लुका 13:13 - आठपहरिया

¹³ हिट्‌नुङ् येसुङा हिट्‌ना उठुङ्‌ङि उमुक् युङ्‌सुए, हिट्‌नुङ् हिट्‌ना बेला डोक् ओयाक्‍चुरिक् सोट् लिसे हिट्‌नुङ् माङ्‌हाङ्‌ङाना उनिङ् चोन्‍मा ठालाँ चोगुए॥

लुका 13:13 ပူးပေါင်းရင်းမြစ်များ

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

मारकुस 16:18

हिट्‌नागाँ बिखालु ओप्‍पुचि ओलाबुचिचि हिट्‌नुङ् हिट्‌नागाँ बिख ठेन्‍बालाक् थोक्‌चि उठुङुए भोने चा हिट्‌नागा पाक्‍चा उलिनिगा॥ हिट्‌नागाँ उटुगागा याप्‌मिचि उठुङ्‌ङि उन्‌चि मुक् उयुङ्‌सुनाँ उटुगागा याप्‌मिचि उनुयुक्॥”

मारकुस 5:23

नाड्‌डे पिक्‍सा बिन्‌टि ठाङ्‌सुए, “काहिसिक्‍बा, आङाना खाट्‌टियुना मेन्‍झेमा आइछा सिया लाबे, खान् आबाउङ् कामुक् हिट्‌ना उठुङ्‌ङि याङ्‌युङ्‌साबिडा, हिट्‌नुङ् हिट्‌ना नुयुङ् उहिङ्‌याक्॥”

मारकुस 6:5

हिड्‌डेउङ् येसुङा हिट्‌नि कोइ-कोइ उटुग्‍गा याप्‌मिचि उठुङ्‌ङि उमुक् युङ्‌सुङ् नुमानिङ् चोगुचे, टरो आरु खोना चा साक्‌तिसालि टोॽवा चोक्‍मा हिड्‌वाट्‌टुन्॥

मारकुस 8:25

येसुङा फेरि हिट्‌ना याप्‌मिङाना उमिक्‌ङि उमुक्‍ङा खोट्‌टुए, हिट्‌नुङ् हिट्‌नाँ नुलोक् पुयुनाँ सोब्‍बे थोक्‌चि पारचिन्‍दा निमा हिडुलोक् लिसे॥

लुका 13:12

येसुङा हिट्‌ना मेन्‍झेमा निसुए हिट्‌नुङ् ओटोक्‍कानाङि छेम्‍डुङ् लोडुए, “आनो, हाट्‌ले कारोगालाम्‍मा खान् आनुए॥”

लुका 18:43

हिट्‌ना बेला डोक् हिट्‌नाँ निसुए हिट्‌नुङ् माङ्‌हाङ्‌ङाना उनिङ् चोन्‍सा येसुङा ओएङ्-ओएङ् खाडे॥ ना लिसाना रिङ् सोब्‍बे याप्‌मिचिङा उनिसुङ् माङ्‌हाङ्‌ङाना उनिङ् ओचोन्‍डुए॥

लुका 4:40

हिट्‌नुङ् नाम् ठायाना बेला याप्‌मिचिङा पारिक् पारिक्‍ङागा उटुगागा याप्‌मिचि येसुङि ओटाडुचे॥ उन्‍ङा हिट्‌नागा ठिबाङ् ठिबाङ् याप्‌मिचि उठुङ्‌ङि उमुक् युङ्‌सुए हिट्‌नुङ् हिट्‌नागा याप्‌मिचि सोब्‍बे नुमानिङ् चोगुचे॥

मुलिचेला टोॽवा 9:17

हिट्‌नुङ् हानानिया खाडाउङ् सावाल युङाना पाङ् भिट्‌रा लिगे, हिट्‌नुङ् सावाल उठुङ्‌ङि उमुक्‌चि युङ्‌सुङ् नाड्‌डे लोडुए, “हाउ आन्‍झा सावाल, खान् नेहि आबागेट्‌टाना बेला लाम्‍बोङि येसु डाङ्‌बा खान्‌लोक् ठेट्‌टे, उन्‍ङा डोक् खान्‍ङा फेरि निमा आहिडु हिट्‌नुङ् सेङ्‌सेङ्‌ना हाङ्‌साङा माइप्‌याक् नुङ् आङा याङ्‌पाङ्‌साइसे॥”