लुका 10:25 - आठपहरिया

²⁵ ठिबाङ् याहुदिचिगा धारमाबिधि काहिसिक्‍बाङा येसुङाना निङ्‌ग्‍वा कोन्‍माउङ्‌सा ठिक् रिङ् सिलाप्‍टुए, “आडाङ्‌बा, हाट्‌ले आङा लाट्‌निना चोला टोक्‍माउङ्‌सा पाक् चोक्‍मा कोन्‌युक्‍ना?”

लुका 10:25 ပူးပေါင်းရင်းမြစ်များ

मारकुस 10:17

येसु लाम्‍बोङि खाडागेट्‌टाना बेला ठिबाङ् याप्‌मि पिन्‍सा आबाउङ् येसु ओटोकानाङि गुङ् चोगाउङ् उन् सिलाप्‍टुए, “हाउ काहिसिक्‍बा, खान् नुना याप्‌मि, आङा पाक् चोगुङ्‌ना लाट्‌निना चोला टुबुङ्‌टुङ्‌ना टे?”

मारकुस 10:3

येसुङा हिट्‌नागा लोडुचे, “पाक् चोक्‍मा कोन्‌युक्‍ना पिक्‍सा मोसाङा खानि आग्‍याँ मापिडेइसिएगा?”

मारकुस 12:28

हिट्‌नि धारमाबिधि काहिसिक्‍बाचि माड्‌डे ठिबाङ् याप्‌मिङा येसु लोक् सादुकि याप्‌मिचि बादबिबाद ओचोगेट्‌टागा रिङ् खेम्‍सुए॥ येसुङा याप्‌मिचि निङ्‌ग्‍वा टाना रिङ् लोडुचिगा निसुङ् हिट्‌नाँ उन् सिलाप्‍टुए, “आडाङ्‌बा, मोसाङा छेप्‍टुना धारमाबिधिङि सोब्‍बे नुङ्‌ना ठेना आग्‍याँम्‍बाक् खोना टे?”

लुका 10:24

छेम्‍बा नाहि खेम्‍सानुम्, जोम् माङ्‌काटाचि हिट्‌नुङ् हाङ्‌बाचिङा ना खानिङा आनिसुम्‍गा हिट्‌नुङ् आखेम्‍सुम्‍गा नागा रिङ्‌चि पुमा हिट्‌नुङ् खेम्‍मा ओकोलुए, टरो पुमा हिट्‌नुङ् खेम्‍मा ओटोग्‍वाट्‌टुन्॥”

लुका 10:26

हिट्‌ना याप्‌मि येसुङा सिलाप्‍टुए, “पाक् खान्‍ङा धारमाबिधिङि छेप्‍टाना रिङ् पोढाँ आचोगुन्‍गेट्‌टुन्‌नि? हिट्‌नि पाक् छेप्‍टेसेना टे?”

लुका 18:18

हिट्‌नि ठिबाङ् याहुदिचिगा ओठेडोङ् आबाउङ् येसु सिलाप्‍टुए, “हाउ काहिसिक्‍बा, खान् नुना याप्‌मि, आङा पाक् चोगुङ्‌ना लाट्‌निना चोला टुबुङ्‌टुङ्‌ना टे?”

लुका 7:30

टरो फारिसि याप्‌मिचि हिट्‌नुङ् धारमाबिधि काहिसिग्‍बाचिङा युहान्‍नालाम्‍मा बाप्‌टिस्‍मा ओचोग्‍वाट्‌टुन्, हिड्‌डेउङ् माङ्‌हाङ्‌ङा उन्‌चि लोङ्‌सा चोगुना योजाना इन्‍कार ओचोगुए॥

युहान्‍ना 8:6

टरो हिट्‌नागाँ उन् फाट्‌टुरङि ठेम्‍मा हियुक्‌नि नुङ् वारिक्‌ङि ठेम्‍मा लोङ्‌सा हिट्‌नाड्‌डे ओलोडुना डाना॥ येसुङा गुङ् चोगाउङ् खाम्‌ङि ओआङ्‌गुलिक्‌ङा छेप्‍टुए॥

गालाति 3:18

माङ्‌हाङ्‌ङा आब्‍राहाम आसिक् पिडुए, पोङ्‌भोने उन्‍ङा पिडुङ्‌टुङ् नुङ् चामारसिङा उन् चोगुएसुना डाना॥ हाट्‌ले माङ्‌हाङ्‌ङा धारमाबिधि पालान् मिचोक्‍ङे सोम्‍मा आनि आसिक् आपिनेट्‌नि भोने उन्‍ङाना चामारसिङा खेरोक् लियुक्॥