लुका 13:17 - आठपहरिया

¹⁷ येसुङा ना रिङ् माट्‌टुनाँ सोब्‍बे ओसाट्‌टुरचि ओमोन्‍डासिए, टरो उन्‍ङा डोङ् ठोङ्‌डिना टोॽवा चोगुनाँ सोब्‍बे याप्‌मिचिगा उन्‌चि चाप् टाए॥

लुका 13:17 ပူးပေါင်းရင်းမြစ်များ

लुका 14:6

हिट्‌नुङ् फेरि चा हिट्‌नागाँ पाक्‍चा माप्‍मा उहिडुवाट्‌टुन्॥

लुका 18:43

हिट्‌ना बेला डोक् हिट्‌नाँ निसुए हिट्‌नुङ् माङ्‌हाङ्‌ङाना उनिङ् चोन्‍सा येसुङा ओएङ्-ओएङ् खाडे॥ ना लिसाना रिङ् सोब्‍बे याप्‌मिचिङा उनिसुङ् माङ्‌हाङ्‌ङाना उनिङ् ओचोन्‍डुए॥

लुका 19:48

टरो हिट्‌नागाँ खोना उपाया चा उटुबुवाट्‌टुन्, पोङ्‌भोने उन्‍ङा हिसिक्‍टुचिगा रिङ्‌चि याप्‌मिचिङा आड्‌डिक् उन्‌चि निङ्‌ग्‍वा ओटासुए॥

लुका 20:40

हिट्‌नुङ् येसु साङा चा आरु रिङ् सिलाप्‍माना निङ्‌ग्‍वा चोक्‍मा उहिडुवाट्‌टुन्॥

मुलिचेला टोॽवा 4:21

हाट्‌ले याहुदि ओठेडोङ्‌चिङा पाक् साजाए पिमाचिगा उन्‌चि निङ्‌ग्‍वाङि डोक् उटिग्‍वाट्‌टुन्, पोङ्‌भोने ख्‍वाप्‍पा याप्‌मिचिङा हिट्‌नि लिसाना घाट्‌ना उनिसुङ् माङ्‌हाङ्‌ङाना उनिङ् ओचोन्‍डुएट्‌टुना॥ हिट्‌नुङ् हिट्‌नागाँ हिट्‌नागाचि इप्‍पाङ् मुलिचेलाचि हाट्‌ले नुङ् नाड्‌डे चोक्‍नेनिन् पिक्‍सा ओलेडुचे॥

२ तिमोथि 3:9

टरो हिट्‌नागाँ सोरोक् हिट्‌नाडे चोक्‍मा उहिडुन्‍ना, पोङ्‌भोने यान्‍नेस लोक् याम्‍बेरस गाड्‌डे डोक् हिट्‌नागा मुरखा नुङ् सोब्‍बेङा ठाहा ओटोगुटु॥

तितास 2:8

खान्‍ङा छेम्‍बाना रिङ् हिसिक्‍टुचि, हिट्‌डेउङ् खान् याप्‌मिचिङा पाक्‍चा लोमा माहिनिना॥ हिट्‌डेउङ् आनि एङ्‌फुट्‌ङि ओकोब्‍गा याप्‌मिचि आनि लोङ्‌सा ओचाफेन्‍ना रिङ् लोमाना पाक्‍चा लिनिउङ् हिट्‌नागा आप्‍पे घान्‌ङि ओठायुक्॥

१ पाटरुस 3:16

हिट्‌ना आसा बारेङि मेयोक् लिसानिउङ् याप्‌मिचि मान् चोक्‍सा लोडानुम्‌चिम्॥ खानि मिप्‍माना बोल् सेङ्‌सेङ् युङ्‌सानुम्॥ हिड्‌नाड्‌डेउङ् खिरिस्‍टङि खोड्‌डे पारिक् नुना चोलाङि आयुङिएसेगा हिट्‌ना रिङ् उनिसुङ् खानि बिरुद्‌दाङि ओचेक्‍गा आप्‍पे ओमोन्‌युसियुक्॥