युहान्‍ना 8:6 - आठपहरिया

⁶ टरो हिट्‌नागाँ उन् फाट्‌टुरङि ठेम्‍मा हियुक्‌नि नुङ् वारिक्‌ङि ठेम्‍मा लोङ्‌सा हिट्‌नाड्‌डे ओलोडुना डाना॥ येसुङा गुङ् चोगाउङ् खाम्‌ङि ओआङ्‌गुलिक्‌ङा छेप्‍टुए॥

युहान्‍ना 8:6 ပူးပေါင်းရင်းမြစ်များ

मात्‌ति 10:16

“खेम्‍सानुम्, आङा खानि ब्‍वाँसोचिगा माझै ठुँबा गाड्‌डे डोक् पाङ्‌नागेट्‌नानि, हिट्‌डेउङ् खानि ओप्‍पु गाड्‌डे ओचाप्‍पाङ् हिट्‌नुङ् ढुकुर गाड्‌डे सोझो लिसानि॥

मात्‌ति 15:23

टरो येसुङा हिट्‌ना मेच्‍छेमा पाक्‍चा लोडुवाट्‌टुन्॥ हिट्‌नुङ् ओचेलाचि ओआबाउङ् बिन्‌टि उन् ओचोगुए, “ना मेच्‍छेमा पाङ्‌सुडिसु, पोङ्‌भोने हिट्‌ना राट्‌सा आनि एङ् एङ् आब्‌युगेट्॥”

मात्‌ति 16:1

एक् बेला आम्‍टेप्‍मा फारिसि याप्‌मिचि हिट्‌नुङ् सादुकि याप्‌मिचि येसु वारिक्‌ङि ठेम्‍मा ओआबे, हिट्‌नुङ् माङ्‌हाङ्‌लाम्‍मा आउङ्‌साना नुङ् टोनालोग्‌लाम्‍मा ठिक् चिन्‍ना याप्‌मि निमेट्‌टाउङ् पारमान् चोगु ओलोडुए॥

मात्‌ति 19:3

हिट्‌नुङ् आम्‍टेप्‍मा फारिसि याप्‌मिचि उन् सोरि ओआबाउङ् उन् रिङ्‌ङि रेक्‍मा ओकोलुङ् नाड्‌डे पिक्‍सा उसिलाप्‍टुए, “कोइङा ओटालिमाङ् नामा कोन्‍ना ठिक् रिङ् लिसे भोने, पाक् धारमाबिधिङा ओटालिमाङ् नामा लाउङ्‌सा पिडुटुनि, पिडुन्‍नै?”

मात्‌ति 22:18

टरो येसुङा हिट्‌नागाँगा ओचाफेन्‍ना निङ्‌ग्‍वा ठाहा टोगुङ् हिट्‌नागा लोडुचे, “हाउ निङ्‌ग्‍वा ओमाक्‍पाचि, पोङ् खानिङा आङा वारिक्‌ङि ठेम्‍मा आकोलेट्‌टिङागा?

मात्‌ति 22:35

हिट्‌नागा माड्‌डे ठिबाङ् धारमाबिधि काहिसिक्‍बाङा येसु वारिक्‌ङि ठेम्‍माना निङ्‌ग्‍वा चोगुङ् सिलाप्‍टुए,

मात्‌ति 26:63

टरो येसु स्‍वाग् मिचेक्‍ङे युङे॥ फेरि सानिङ्‌डाङ्‌बाङा उन् सिलाप्‍टुए, “उहिङ्‌ग्‍वाट् माङ्‌हाङ्‌ङाना उनिङ्‌ङि खान् आग्‍याँ पिनाँ, आन्‍याँ याप्‌मिलोडा, पाक् खान् माङ्‌हाङ् छा खिरिस्‍ट इ टे?”

मारकुस 10:2

आम्‍टेप्‍मा फारिसि याप्‌मिचि ओआबाउङ् उन् रिङ्‌ङि रेक्‍मा ओकोलुए, हिट्‌नुङ् हिट्‌नागाँ नाड्‌डे पिक्‍सा उसिलाप्‍टुए, “आडाङ्‌बा, पाक् आनि धारमाबिधिङा येम्‍बेछा याप्‌मिङा ओटालिमाङ् नामा लियुक् नि लिनिनै?”

मारकुस 12:15

“आन्‍याँ तिरो हुङ्‌मानि मिहुङ्‌मानि” येसुङा हिट्‌नागाँगा ओमाक्‍पा निङ्‌ग्‍वा ठाहा टोगुङ् हिट्‌नागा लोडुचे, “पोङ् खानिङा आङा वारिक्‌ङि ठेम्‍मा आकोलेट्‌टिङागा? खोलो ठिक् रुपाक् राङ् आप्‍टानुमुङ् याङ्‌निमेट्‌टानि॥”

मारकुस 3:2

येसुङा युङ्‌माना लेम्‍बा हिट्‌ना याप्‌मि नुमानिङ् चोगुए भोने फाट्‌टुर लाबुम् ए नुङ् आम्‍टेप्‍मा याप्‌मिचिङा हिट्‌नि उन् उसुक्‍टुएट्‌टुना॥

मारकुस 8:11

फारिसि याप्‌मिचि येसुङि ओटायाउङ् उन्‌लोक् बादबिबाद चोक्‍मा ठालाँ ओचोगुए॥ हिट्‌नागाँ येसुङाना उनिङ्‌ग्‍वा कोन्‍सा “टोनालोग्‌लाम्‍मा ठिक् चिन्‍ना याप्‌मिनिमेट्‌टा” पिक्‍सा ओलोडुए॥

लुका 10:25

ठिबाङ् याहुदिचिगा धारमाबिधि काहिसिक्‍बाङा येसुङाना निङ्‌ग्‍वा कोन्‍माउङ्‌सा ठिक् रिङ् सिलाप्‍टुए, “आडाङ्‌बा, हाट्‌ले आङा लाट्‌निना चोला टोक्‍माउङ्‌सा पाक् चोक्‍मा कोन्‌युक्‍ना?”

लुका 11:16

हिट्‌नुङ् कोइ याप्‌मिचिङा टोनालोग्‌लाम्‍मा ठिक् चिन्‍ना याप्‌मिनिमेट्‌टा पिक्‍सा येसु वारिक्‌ङि ठेम्‍मा ओकोलुए॥

युहान्‍ना 8:2

हान्‍डेङ्‌लेङ् एका भ्‍यानिक् उन् फेरि माङ्‌ठानाङि खाडे, हिट्‌नुङ् सोब्‍बे याप्‌मिचि उन् सोरि ओटाए, हिट्‌नुङ् उन् युङाउङ् हिट्‌नागा हिसिक्‍टुचे॥

१ कोरिन्‌थि 10:9

हिट्‌नागा माड्‌डे आम्‍टेप्‍माङा टाङ्‌बाङाना उनिङ्‌ग्‍वा ओकोलु गाड्‌डे टाङ्‌बाङाना उनिङ्‌ग्‍वा आनि कोन्‌निम्‍चा॥ हिट्‌नागाँ टाङ्‌बाङाना उनिङ्‌ग्‍वा ओकोलुङ्‌डोक् बिखालु ओप्‍पुङा ठोगुचिउङ् उसिए॥