लुका 1:78 - आठपहरिया

⁷⁸ पोङ्‌भोने आनि माङ्‌हाङ् लुक्‍मा काटुक् हिट्‌नुङ् मायालु ए॥ हिट्‌नुङ् टोनालोग्‌लाम्‍मा खिरिस्‍टलाउङ्‌सा भ्‍यानिक् छेना नाम्‌ङा ओलाप्‍को गाड्‌डे डोक् आनि उठुङ्‌ङि आपाङ्‌युबियुक्॥

लुका 1:78 ပူးပေါင်းရင်းမြစ်များ

युहान्‍ना 3:16

पोङ्‌भोने माङ्‌हाङ्‌ङा ना नाराङिगा याप्‌मिचि आम्‍टेप्‍मा जोम् माया चोगुचे, उन्‍ङा उन्‍ङाना ठिबाङ् एना छा चा आपिडे, हिड्‌डेउङ् उन्‌ङि बिस्‍वास काचोक् खोना चा जाखाम् उलिन्‍याक्, टरो हिट्‌नाँ खोना बेला चा लाट्‌निना चोला ओटोगुवाक्॥

एफिसि 5:14

हिट्‌डेउङ् याप्‌मिचिङा नाड्‌डे ओमाट्‌टुटु, “हाउ आइम्‌सिगा याप्‌मिचि, कोबानि हिट्‌नुङ् सिमालाम्‍मा उहिङ्‌ग्‍वाट् लिसानि, हिट्‌नुङ् खिरिस्‍टङाना व्‍हाङ् खानिङि ओम्‌युक्॥”

फिलिप्‌पि 1:8

आङा खानि टुब्‍माना आड्‌डिक् निङ्‌ग्‍वा चोगुङ्‌ना रिङ् छेम्‍बा डोक् ए नुङ् माङ्‌हाङ्‌लाउङ्‌सा ठाहा युङ्‌ग्‍वा, पोङ्‌भोने खिरिस्‍ट येसुङा खानि माया माचोगि गाड्‌डे डोक् आङा चा खानि माया चोक्‍नाँनि॥

फिलिप्‌पि 2:1

पाक् खानि खिरिस्‍टङि आलिसिनाँ आँट् टोग्‍माना रिङ् युङ्‌ग्‍वा नि? पाक् उन्‍ङाना मायालाम्‍मा सान्‍तोना टोक्‍माना रिङ् युङ्‌ग्‍वा नि? पाक् खानिङा सेङ्‌सेङ्‌ना हाङ्‌सालोक् साङ्‌गाति आचोगुएट्‌टुम् नि? पाक् खानिलोक् ठिबाङ्‌ङा आरको माया हिट्‌नुङ् दाया चोक्‍माना निङ्‌ग्‍वा युङ्‌ग्‍वा नि?

कालास्‌सि 3:12

पोङ्‌भोने खानिम्‍टे माङ्‌हाङ्‌ङा ओयाप्‌मिचि लिमा मासेगिगा हिट्‌नुङ् उन् लाउङ्‌सा खानि आसाम्‍डेसिए, हिट्‌नुङ् उन्‍ङा खानि माया माचोगिटि॥ हिड्‌नाड्‌डेउङ् खानिङा याङ्‌छामा ओटोगुगा याप्‌मिचि घुवार फाडानुम्‌चिम्, दाया चोगानुम्‌चिम्, मेयोक् लिसानि, सोजो लिसानि, आङ्‌मा कोन्‍ना रिङ्‌ङि निङ्‌ग्‍वा पिडानुम्॥

२ पाटरुस 1:19

माङ्‌काटाचिङा ओछेप्‍टुना रिङ् आझै छेम्‍बाना डोक् नुङ् आन्‍याँ चा भोरोसा युङ्‌सुम्‍टुम्‍मा, हिट्‌नुङ् खानिङा नागा रिङ् निङ्‌ग्‍वा पिमाउङ् खेम्‍मा ओचेट्‌नु लियुक्, पोङ्‌भोने ना कुरिक्‌वारिक्‌ङाना व्‍हाङ् मिलिए सोम्‍मा हिट्‌नुङ् खानि निङ्‌ग्‍वाङि भ्‍यानिक्‌ङाना चोक्‌चिङ्‌गेङाना व्‍हाङ् मिओम्‍मे सोम्‍मा डुम्‍बारिक् डुम्‌ङि हाट्‌ना कुपि गाड्‌डे डोक् लियुक्॥

१ युहान्‍ना 3:17

कोइ याप्‌मिलोक् जोम् माक्‍फेन्‍सुबेन् युङ्‌ग्‍वा, हिट्‌नुङ् हिट्‌नाङा आप्‍पे बिस्‍वासि भुम्‍भु-झान्‍झा आथाबा नाना-झान्‍झाचि चाहाबा उलिसागा निसुङ् चा उनिङ्‌ग्‍वा ठुम्‍ना चोगुटु भोने, खोड्‌डेउङ् हिट्‌ना याप्‌मिलोक् माङ्‌हाङ्‌ङाना माया लियुक्‍ना टे?

पारकास 22:16

“आङा येसुङा खानि सोरि माङ्‌पाङ्‌ङि उलिसागा सोब्‍बेलाउङ्‌सा नागा रिङ् लोमा आङाना माङ्‌हाङ् रिङ् काउग्‍बा खानिङि पाङ्‌सुएसुङे॥ आङा दाउद हाङ्‌बाङाना पुङ्‌लाङिना छालेट् ए, हिट्‌नुङ् भ्‍यानिक् ओम्‍ना चोक्‌चिङ्‌गेट् आङा डोक्॥”