लुका 10:16 - आठपहरिया

¹⁶ येसुङा ओचेलाचि लोडुचे, “खानि रिङ् काखेम्‍बाचिङा आरिङ् चा ओखेम्‍सुटु, हिट्‌नुङ् खानि एङ्‌फुट् माचोगिए भोने, आङा चा एङ्‌फुट् याङ्ओचोक्‌युक् हिट्‌नुङ् हिट्‌नाडेडोक् आङा एङ्‌फुट् काचोक्‍बाचिङा आङा याङ्‌पाङ्‌बा चा एङ्‌फुट् ओचोगुटु॥”

लुका 10:16 ပူးပေါင်းရင်းမြစ်များ

मात्‌ति 10:40

“जुन्‍ङा खानि स्‍वागाट् माचोगिटि आङा चा स्‍वागाट् याङ्ओचोक्‌युक्, हिट्‌नुङ् आङा स्‍वागाट् काचोक्‍बाङा आङा कापाङ्‌बा चा स्‍वागाट् चोगुटु॥

मात्‌ति 18:5

हिट्‌नुङ् जुन्‍ङा आनिङ्‌ङि नाड्‌डेगा ओओचि स्‍वागाट् चोगुचिचि, हिट्‌नाङा आङा डोक् स्‍वागाट् याङ्‌चोक्‌युक्॥

मारकुस 9:37

“जुन्‍ङा आनिङ्‌ङि नाड्‌डेगा खाट्‌टिउगा ओओचि माया चोगुचिचि, हिट्‌नाँ आङा चा माया याङ्‌चोक्‌युक्, हिट्‌नुङ् जुन्‍ङा आङा माया याङ्‌चोक्‌युक् हिट्‌नाँ आङा माखाक्, टरो आङा याङ्‌पाङ्‌साना माङ्‌हाङ् पाबा माया चोगुटु॥”

लुका 9:48

हिट्‌नुङ् हिट्‌नागा लोडुचे, “जुन्‍ङा आनिङ्‌ङि ना ओओ स्‍वागाट् चोगुटु हिट्‌नाङा आङालोक् आङा याङ्‌पाङ्‌साना माङ्‌हाङ् पाबा स्‍वागाट् चोगि गाड्‌डे डोक् ए॥ खानिङि सोब्‍बे नुङ्‌ना खाट्‌टिउना डोक् सोब्‍बे नुङ्‌ना ठेना लियुक्॥”

युहान्‍ना 12:44

येसुङा सोब्‍बेङा ओखेम्‍सुलोक् माट्‌टुए, “आङा बिस्‍वास काचोक्‍बाङा आङा एडोक् माखाक्, टरो आङा कापाङ्‌बा चा बिस्‍वास चोगुटु॥

युहान्‍ना 12:48

आङा इन्‍कार काचोक् हिट्‌नुङ् आङा माट्‌टुङ्‌ना रिङ् बिस्‍वास चोगुन्‍ना भोने हिट्‌नाङाना न्‍याए लियुक्॥ आङा माट्‌टुङ्‌ना रिङ्‌ङा डोक् आखेरि लेम्‍बाङि हिट्‌नाङाना न्‍याए चोगुटु॥

युहान्‍ना 13:20

छेम्‍बा डोक्, आङा खानि लोनाँनि, आङा पाङ्‌सुङ्‌ना स्‍वागाट् काचोक्‍बाङा आङा चा स्‍वागाट् याङ्‌चोक्‌युक्, हिट्‌नुङ् आङा स्‍वागाट् काचोक्‍बाङा आङा कापाङ्‌बा पाबा चा स्‍वागाट् चोगुटु॥”

मुलिचेला टोॽवा 5:4

नाम्‍टे छोङ्‌मा नुङ्‌ना पाइले खान्‍ङाना डोक् डाना॥ हाट्‌ले खान्‍ङा आछोङ्‌सुए हिट्‌ना ओफाबा चा खान्‍ङाना डोक् डाना॥ खोड्‌डे पारिक् कानिङ्‌ग्‍वाङि ओचाफेन्‍ना चोक्‍मा आमिट्‌टुएना? खान्‍ङाउम्‍टे याप्‌मि एडोक् माखाक्, टरो माङ्‌हाङ् चा ढाँट् आफोक्‍टुए॥”

गालाति 4:14

हिट्‌ना बेला आङाना आयेम् टुगाउङ् खानिलाउङ्‌सा याङ्‌छामा लिसा चा खानिङा आङा चिम्‍मा याङ्आफुट्‌टेट्‌टिन्‍ना॥ हिट्‌ना ओसाट्‌टोङि खानिङा माङ्‌हाङ् रिङ् काउग्‍बा हिट्‌नुङ् खिरिस्‍ट येसु गाड्‌डे डोक् आङा नुलोक् याङ्आचोगिङे॥

१ थेसालोनिकि 4:8

हिड्‌डेउङ् जुन्‍ङा ना रिङ् इन्‍कार चोगुटु हिट्‌नाङाम्‍टे याप्‌मिङाना माखाक्, टरो माङ्‌हाङ् इन्‍कार चोगुटु, उन्‍ङा डोक् आप्‍पे उन्‍ङाना सेङ्‌सेङ्‌ना हाङ्‌सा आपियुक्॥