लुका 11:52 - आठपहरिया

⁵² “इनामा, खानि धारमाबिधि काहिसिक्‍बाचि! पोङ्‌भोने खानिङा ठोनाङाना साँचो याप्‌मिचिलाम्‍मा आखाट्‌टुएसुम्‍मे, टरो चा खानि आप्‍पेम्‍बाक् ना भिट्‌रा आलिगिन्‍गेट्‌टिन्‍गा हिट्‌नुङ् लिक्‍मा ओकोन्‍गा याप्‌मिचि चा लिग्‍मा आछाक्‍टुएसुम्‌चिमे॥”

लुका 11:52 ပူးပေါင်းရင်းမြစ်များ

मात्‌ति 22:35

हिट्‌नागा माड्‌डे ठिबाङ् धारमाबिधि काहिसिक्‍बाङा येसु वारिक्‌ङि ठेम्‍माना निङ्‌ग्‍वा चोगुङ् सिलाप्‍टुए,

मात्‌ति 23:13

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा टोनालोग्‌ङिना मुलुक्‌ङिना ढुवारिक् याप्‌मिचिगा नाभाक्‌ङि आछाक्‍टुएसुम्‍मे॥ खानि आप्‍पे चा आलिगिन्‍गा, हिट्‌नुङ् लिग्‍मा ओकोन्‍गा याप्‌मिचि चा लिग्‍मा आपिनिम्‌चिम्‍गा॥

लुका 11:53

येसुङा हिट्‌ना डेन् नाडुए हिट्‌नुङ् धारमाबिधि काहिसिक्‍बाचि हिट्‌नुङ् फारिसि याप्‌मिचिङा आड्‌डिक् ओचाफेन्‍लोक् ओमेट्‌टुए हिट्‌नुङ् पारिक् पारिक्‍ङागा रिङ्‌चि सिलाप्‍मा ठालाँ ओचोगुए॥

मुलिचेला टोॽवा 5:40

उन्‍ङा माट्‌टुना रिङ्‌ङि हिट्‌नागा ओटेने॥ हिट्‌नुङ् हिट्‌नागाँ मुलिचेलाचि ओछेम्‍डुचिउङ् कोरराङा लेम्‍सा “हाट्‌ले ना येसुङाना उनिङ्‌ङि खानिङा चेक्‍मा आटोक्‌निम्‍ना” पिक्‍सा आग्‍याँ उपिडुचिउङ् हिट्‌नागा ओलेडुचे॥