लुका 1:35 - आठपहरिया

³⁵ हिट्‌नुङ् माङ्‌हाङ् रिङ् काउग्‍बाङा लोडुए, “खान् उठुङ्‌ङि माङ्‌हाङ्‌ङाना सेङ्‌सेङ्‌ना हाङ्‌सा ठायुउङ्‌युक् हिट्‌नुङ् सोब्‍बे नुङ्‌ना माङ्‌ठेना माङ्‌हाङ्‌ङाना साक्‌तिङा माटेप्‌युक्॥ हिट्‌नुङ् हिट्‌ना पोङ्‌साना सेङ्‌सेङ्‌ना ओओ माङ्‌हाङ् छा नुङ् ओलोडुटु॥

लुका 1:35 ပူးပေါင်းရင်းမြစ်များ

मात्‌ति 1:18

येसु खिरिस्‍ट नाड्‌डे पारिक् पोङ्‌से– उमा मारियामङाना भ्‍या लिना रिङ् योसेफलोक् रिङ् उफुडुएसुना, टरो हिट्‌नागाचि भ्‍या लिमा पाइले डोक् मारियाम सेङ्‌सेङ्‌ना हाङ्‌सालाम्‍मा माभोक् खुयुना रिङ् ठाहा लिसे॥

मात्‌ति 1:20

ना रिङ् उनिङ्‌ग्‍वाङि मिट्‌टुएट्‌टुना बेला माङ्‌हाङ् डाङ्‌बाङाना माङ्‌हाङ् रिङ् काउग्‍बा सेम्‍माङ्‌ङि उन् सोरि ठेट्‌टाउङ् नाड्‌डे लोडुए, “हाउ दाउद हाङ्‌बा पुङ्‌लाङिना योसेफ, मारियाम भ्‍या चोक्‍मा किट्‌नेन्, पोङ्‌भोने ओमाभोक्‌ङि लिसाना ओओ सेङ्‌सेङ्‌ना हाङ्‌सालाम्‍मा लिसाना ए॥

मात्‌ति 14:33

हिट्‌नुङ् नाउङि उलिसागा चेलाचि सोब्‍बेङा उन् स्‍या ओचोगुए, हिट्‌नुङ् ओलोडुए, “छेम्‍बा डोक्, खान् माङ्‌हाङ् छा ए!”

मात्‌ति 27:54

हिट्‌नुङ् लुक्‍लेमा काडाना हिट्‌नुङ् हिट्‌नि लिसाना घाटाना उनिसुङ् येसु ओकोडुङ् उयुङासागा काप्‍तान लोक् उन्‌लोक् उलिसागा आड्‌डिक् उकिट्‌टे, हिट्‌नुङ् हिट्‌नागाँ नाड्‌डे ओमाट्‌टुए, “छेम्‍बा डोक्, ना याप्‌मिउम् माङ्‌हाङ् छा डोक् रैछो॥”

मात्‌ति 4:3

हिट्‌ना बेला सैतान उन् सोरि टायाउङ् लोडुए, “छेम्‍बा डोक्, खान् माङ्‌हाङ् छा भोने, नागा लुङ्‌गेॽवाचि चालेपा उलियाक् नुङ् आग्‍याँ चोगु॥”

मारकुस 1:1

माङ्‌हाङ् छा येसु खिरिस्‍टङाना नुना खाबोर नाड्‌डेउङ् उटुम् लियुक्॥

मारकुस 1:24

हिट्‌ना नाड्‌डे पिक्‍सा टाराङ्-टाराङ् राट्‌टे, “हाउ नासारातङिना येसु, आन्‍याँ पोङ् दुखे याप्‌मि आचाट्‌युक्‍ना? पाक् खान् आन्‍याँ जाखाम् चोक्‌सिङा आटायाना इ? खान् माङ्‌हाङ्‌ङा मापाङ्‌साना सेङ्‌सेङ्‌ना याप्‌मि नुङ् आङा मिसेन् निनाँ॥”

लुका 1:34

ना रिङ् खेम्‍सुङ् मारियामङा माङ्‌हाङ् रिङ् काउग्‍बा सिलाप्‍टुए, “आङाम्‍टे भ्‍या लिनिङ्‌गेट्‌निङ्‌ना कायेप्‍मा मेन्‍झेमा लिसाङे॥ ना रिङ् खोड्‌डेउङ् लियुक्‍ना टे?”

लुका 1:36

नाहि खेम्‍सु, कानातेदार एलिसिबा मासिङ् लिसा चा माभोक् खुयुएसुए॥ याप्‌मिचिङा ओओचि उलिनिगा पिक्‍सा ओलोडु चा एलिसिबाङा माभोक् खुयुना ङा माइना टेप्‍मा लिमा हिडे॥

युहान्‍ना 1:34

हिट्‌नुङ् ना रिङ् उन्‌ङि लिसाना निसुङे, हिट्‌नुङ् उन् डोक् माङ्‌हाङ् छा नुङ् साँचि खानि पिनाँनि॥”

युहान्‍ना 1:49

नाथानेलङा लोडुए, “काहिसिक्‍बा, खान्‌उम्‍टे माङ्‌हाङ् छा रैछो, खान् इस्‍राएलङिना हाङ्‌बा ए॥”

युहान्‍ना 20:31

टरो येसुम्‍बाक् खिरिस्‍ट, माङ्‌हाङ् छा नुङ् बिस्‍वास चोगानुम्, हिट्‌नुङ् बिस्‍वासलाम्‍मा उन्‌ङि खानिङा चोला टोगानुम् नुङ् ना छाप्‍लाङि छेप्‍टेसे॥

मुलिचेला टोॽवा 8:36

हिट्‌नुङ् हिट्‌नागाचि हिट्‌ना लाम्‍बो लिसा खाडाचिनाँ चुवा लिसाना डेन्‌ङि टासाचुए॥ हिट्‌नुङ् हिट्‌ना नापुङ्‌साकङा लोडुए, “पुयुटे, नाहि चुवा युङ्‌ग्‍वा, पाक् आङा बाप्‌टिस्‍मा लिमा हिनिङ्‌नै टे?”

रोमि 1:4

हिट्‌नुङ् सेङ्‌सेङ्‌ना हाङ्‌सालाम्‍मा येसु माङ्‌हाङ्‌ङाना सोब्‍बे नुङ्‌ना माङ्‌बोल्‍लेउ छा नुङ् पारकाट् चोगुए, पोङ्‌भोने उन् माङ्‌हाङ्‌ङा सियानालाम्‍मा उहिङ्‌ग्‍वाट् चोगुए॥ उन् आनि टाङ्‌बा येसु खिरिस्‍ट ए॥

गालाति 2:20

आङा खिरिस्‍टलोक् खाप्‍चेङि छुडाइसाङे, हिट्‌नुङ् हाट्‌लेलाम्‍मा आङा आप्‍पे हिङ्‌निङ्‌ना, टरो खिरिस्‍ट डोक् आङि हिङ्‌युक्॥ आझै आङा ना येम्‌ङि हिङ्‌ङा, टरो आङा माया काचोक् हिट्‌नुङ् ओचोला कापि माङ्‌हाङ् छाङि बिस्‍वास चोगुङुङ् आङा हिङ्‌ङा॥

एफिसि 2:3

ठिक् बेला आनि सोब्‍बे चा हिट्‌नागा गाड्‌डे डोक् आनि येम्‌ङा कोलुगा ओभेन्‍गा थोक्‌चि हिट्‌नुङ् आनि निङ्‌ग्‍वाङा चोक्‍मा आमेट्‌टाना रिङ्‌चि चोक्‍सा वासिगा डागा॥ आनिलोक् माङ्‌हाङ्‌ङाना ओयाक् लेडे हिट्‌नुङ् आरु याप्‌मिचि साजाए पिडुचि गाड्‌डे आनि चा साजाए आपिडालाबाना डाना॥

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥