लुका 11:39 - आठपहरिया

³⁹ हिट्‌नुङ् येसु डाङ्‌बाङा हिट्‌ना फारिसि याप्‌मि लोडुए, “खानि फारिसि याप्‌मिचिङा ठालि हिट्‌नुङ् खोरे भारा एडोक् आवासिडुम्‍गा, टरो खानि निङ्‌ग्‍वा भोने माक्‍ना हिट्‌नुङ् ओचाफेन्‍गा थोक्‍ङा आइप्‍टुएसुम्‍मे॥

लुका 11:39 ပူးပေါင်းရင်းမြစ်များ

मात्‌ति 15:19

पोङ्‌भोने याप्‌मिङाना उनिङ्‌ग्‍वालाम्‍मा ओचाफेन्‍ना निङ्‌ग्‍वा, याप्‌मि सेप्‍मा, इम्‍मेप्‍माजामा टोॽवा, सोब्‍बे खाले मेन्‍झेमा-येम्‍बेछाङि इम्‍मेप्‍माजामा चोक्‍मा, याङ्‌खुट्‌मा, माङ्‌जो साँचि पिमा हिट्‌नुङ् खिजेक्‍पा चाट्‌मागा रिङ् लियुक् ए॥

मात्‌ति 7:15

“माङ्‌जोगा माङ्‌काटाचिलाम्‍मा ओछेक्‍छेक् लिसानिउङ् युङानि, हिट्‌नागा टे भाराउम् सोजो ठुँबा गाड्‌डे उनिङ्‌युङ् खानि सोरि ओटायुक्, टरो हिट्‌नागाउम्‍टे ब्‍वाँसो गाड्‌डेगा डोक् उलियुक्॥

लुका 16:15

येसुङा हिट्‌नागा लोडुचे, “खानि याप्‌मिचि ओटोकानाङि ओचेट्‌नुलोक् एडोक् लिमा आकोलिगा, टरो माङ्‌हाङ्‌ङा खानि निङ्‌ग्‍वाङिना रिङ् ठाहा टोगुटु॥ हिट्‌नुङ् याप्‌मिचिङा टो ओचोन्‍डुगा रिङ्‌चि माङ्‌हाङ्‌ङा चिम्‍मा फुट्‌टुटु॥

लुका 7:13

येसु डाङ्‌बाङा हिट्‌ना लाङ्‌मेप्‍मा निसुनाङा उनिङ्‌ग्‍वा टुगे, हिट्‌नुङ् “खान् हाप्‍नेन्” लोडुए॥

लुका 7:19

हिट्‌नुङ् उन्‍ङा येसु डाङ्‌बाङि नाड्‌डेना खाबोर लोसिङा पाङ्‌सुचे, “हाट्‌ले टायुगेट्‌ना खिरिस्‍ट खान् डोक् इ, आरु कोइङाना लाम्‍बो पुयुम्‍मानि?”

युहान्‍ना 12:6

टरो हिट्‌नाङा पाक्‍चा ओवानिगा माया चोगुचिउङ् हिट्‌नाड्‌डे लोडुचिगा माखाक्, पोङ्‌भोने हिट्‌ना याङ्‌काखुट् डाना, हिट्‌नुङ् ओफाबा युङ्‌माना चाम्‍सुप्‍मा हिट्‌नाङा डोक् युङ्‌सुना, हिट्‌नुङ् हिट्‌निलाम्‍मा ओफाबा याङ्‌खुट्‌टुगा डागा॥

युहान्‍ना 13:2

येसु लोक् ओचेलाचि युसाना पाका चामा ओचोएट्‌टुना बेला सैतानङा सिमोनङा उइछा याहुदा इस्‍कारियोतङाना उनिङ्‌वाङि येसु धोका पिमाना निङ्‌ग्‍वा हाले डोक् ठेन्‍डुबिडुएसुना॥

मुलिचेला टोॽवा 5:3

टरो पाटरुसङा सिलाप्‍टुए, “हाउ हानानिया, पोङ् सैतान कानिङ्‌ग्‍वाङि युङ्‌मा आपिडुङ् सेङ्‌सेङ्‌ना हाङ्‌सा ढाँट् आफोक्‍टुएना? हिट्‌नुङ् पोङ् आछोङ्‌सुना स्‍वाँराङाना खाट्‌टिप्‍मा ओफाबा आप्‍पेलोङ्‌सा आठोबुङ् आयुङ्‌सुएना?

गालाति 1:14

आङा आटाक्‍लुङ्‌चि नुङ्‌ना याप्‍मा डोक् याहुदि धारमा पालान् चोगुङ्‌ना डाना, हिट्‌नुङ् आटुबा ठेबाचिगा चालान् चाल्‌ति चा आङाम्‍बाक् निङ्‌ग्‍वालाम्‍मा डोक् चोगुङ्‌ना डाना॥

२ तिमोथि 3:5

हिट्‌नुङ् धारमाकारमा चोगि गाड्‌डे काचोक्‍बा, टरो हिट्‌निना साक्‌तिम्‍बाक् लाट्‌मा इन्‍कार ओचोगुगा॥ नाड्‌डेगा याप्‌मिचिलाम्‍मा खान् लाम्‍माङ् डोक् युङा॥

तितास 1:15

चोखो याप्‌मिचि लोङ्‌सा ख्‍वाप्‍पा रिङ्‌चि चोखो डोक् लियुक्॥ टरो निङ्‌ग्‍वा ओचाफेन्‍गा हिट्‌नुङ् बिस्‍वास ओचोगुन्‍गा लोङ्‌सा भोने पाक् रिङ् चा सेङ्‌सेङ् लिनिना पोङ्‌भोने हिट्‌नागाँगा मिप्‍माना बोल् हिट्‌नुङ् चोखो निङ्‌ग्‍वा डोक् चोखो वाइना॥

याकुब 4:8

खानि माङ्‌हाङ्‌ङाना नेहेटाङ् टायानि हिट्‌नुङ् माङ्‌हाङ् चा खानि नेहेटाङ् टायुक्॥ हाउ कायाङ्‌छाबा याप्‌मिचि, खानि मुक् वासिडानुम् सेङ्‌सेङ् चोगानुम्॥ हाउ इप्‍पोक्‌लेङ् निङ्‌ग्‍वा कापि याप्‌मिचि, खानि निङ्‌ग्‍वा सेङ्‌सेङ् चोगानुम्॥