लुका 12:5 - आठपहरिया

⁵ टरो आङा खानि माङ्‌हाङ्‌लोक एडोक् किट्‌टानि नुङ् लोनाँनि॥ उन्‌लोक् एडोक् येम् सेडुङ् योनालोग्‌ङि लेप्‍माना ओबोल् युङ्‌ग्‍वा॥ आए, आङा खानि लोनाँनि, उन्‌लोक् एडोक् किट्‌टानि॥

लुका 12:5 ပူးပေါင်းရင်းမြစ်များ

मात्‌ति 10:28

खानि येम् एडोक् कासेप्‍बाचिलोक् किट्‌नेनिन्, टरो हिट्‌नागाँ खानि हाङ्‌सा सेप्‍मा उहिडुन्‍ना॥ नाड्‌डेउङ् हाङ्‌सा लोक् येम् इप्‍पोक् डोक् योनालोग्‌ङि जाखाम् चोग्‍मा हिडुना माङ्‌हाङ्‌लोक् किट्‌टानि॥

मात्‌ति 25:41

“हिट्‌नुङ्‌ना उन्‍ङाना ओफेङ्‌साङ्‌लेङ् उलिसागा याप्‌मिचि लोडुचिचि, ‘हाउ माङ्‌हाङ्‌ङाना साराप् आठायिगा याप्‌मिचि! आङालाम्‍मा खाडालेट्‌टानि, हिट्‌नुङ् दियाबालास लोक् उदुतचि लोङ्‌सा टेयार चोक्‍बालाक् खोना बेला चा सिनिना मिङि खाडानि॥

मात्‌ति 25:46

“हिट्‌नुङ् हिट्‌नागाँम्‍बाक् लाट्‌निना साजाए ओटोगुटु, टरो धारमोति याप्‌मिचिउम्‍बाक् खोना बेला चा लाट्‌निना चोलाङि उलिक्‌युक्॥”

मात्‌ति 5:22

टरो आङा खानि लोनाँनि, खोना चा आरु याप्‌मिलोक् ओयाक्‍लेड्‌युक् भोने हिट्‌नाङा चा साजाए टोगुटु, जुन्‍ङा आरु ‘ठोनाबा’ लोडुटु हिट्‌ना माङ्‌हाङ्‌ङा ओचाफेन्‍लोक् साजाए पिडुटु॥ जुन्‍ङा आरु याप्‌मि साराप याङुटु हिट्‌ना झान् योनालोग्‌ङिना मिङि ठायुक्॥

मारकुस 13:23

हिट्‌डेउङ् खानि ओछेक्‍छेक् चोगानिउङ् युङानि॥ खेम्‍सानुम्, आङा नागा सोब्‍बे थोक् पाइले डोक् खानि लोनाइनाने॥”

१ थेसालोनिकि 4:6

हिट्‌नुङ् ना रिङ्‌ङि साङा चा आप्‍पे बिस्‍वासि भुम्‍भु-झान्‍झाचि बिरुद्‌दाङि पाप ओचोगुन्‍चा आथाबा उसुबुन्‌चिन्‍चा, पोङ्‌भोने नाड्‌डेगा रिङ् काचोक्‌चिलाउङ्‌सा टाङ्‌बाङा डोक् साजाए पिडुचिचि नुङ् आन्‍याँ पाइले डोक् नागा रिङ् बारेङि नुलोक् ओछेक्‍छेक् चोक्‍नाइने॥

हिब्‍रु 10:31

उहिङ्‌ग्‍वाट् माङ्‌हाङ् उमुक्‌लाम्‍मा साजाए टोक्‍माम्‍बाक् आड्‌डिक् किट्‌माडुङ् रिङ् ए॥

२ पाटरुस 2:4

माङ्‌हाङ्‌ङा पाप काचोक् माङ्‌हाङ् रिङ् काउग्‍बाचिउम्‍टे जाखाम् चोगुचे, हिट्‌नुङ् हिट्‌नागा योनालोग्‌ङि लेप्‍टुडिसुचे, हिट्‌नुङ् हिट्‌नि हिट्‌नागा न्‍याएङाना लेम्‍बा सोम्‍मा डुम्‍बारिक् डुम्‌ङि युङ्‌सुएसुचे॥

पारकास 14:7

हिट्‌नाङा चारको सोर चोगुङ् माट्‌टुए, “माङ्‌हाङ्‌लोक् किट्‌टानि हिट्‌नुङ् उन् मान् चोगानुम्, पोङ्‌भोने हाट्‌ले उन्‍ङा याप्‌मिचि न्‍याए चोक्‍मा बेला टाइसे॥ हिट्‌नुङ् टाङ्‌साङ्, नारा, सामुन्‍दरा हिट्‌नुङ् चुवा उपुन् सिरिस्‌टि काचोक्‍बा माङ्‌हाङ् माङ्‌ध्‍यान् चोगानुम्॥”

पारकास 15:4

हाउ माङ्‌हाङ् डाङ्‌बा, खान्‌लोक् सोब्‍बे उकिट्‌युक्, सोब्‍बे याप्‌मिचिङा खान्‍ङाना माहिमा ओचोगुटु, पोङ्‌भोने सेङ्‌सेङ्‌ना खान् एना॥ सोब्‍बे याप्‌मिचि खान्‌ङि ओआप्‌युक् हिट्‌नुङ् खान् सोरि कानिङ् टो-टो ओचोगुटु, पोङ्‌भोने सोब्‍बे याप्‌मिचि खान्‍ङाना धारमोति टोॽवा आनिमेट्‌टुएसुचे॥”

पारकास 20:14

हिट्‌नुङ् हिट्‌ना चोलाङाना छाप्‍लाङि उन्‌चि निङ् छेप्‌निगेट्‌निगा याप्‌मिचि माङ्‌हाङ्‌ङा मि भुङ्‌रोङि ठेन्‍डुचिचि॥ हिट्‌नुङ्‌ना हिट्‌नि मिरतु हिट्‌नुङ् पाताल काइले चा लिनिना, पोङ्‌भोने नागा मिङाना भुङ्‌रोङि लेप्‌युक्॥ हिट्‌ना मिङाना कुन्‍डाङि पिमाना साजाएम्‍बाक् इप्‍पोक् खेप् सिमा नुङ् ओलोडुटु॥