लुका 12:48 - आठपहरिया

⁴⁸ “टरो हिट्‌ना चाकारङा ओडाङ्‌बाङाना निङ्‌ग्‍वाङिना रिङ् ठाहा मिट्‌टोक्‍ङे टोॽवा चोगुटु भोने, हिट्‌ना चाकारङा खाट्‌टिप्‍मा एडोक् साजाए टोगुटु॥ खोनाङा जोम् टोगुएसुए, हिट्‌नाँ जोम् डोक् पिमा कोन्‌युक्, हिट्‌नुङ् खोनाङा जोम् जिम्‍मा टोगुएसुए, उन्‌लोङ्‌सा आज्‍जा जोम् नाक्‌युक्॥

लुका 12:48 ပူးပေါင်းရင်းမြစ်များ

मात्‌ति 13:12

पोङ्‌भोने खोनालोक् युङ्‌ग्‍वा, हिट्‌नाङा आझै झान् याप्‍मा टोगुटु॥ टरो खोनालोक् वाइना, हिट्‌नुङ् हिट्‌नालोक् खाट्‌टिप्‍मा लिसाना चा हिट्‌नालाम्‍मा नाप्‌युक्॥

मात्‌ति 23:14

[“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा लाङ्‌मेप्‍माचिगा पाङ्‌ठाङ् आनाप्‍टुम्‌चिम्‍गा, हिट्‌नुङ् आरु निमेट्‌माचि लाउङ्‌सा होप्‍मो सोम्‍मा केलोक् बिन्‌टि आचोगुम्‍गा॥ नाड्‌डेउङ् खानिङा आड्‌डिक् टुक्‍लोक् साजाए आटोगुम्‍टुम्॥]

लुका 12:41

हिट्‌नुङ् पाटरुसङा येसु सिलाप्‍टुए, “आडाङ्‌बा, ना मुन्‍डुम् आन्‍याँ लोङ्‌सा एरोक् याप्‌मि आलोडाना इ आरु सोब्‍बे याप्‌मिचि लोङ्‌सा चा इ?”

लुका 12:49

“आङा ना नाराङि माङ्‌हाङ्‌ङाना न्‍याएङाना मि मेट्‌सिङा टायाङ्‌ना, टरो ना पाइले डोक् मि हाट्‌टालेट्‌टाना बे नुलोक् लिसे बे॥

लुका 16:2

हिट्‌नुङ् वागाठेगा याप्‌मिङा हिट्‌ना कोटेरिबा छेम्‍डुए हिट्‌नुङ् लोडुए, ‘खान्‍ङाना बारेङि आङा ओचाफेन्‍ना रिङ् खेम्‍सुएट्‌टुङ्, खान्‍ङा आयुङ्‌सुना ख्‍वाप्‍पा आमाक्‍फेन्‍सुबेन्‌ङाना हारहिसाब् याङ्‌निमेट्‌टा, पोङ्‌भोने आङा खान् ना काटोॽवालाम्‍मा होट्‌नागेट्‌नाँ॥’

युहान्‍ना 15:22

“आङा टायाउङ् हिट्‌नागा लोन्‍याट्‌निङ्‌चिङ्‌ना बे हिट्‌नागा पापङाना फाट्‌टुरङि उठानेयाट्‌नि बे, टरो हाट्‌ले उन्‌चि पापङाना बारेङि हिट्‌नागाँ माप्‍माना पाक्‍चा रिङ् डोक् वाइना॥

मुलिचेला टोॽवा 17:30

आच्‍छो बेला माङ्‌हाङ्‌ङा याप्‌मिचि आप्‍पे पारा चोक्‍मा पिडुचे, पोङ्‌भोने हिट्‌नागाँ उन्‌ङि खाप्‍माना लाम्‍बो ठाहा ओटोग्‍वाट्‌टुन्॥ टरो हाट्‌ले उन्‍ङा सोब्‍बे डेन्‌ङि ख्‍वाप्‍पा याप्‌मिचि काएल्-काबु लिसानि नुङ् आग्‍याँ आपिएट्॥

१ तिमोथि 1:11

ना छेम्‍बाना हिसिक्‍मा आसिक् कापिबा माङ्‌हाङ्‌ङाना माहिमित नुना खाबोर गाड्‌डे युङ्‌ग्‍वा॥ माङ्‌हाङ्‌ङा बिस्‍वास याङ्‌चोगाउङ् ना नुना खाबोर आङा याङ्‌पिडे॥

१ तिमोथि 1:13

हिट्‌नुङ् चा आङा उन् खिसि चोगुङे, बिस्‍वासिचि याङ्‌छामा हिट्‌नुङ् ओचाफेन्‍लोक् मेट्‌टुङ्‌चिङे, नागा ख्‍वाप्‍पा थोक् आङा ठाहा मिटोक्‍ङे हिट्‌नुङ् बिस्‍वास माले चोगुङ्‌नाँ आङा मायादाया टोगुङे॥

१ तिमोथि 6:20

तिमोथि, खान् काजिम्‍माङि मापिडाना रिङ् ओचेट्‌नुलोक् पुयु॥ बिथाँङिगा हिट्‌नुङ् मुरखा रिङ्‌पान् हिट्‌नुङ् छेम्‍बाना हिसिक्‍मा बिरोधङि ओकोबागा याप्‌मिचिगा रिङ् नाडु॥ हिट्‌नागाँ उन्‌चि हिसिक्‍माम्‍बाक् “ठोना” नुङ् ओमाट्‌टुना हिट्‌नाम्‍बाक् छेम्‍बाना माखाक्॥

तितास 1:3

हिट्‌नुङ् ओबेलाङि डोक् सोब्‍बे लोङ्‌सा आन्‍याँ पारचार चोगुम्‍माना उन्‍ङाना खाबोर याप्‌मिचि सोरि उन्‍ङा पारकाट् चोगुए॥ ना खाबोर डोक् खेम्‍मेप्‍माचि लोङ्‌सा आनि काहिङ्‌मेप्‍बा डाङ्‌बा माङ्‌हाङ्‌ङा आङा आग्‍याँ हिट्‌नुङ् जिम्‍मा याङ्‌पिडे॥

याकुब 3:1

आम्‍बु-आन्‍झाचि हिट्‌नुङ् आनो-आन्‍झाचि, खानि माड्‌डे याप्‍मा जाना काहिसिक्‍बा लिनेनिन्, पोङ्‌भोने आनि काहिसिक्‍बाचिगा आरु नुङ्‌ना आझा टुक्‍लोक् न्‍याए लियुक् नुङ् खानिलोङ्‌सा ठाहा युङ्‌ग्‍वा॥