याहुदा 1:4 - आठपहरिया

⁴ आङा ना रिङ् माट्‌टुङ्‌टुङ् पोङ्‌भोने कोइ-कोइ याप्‌मिचि खानि माझाङि सोगोप् उलिगाइसे, हिट्‌नागाँ माङ्‌हाङ् डोक् मान् ओचोगुन्‍ना॥ हाट्‌ले माङ्‌हाङ्‌ङा आनि लुक्‍मा आटुक्‍टानाँ सोब्‍बे ओभेन्‍गा टोॽवा चोक्‍मा आनि आपिडाइसे नुङ् हिट्‌नागा उपिग्‍गा, हिट्‌नुङ् आनिना ठिबाङ् एना डाङ्‌बा हिट्‌नुङ् टाङ्‌बा येसु खिरिस्‍ट इन्‍कार ओचोगुना॥ याप्‍मा बारखा पाइले नागा याप्‌मिचि फाट्‌टुर ओलाबुचिगा रिङ् धारमाछाप्‍लाङि छेप्‍टेसे॥

याहुदा 1:4 ပူးပေါင်းရင်းမြစ်များ

मात्‌ति 13:25

टरो याप्‌मिचि उइम्‍साना बेला ओसाट्‌टुर आबे, हिट्‌नुङ् गाहुँङाना माझा माझाङि सामा लेट्‌टुढोङ् खाडे॥

युहान्‍ना 17:3

लाट्‌निना चोला नुङ् खान् ठिबाङ् एडोक् छेम्‍बाना माङ्‌हाङ् मिसेन् निमा, हिट्‌नुङ् खान्‍ङा आपाङ्‌सुना येसु खिरिस्‍ट मिसेन् निमा ए॥

मुलिचेला टोॽवा 11:23

बारनाबास एन्‌टिओखियाङि टासुनाँ माङ्‌हाङ्‌ङा हिट्‌निगा याप्‌मिचि दाया चोगुचिगा निसुङ् उन्‍ङाना आड्‌डिक् डोक् ओचाप् टाए॥ हिट्‌नुङ् उन्‍ङा “खानि निङ्‌ग्‍वालाम्‍मा डोक् टाङ्‌बाङि बिस्‍वासि लिसायाक्‍टानि” पिक्‍सा हिट्‌नागा आँट् पिडुचे॥

मुलिचेला टोॽवा 15:24

आन्‍याँ मिपाङ्‌ङे आम्‍टेप्‍मा याप्‌मिचि खानिङि ओआबाउङ् एकेलेङ्‌ना रिङ् माहिसिक्‌टिउङ् खानि याङ्‌छामा मापिडिउङ् खानि निङ्‌ग्‍वा टुगाना रिङ् आन्‍याँ खेम्‍सुम्‍मे॥

गालाति 2:4

टरो आम्‍टेप्‍मा बिस्‍वासिचि ए नुङ् उपिक्‍गाङा उन् खाताना चोक्‍मामेप्‍मा ओकोलुए॥ हिट्‌नागा ठाहा मिटोक्‍ङे आन्‍याँङि उलिगाउङ् खिरिस्‍ट येसुलाम्‍मा टोगुम्‍माना छुट्‌काराङाना बारेङि मिच्‍छो ओचोगुए, हिट्‌नुङ् आन्‍याँलाउङ्‌सा याहुदिचिगा चालान् चाल्‌ति पालान् चोक्‍मामेप्‍मा याप्‌मिओकोले॥

गालाति 5:13

आम्‍भु-आन्‍झाचि हिट्‌नुङ् आनो-आन्‍झाचि, खानिउम् टे माङ्‌हाङ्‌ङा सोतान्‍तर लिमाउङ्‌सा मासेगिगा ए॥ खानिङा आटोगुम्‍ना सोतान्‍तर पाप चोक्‍माना निङ्‌ग्‍वालेङ् टिनेनुम्॥ टरो ना सोतान्‍तरउम्‍बाक् ठिबाङ्‌ङा आरको माया चोक्‍सा सेवा चोक्‍मालाउङ्‌सा चोगानुम्॥

एफिसि 4:14

हिट्‌नुङ् आनि खाटिउगा पिच्‍छाचि गाड्‌डे लिसिन्‍गा॥ हिट्‌नुङ् हिॽवाङा आनि याम्‍बा-नायाम्‍बा आमुट्‌टि गाड्‌डे छालाँ काचोक् याप्‌मिचिगा ओचाप्‍पाङ् हुसिक्‍माङा आनि आवान्‌निना॥

१ तिमोथि 5:8

टरो कोइङा आप्‍पे ओनातेदारचि हिट्‌नुङ् हिट्‌नि चा आप्‍पे ओपाङ्‌ठाङ्‌ङिगा याप्‌मिचि नुलोक् पुयुन्‌चिन्‍गा भोने, हिट्‌ना छेम्‍बाना बिस्‍वासि माखाक्, हिट्‌नुङ् हिट्‌ना याप्‌मि बिस्‍वास काचोक्‌निबा नुङ्‌ना चा ओचाफेन्‍ना लियुक्॥

२ तिमोथि 2:12

आनि उन् लोङ्‌सा सोरोक् याङ्‌छामा आङ्‌डुम्‍टुम् भोने, उन्‌लोक् डोक् सासान् चा चोगुम्‍टुम्, आनि उन् इन्‍कार चोगुम्‍मे भोने, उन्‍ङा चा आनि इन्‍कार आचोग्‌युक्॥

२ तिमोथि 3:6

पोङ्‌भोने हिट्‌नागा माड्‌डेङि कोइ-कोइ पाङ्-पाङ्‌ङि लिक्‍सा पापङा काङुचिगा हिट्‌नुङ् सोब्‍बे पारिक्‌ङागा ओचाफेन्‍ना निङ्‌ग्‍वाङा एरोक् इप्‍टुचिगा मुरखा मेन्‍झेमाचि उन्‌चि मुठिङि उयुङ्‌सुचिगा॥

१ पाटरुस 2:16

सोतान्‍तर लिसाना याप्‌मिचि गाड्‌डे डोक् युङानि, टरो सोतान्‍तर लिसाङे नुङ् ओभेन्‍गा टोॽवा चोक्‍माना बाहाना चोग्‍नेनुम्॥ बोरु माङ्‌हाङ्‌ङाना चाकार गाड्‌डे डोक् चोगानिउङ् युङानि॥

१ पाटरुस 2:8

हिट्‌नुङ्, “ना डोक् याप्‌मिचि टोक्‌टिना लिङ्‌गेॽवा ए, हिट्‌नुङ् ना लिङ्‌गेॽवाङि डोक् याप्‍मा याप्‌मिचि ओठायुक्॥” हिट्‌नागा ओटोक्‌युक् पोङ्‌भोने हिट्‌नागाँ माङ्‌हाङ्‌ङाना रिङ् पालान् ओचोगुन्‍गा, नाउम्‍बाक् माङ्‌हाङ्‌ङा हिट्‌नागा लोङ्‌सा नाड्‌डे डोक् चोक्‍माना योजाना डाना॥

१ पाटरुस 4:18

धारमाछाप्‍लाङि नाड्‌डे युङ्‌ग्‍वा, “धारमोति याप्‌मिउम् हिङ्‌मा टुक्‍ना भोने, आधारमोति पापि याप्‌मिउम् झान् खोड्‌डे लियुक्‍ना होला?”

२ पाटरुस 2:10

मुलिगारि माङ्‌हाङ्‌ङा चिम्‍मा फुट्‌टुम्‍गा रिङ् काचोक्‌चिलोक् आधिकारङि युङ्‌मा ओटेन्‌निगा याप्‌मिचि साजाए पिडुचिचि॥ नाड्‌डेगा याप्‌मिचि ओठेयुजागा हिट्‌नुङ् उसिङ्‌सागा उलियुक्, हिट्‌नुङ् टोनालोग्‌ङिना पारानिचि खिजेक्‍पा चाट्‌मा उकिट्‌निगा॥

२ पाटरुस 2:7

हिट्‌नुङ् उन्‍ङा धारमोति याप्‌मि लोत चा जोगाँ चोगुए॥ लोत सादामङिगा ओभेन्‍गा याप्‌मिचिगा चिम्‍मा फुट्‌टुम्‍गा चाट्‌लालाम्‍मा आड्‌डिक् याङ्‌छाडाइसाना॥

२ पाटरुस 3:7

हिट्‌नाड्‌डे डोक् ना बेला लिसाना टाङ्‌साङ् लोक् नारा चा मिलाम्‍मा जाखाम् चोक्‍माउङ्‌सा माङ्‌हाङ् उरिङ्‌ङा डोक् जोगाँ चोगुङ् युङ्‌सुएसुए॥ उन्‍ङा आधारमोति याप्‌मिचि जाखाम् चोक्‍माउङ्‌सा न्‍याए चोक्‍माना लेम्‍बा सोम्‍मा टाङ्‌साङ् लोक् नारा युङ्‌सुएसुए॥

१ युहान्‍ना 2:22

हिट्‌नुङ् साक्‌उम्‍बाक् माङ्‌जोना टे? जुन्‍ङा येसु डोक् खिरिस्‍ट नुङ् लाडुन्‍ना, हिट्‌ना डोक् माङ्‌जोना ए॥ हिट्‌नुङ् जुन्‍ङा माङ्‌हाङ् पाबा लोक् छा लाडुन्‍ना, हिट्‌ना डोक् खिरिस्‍टङाना ओसाट्‌टुर ए॥

याहुदा 1:15

उन्‍ङा हिट्‌नागा ख्‍वाप्‍पा याप्‌मिचि न्‍याए चोगुचिचि, हिट्‌नुङ् हिट्‌नागाँ ओचोगुना ओभेन्‍गा टोॽवाचि लोक् उन् बिरुद्‌दाङि आधारमोति कायाङ्‌छाबा याप्‌मिचिङा ओमाट्‌टुना ओचाफेन्‍ना रिङ्‌ङाना साजाए पिडुचिचि॥”

याहुदा 1:18

हिट्‌नागाँ खानि नाड्‌डे मालोडेसिगा, “आखेरि बेलाङि खिजेक्‍पा याङ्‌काचाट् याप्‌मिचि उलियुक्, हिट्‌नुङ् हिट्‌नागाँ उन्‌चि निङ्‌ग्‍वा गाड्‌डे ओचोगुङ् ओभेन्‍गा टोॽवाचि ओचोगुटु॥”

पारकास 15:4

हाउ माङ्‌हाङ् डाङ्‌बा, खान्‌लोक् सोब्‍बे उकिट्‌युक्, सोब्‍बे याप्‌मिचिङा खान्‍ङाना माहिमा ओचोगुटु, पोङ्‌भोने सेङ्‌सेङ्‌ना खान् एना॥ सोब्‍बे याप्‌मिचि खान्‌ङि ओआप्‌युक् हिट्‌नुङ् खान् सोरि कानिङ् टो-टो ओचोगुटु, पोङ्‌भोने सोब्‍बे याप्‌मिचि खान्‍ङाना धारमोति टोॽवा आनिमेट्‌टुएसुचे॥”