लुका 1:20 - आठपहरिया

²⁰ हाट्‌ले खेम्‍सु, आङा लोनाना रिङ् ठिक्‍का ओबेलाङि डोक् लियुक्॥ टरो आङा लोनाना रिङ् खान्‍ङा बिस्‍वास आचोग्‍वाट्‌टुन्, हिड्‌डेउङ् खान्‍ङाना काइछा मिलिए सोम्‍मा खान् पाक्‍चा चेक्‍मा आहिनिलोक् आलियुक्॥”

लुका 1:20 ပူးပေါင်းရင်းမြစ်များ

मारकुस 16:14

हिट्‌नुङ्‌ना एघार ओचेलाचिङा चामा-ठुङ्‌मा चोक्‍मा उयुङैसागा बेला येसु हिट्‌नागा सोरि ठेट्‌टे॥ हिट्‌नुङ् येसुङा हिट्‌नागाँगा आबिस्‍वास हिट्‌नुङ् उन्‌चि निङ्‌ग्‍वा उटुम्‍सुना निसुङ् हिट्‌नागा खेमा लाप्‍टुचे, पोङ्‌भोने हिट्‌नागाँ उन् उहिङ्‌ग्‍वाट् लिसाउङ् कोबाना उनिसुगा याप्‌मिचिगा रिङ् बिस्‍वास ओचोग्‍वाट्‌टुन्॥

मारकुस 9:19

येसुङा हिट्‌नागा लोडुचे, “खोड्‌डेगा बिस्‍वास मालेगा याप्‌मिचि, आङा खानिलोक् खोना बेला सोम्‍मा युङ्‌ङाना? आङा खोट्‌टेप्‍मा खानि आङ्‌नानिगा? खोलो हिट्‌ना आङा सोरि आप्‍टानुम्॥”

लुका 1:19

माङ्‌हाङ् रिङ् काउग्‍बाङा जाकारिया लोडुए, “आङा माङ्‌हाङ् ओटोक्‍माङ्‌ङि येप्‍ङाना माङ्‌हाङ् रिङ् काउग्‍बा गाब्‌रिएल ए॥ उन्‍ङा डोक् खान्‌लोङ्‌सा नुना खाबोर खेम्‍मेप्‍मा लोङ्‌सा आङा याङ्‌पाङ्‌साना॥

लुका 1:21

याप्‌मिचिङा पोङ् ना जाकारिया माङ्‌ठाना भिट्‌रा आबेला चोगेना पिक्‍सा डोङ् ओठोङ्‌डाउङ् भारा ओहाङ्‌सुएट्‌टुना॥

लुका 1:22

हिट्‌नुङ् जाकारिया माङ्‌ठानालाम् भारा होन्‍डे टरो उन् चेक्‍मा हिनेट्‌नि, हिट्‌नुङ् उमुक् वान्‍डुबिडुचे॥ हिट्‌नुङ् याप्‌मिचिङा माङ्‌ठानाङि निमापुमा टोगुएना रैछो नुङ् उन्‌चि निङ्‌ग्‍वाङि उमिट्‌टे॥

लुका 1:45

मारियाम, खान् माङ्‌हाङ्‌ङा जोम् आसिक् मापिडैसे, पोङ्‌भोने खान्‍ङा माङ्‌हाङ्‌ङा मालोडाना रिङ्‌चि सोब्‍बे ना आचोलाङि डोक् युयुक् नुङ् बिस्‍वास आचोगुए॥”

लुका 1:64

हिट्‌ना बेला डोक् जाकारिया पाइला गाड्‌डे डोक् चेक्‍माहिना लिसे हिट्‌नुङ् माङ्‌हाङ् उनिङ् चोम्‍मा ठालाँ चोगुए॥

रोमि 3:3

ना रिङ् छेम्‍बा डोक् इम्‍टेप्‍मा याहुदिचिङा माङ्‌हाङ्‌ङि ओचोगुना चामारसिङा पालान् ओचोग्‍वाट्‌टुन्॥ हिट्‌डे भोने आम्‍टेप्‍माङा पालान् ओचोग्‍वाट्‌टुन्‍ना कारानङा डोक् माङ्‌हाङ्‌ङा उन्‍ङा चोगुना चामारसिङा चोगुन्‍ना इ टे?

२ तिमोथि 2:13

आनि बिस्‍वासिलो लिसिन्‍चा उन् उम्‍टे बिस्‍वासिलो डोक् वाहेट्, पोङ्‌भोने उन्‍ङा आप्‍पेलोङ्‌सा इन्‍कार चोक्‍मा हिडुन्‍ना॥

तितास 1:2

ना बिस्‍वास हिट्‌नुङ् ठोना लाट्‌निना चोलाङाना आसाङि आडाँ लिसाइसे॥ खोना बेला चा माङ्‌जो चेक्‌निना माङ्‌हाङ्‌ङा याप्‍मा बारखा पाइले लाट्‌निना चोला पिनाँनि नुङ् माङ्‌हुप् चोगुए,

हिब्‍रु 6:18

हाट्‌ले माङ्‌हाङ्‌ङा आनि चामारसिङा आपिडे हिट्‌नुङ् बाचा चा चोगुए, नागाचि इप्‍पोक् रिङ् फेराँ लिनिना, पोङ्‌भोने माङ्‌हाङ् माङ्‌जो चेक्‌निना॥ हिट्‌नाड्‌डेउङ् आनि उन् सोरि सुराछे टोक्‍माउङ्‌सा खाडिगाँ आनि टोकानाङि आयुङ्‌साबिडाना आसा टोग्‍माना ठेना आँट् टोगुम्‍टुम्॥

पारकास 3:19

आङा माया चोगुङ्‌चिङ्‌गा लाउङ्‌सा खेमा लाप्‍टुङ्‌चिङ्‌चिङ् हिट्‌नुङ् साधाँ चोगुङ्‌चिङ्‌चिङ्॥ हिट्‌डेउङ् पापलाम्‍मा खानि काएल्-काबु लिसानि हिट्‌नुङ् नुना टोॽवा चोक्‍मा जागारुक् लिसानि॥