोक्‌चिगा साक्‌तिङाना आधिन्‌ङि युङ्‌मा आकोलिटिगि?

२ तिमोथि 2:19

टरो माङ्‌हाङ्‌ङाना ओजाग्‌उम्‍बाक् बोल्‍लेउना हिट्‌नुङ् जाखाम् लिनिना, हिट्‌नुङ् नाहि नाड्‌डे छेप्‍टेसे: “टाङ्‌बाङा ओयाप्‌मिचि मिसेन् निसुचिचि,” हिट्‌नुङ् “टाङ्‌बाङाना उनिङ् कालाप्‍बा सोब्‍बे ओचाफेन्‍ना टोॽवा चोक्‍मालाम्‍मा या युङ्‌मा कोन्‌युक्॥”