लुका 13:19 - आठपहरिया

¹⁹ ना पाट्‌छेयो सागाङाना लालिक् गाड्‌डेना ए॥ ठिबाङ् याप्‌मिङा हिट्‌ना लालिक् खाट्‌टुङ् ओस्‍वाँराङि हिसुटु, हिट्‌नुङ् कोब्‌युङ् पोयुङ् सिङ् उभुङ्‌मा लियुक्॥ हिट्‌नुङ् हिट्‌ना ओहागेप्‍पाचिङि नुवाचिङा उन्‌चि हाप् ओचोगुटु॥”

लुका 13:19 ပူးပေါင်းရင်းမြစ်များ

मात्‌ति 17:20

उन्‍ङा हिट्‌नागा लोडुचे, “खानिगा बिस्‍वास खाट्‌टिप्‍मा लिसानाँ, हिट्‌ना होप्‍मा आहिनेट्‌निम्॥ छेम्‍बा, आङा खानि लोनाँनि, खानिलोक् पाट्‌छेयो सागाङाना ठिक् ओगेडा टेप्‍मा बिस्‍वास युङ्‌ग्‍वा भोने ना झोन्‍झोबो ‘नाहिलाम्‍मा मासाडा’ आलोडुम्‍नाँ मायुएट्‌युक्॥ हिट्‌नुङ् खानिङा जे चा चोक्‍मा आहिडुम्‍टुम्॥

मारकुस 4:30

येसुङा हिट्‌नागा फेरि लोडुचे, “माङ्‌हाङ् उमुलुक् खोड्‌डेना नुङ् आङा पाक्‌लोक् टोङ्‌सुङ्‌ना? खोना मुन्‍डुम् माट्‌टुङुङ् पारचिन्‍दा चोगुङ्‌ना?

लुका 17:6

येसु डाङ्‌बाङा हिट्‌नागा लोडुचे, “खानिङि पाट्‌छेयो सागा ओगेडा टेउना एडोक् बिस्‍वास युङ्‌ग्‍वा भोने, खानिङा ना किम्‍बु उघुङ्‌मा ‘ओजारालोक् आङ्‌सा खाडाउङ् सामुन्‍दराङि लेट्‌सिङा खाडा’ लोमा आहिडुम्‍टुम्, हिट्‌नुङ् खानिङा आमाट्‌टुम् गाड्‌डे डोक् हिट्‌ना लियुक्॥

मुलिचेला टोॽवा 2:41

हिड्‌डेउङ् याप्‍मा याप्‌मिचिङा पाटरुसङाना रिङ् उन्‌चि निङ्‌ग्‍वाङि उयुङ्‌सुए हिट्‌नुङ् बाप्‌टिस्‍मा ओचोगे॥ हिट्‌ना लेम्‍बालाम्‍मा सुम्‍बोक् हाजार नुङ्‌ना चा जोम् याप्‌मिचि उलिसे॥

मुलिचेला टोॽवा 21:20

पावाल उरिङ् ओखेम्‍सुङ् हिट्‌नागाँ माङ्‌हाङ् उनिङ् ओचोन्‍डुए॥ हिट्‌नुङ् उन् ओलोडुए, “झान्‍झा खेम्‍सु, नाहि चा याप्‍मा हाजार याहुदिचिङा टाङ्‌बाङि बिस्‍वास ओचोगुना खान्‍ङा ठाहा आटोगुएसुए, हिट्‌नुङ् मोसाङा छेप्‍टुना धारमाबिधि सोरोक् टेन्‍मा राजि ओवाहेट्॥

मुलिचेला टोॽवा 4:4

टरो नुना खाबोर काखेम्‍बाचि जोम् याप्‌मिचिङा येसुङि बिस्‍वास ओचोगुए॥ येम्‍बेछा बिस्‍वासिचि याप्‍मा उलिसाउङ् लेम्‍बोक् हाजार टेप्‍मा उलिसे॥

रोमि 15:19

हिट्‌नुङ् हिट्‌नागाँ ठे-ठेगा चिन्‍नाचि हिट्‌नुङ् माङ्‌डोङ् ठोङ्‌डिगा टोॽवा सेङ्‌सेङ्‌ना हाङ्‌साङाना ओबोल्‍ङा चोगुना उनिसुएसुए॥ हिट्‌डेउङ् आङा खिरिस्‍टङाना बारेङि नुना खाबोर यरुसलेम नुङ् इल्‍लुरिकान छेट्‌राङिगा ख्‍वाप्‍पा ठोङ्‌ङि पारचार चोगुएसुङे॥

पारकास 11:15

हिट्‌नुङ्‌ना सातौँ माङ्‌हाङ् रिङ् काउग्‍बाङा उन्‌लोक् लिसाना उधुटुरिबा टेनुए, हिट्‌नुङ् टोनालोग्‌ङि माङ्‌ठेना सोरा याप्‌मिचि ओचेक्‌युएट्‌गा गाड्‌डे मुक्‍टानाँ नाड्‌डे याङ्‌लोडे, “आनि डाङ्‌बा माङ्‌हाङ् हिट्‌नुङ् उन्‍ङा सेगुना खिरिस्‍टङा हाट्‌ले सोब्‍बे नाराङि सासान् चोक्‍माना आधिकार युङ्‌ग्‍वा, हिट्‌नुङ् उन्‍ङा डोक् सोरोक् सासान् चोगुटु॥”