लुका 12:28 - आठपहरिया

²⁸ टरो हाट्‌ले लिना हिट्‌नुङ् हान्‍डेङ् डोक् मिङि उडुम्‍ना फुङ् हिट्‌नुङ् बारिङिगा राॽवाउम् माङ्‌हाङ्‌ङा स्‍यार चोगुचिगा भोने, पाक् माङ्‌हाङ्‌ङा नागा नुङ्‌ना चा जोम् स्‍यार खानि माचोगिन्‍गै टे? खोलो टे खानि बिस्‍वास?

लुका 12:28 ပူးပေါင်းရင်းမြစ်များ

मात्‌ति 14:31

हिट्‌ना बेला डोक् येसुङा उमुक्‍ङा हिट्‌ना लाबुएट्‌टुए हिट्‌नुङ् लोडुए, “हाउ खाट्‌टिप्‍मा एरोक् बिस्‍वासलोक्‍ना याप्‌मि, पोङ् साङ्‌का आचोगुएना?”

मात्‌ति 16:8

हिट्‌नागा चेलाचिङा उन्‌चि उन्‌चि रिङ्‌पान् ओचोगागा येसुङा ठाहा टोगुङ् हिट्‌नागा लोडुचे, “हाउ खाट्‌टिप्‍मा एरोक् बिस्‍वास आलिसिगा, खानिलोक् चालेपा वाइना नुङ् पोङ् रिङ्‌पान् आचोगिटिगा?

मात्‌ति 17:17

येसुङा हिट्‌नागा लोडुचे, “हाउ बिस्‍वास मालेगा हिट्‌नुङ् ओभेन्‍गा याप्‌मिचि, आङा खानिलोक् खोना बेला सोम्‍मा युङ्‌ङाना? खोना बेला सोम्‍मा खानि आङा आङ्‌नानिगा? खोलो हिट्‌ना पिच्‍छा नाहि आङा सोरि आप्‍टानुम्॥”

मात्‌ति 17:20

उन्‍ङा हिट्‌नागा लोडुचे, “खानिगा बिस्‍वास खाट्‌टिप्‍मा लिसानाँ, हिट्‌ना होप्‍मा आहिनेट्‌निम्॥ छेम्‍बा, आङा खानि लोनाँनि, खानिलोक् पाट्‌छेयो सागाङाना ठिक् ओगेडा टेप्‍मा बिस्‍वास युङ्‌ग्‍वा भोने ना झोन्‍झोबो ‘नाहिलाम्‍मा मासाडा’ आलोडुम्‍नाँ मायुएट्‌युक्॥ हिट्‌नुङ् खानिङा जे चा चोक्‍मा आहिडुम्‍टुम्॥

मात्‌ति 6:30

हाट्‌ले लिना हिट्‌नुङ् हान्‍डेङ् डोक् मिङि टुनुम्‍ना फुङ् हिट्‌नुङ् राॽवाउम् माङ्‌हाङ्‌ङा स्‍यार चोगुचिगा भोने, पाक् उन्‍ङा नागा नुङ्‌ना चा जोम् नुलोक् खानि मापुइन्‍गै टे? खोलो टे खानि बिस्‍वास?

मात्‌ति 8:26

हिट्‌नुङ् येसुङा ओचेलाचि लोडुचे, “पोङ् खानि आकिट्‌टिटिगा? खोलो खानि बिस्‍वास खोनि खाडेना?” येसु कोबाउङ् हुन्‍डारि हिट्‌नुङ् चुवा ओभेट्‌लेॽवा खेमा लाप्‍टुए, हिट्‌नुङ् हुन्‍डारि लोक् चुवा ओभोट्‌लेॽवा सिप्‍टाडे॥

लुका 8:25

हिट्‌नुङ् येसुङा ओचेलाचि लोडुचे, “खोलो खानि बिस्‍वास खोनि खाडेना?” हिट्‌नागा उकिट्‌टे हिट्‌नुङ् डोङ् ओठोङ्‌डे, हिट्‌नुङ् उन्‌चि उन्‌चि नाड्‌डे उपिगे, “ना खोड्‌डे पाराना याप्‌मि हाउ? हुन्‍डारि हिट्‌नुङ् चुवा ओभेट्‌लेॽवा चा आग्‍याँ पिडुचिगा हिट्‌नुङ् ओटेन्‍गा॥”

हिब्‍रु 6:7

वेहेट्‌ङा स्‍वाँरा वेक्‍टुटु, हिट्‌नुङ् टोॽवालासि काचोक्‌लाउङ्‌सा चाहाब् लिना टेप्‍मा चासोङ् केङुटु, हिट्‌नुङ् हिट्‌ना स्‍वाँरा माङ्‌हाङ्‌ङा आसिक् पिडुङ् जोम् केङ्‌मा मेट्‌टुटु॥

१ पाटरुस 1:24

धारमाछाप्‍लाङि नाड्‌डे छेप्‍टेसे– “ख्‍वाप्‍पा याप्‌मि घाँसा गाड्‌डेगा डोक् हिट्‌नुङ् हिट्‌नागाँगा निङ्‌ला चा फुङ् गाड्‌डेगा डोक्॥ घाँसा लेम्‌युएट्‌युक्, हिट्‌नुङ् फुङ्‌चि ओठायुएट्‌युक्,