युहान्‍ना 8:38 - आठपहरिया

³⁸ आङाम्‍बाक् आङाना पाबालोक् युङाङ्‌ना बेला जे जे रिङ् निसुएसुङे, हिट्‌ना रिङ् डोक् माट्‌टुङ्‌टुङ्॥ हिट्‌नुङ् खानिङा चा खानि पाबालाम्‍मा जे जे आखेम्‍सुएसुम्‍मे, हिट्‌ना रिङ् डोक् आचोगुम्‍टुम्॥”

युहान्‍ना 8:38 ပူးပေါင်းရင်းမြစ်များ

मात्‌ति 3:7

टरो फारिसि याप्‌मिचि हिट्‌नुङ् सादुकि याप्‌मिचि छुम्‍माङिगा जोम् याप्‌मिचि बाप्‌टिस्‍मा लाट्‌माउङ्‌सा ओआबागा निसुचिउङ् हिट्‌नागा लोडुचे, “हाउ बिखालु ओप्‍पु गाड्‌डेगा दुस्‍टा याप्‌मिचिगा छालेट्‌चि, माङ्‌हाङ्‌लाम्‍मा ठाना उकुन्‌जिरिक्‍वालाम्‍मा पिम्‍मा खाप्‍मा पोङ् खानिङा निङ्‌ग्‍वा आचोगुमेना?

युहान्‍ना 14:10

पाक् आङा पाबाङि हिट्‌नुङ् पाबा आङि वाहेट् नुङ् खान्‍ङा बिस्‍वास आचोगुन्‍ना इ? खानि लोनानिगा रिङ् आङाना आप्‍पे आनिङ्‌ग्‍वाङिना रिङ् माट्‌टुङ्‌ना माखाक्, टरो आङि युङ्‌ना पाबाङा उन्‍ङाना ओटोॽवा आङालाम्‍मा चोगुएट्‌टु॥

युहान्‍ना 14:24

आङा माया याङ्ओचोक्‌निगाँ आङा माट्‌टुङ्‌ना रिङ् ओटेन्‌निगा॥ खानिङा आखेम्‍सुम्‍गा ना रिङ् आङालाम्‍मा टायाना माखाक्, टरो आङा कापाङ्‌बा पाबालाम्‍मा टायाना ए॥

युहान्‍ना 17:8

पोङ्‌भोने खान्‍ङा आङा याङ्‌आपिडाङ्‌ना रिङ् डोक् हिट्‌नागा लोडुङ्‌चिङे, हिट्‌नुङ् हिट्‌नागाँ हिट्‌ना रिङ् बिस्‍वास ओचोगुएसुए॥ आङा खान्‌लाम्‍मा खाडाङ्‌ना नुङ् हिट्‌नागाँ छेम्‍बा डोक् ठाहा ओटोगुएसुए, हिट्‌नुङ् खान्‍ङा आङा याङ्आपाङ्‌साङ्‌ना नुङ् हिट्‌नागाँ बिस्‍वास ओचोगुएसुए॥

युहान्‍ना 3:32

उन्‍ङा आप्‍पे निसुगा हिट्‌नुङ् खेम्‍सुगा रिङ् डोक् माट्‌टुटु, टरो उन्‍ङा माट्‌टुगा रिङ् साङा चा बिस्‍वास ओचोगुन्‍गा॥

युहान्‍ना 5:19

येसुङा हिट्‌नागा नाड्‌डे लोडुचे, “छेम्‍बा डोक्, आङा खानि लोनाँनि, छाङा आप्‍पेम्‍बाक् पाक्‍चा चोक्‍मा हिडुन्‍ना, टरो माङ्‌हाङ् पाबाङा जे चोगुना निसुटु, हिट्‌ना एरोक् चोगुटु, पोङ्‌भोने पाबाङा जे चोगुटु, छाङा चा हिट्‌डेडोक् चोगुटु॥

युहान्‍ना 5:30

“आङा आप्‍पेम्‍बाक् पाक्‍चा चोक्‍मा हिनिङ्‌ना॥ जे आङा खेम्‍सुङ्‌टुङ् हिट्‌ना पारा डोक् न्‍याए चोगुङ्‌टुङ्, हिट्‌नुङ् आङा चोगुङ्‌ना न्‍याएम्‍बाक् छेम्‍बाना, पोङ्‌भोने आङा आप्‍पे आनिङ्‌ग्‍वा गाड्‌डे पाक्‍चा चोक्‌निङ्‌ना, टरो आङा कापाङ्‌बाङाना उनिङ्‌ग्‍वा गाड्‌डे एरोक् चोगुङ्‌टुङ्॥

युहान्‍ना 8:26

खानि बारेङि आङा माप्‍मा कोन्‍ना हिट्‌नुङ् फाट्‌टुरङि ठेम्‍माना रिङ् याप्‍मा युङ्‌ग्‍वा॥ टरो आङा कापाङ्‌बा छेम्‍बाना ए, हिट्‌नुङ् उन्‌लाम्‍मा आङा जे खेम्‍सुङ्‌टुङ् हिट्‌ना एडोक् नाराङिगा याप्‌मिचि लोडुङ्‌चिङ्‌चिङ्॥”

युहान्‍ना 8:41

खानि पाबाङा जे चोगुए खानिङा चा हिट्‌ना टोॽवा डोक् आचोगुएट्‌टुम्॥” हिट्‌नागाँ उन् ओलोडुए, “आन्‍याँ इम्‍मेप्‍माजामा टोॽवा काचोक् मेन्‍झेमालाम्‍मा पोङ्‌सिङागा माखाक्, माङ्‌हाङ् डोक् आन्‍याँना ठिबाङ् एना पाबा ए॥”

युहान्‍ना 8:44

खानि आप्‍पे खानि पाबा सैतानङाना ओछालेट्‌चि ए, हिट्‌नुङ् खानि पाबाङाना उनिङ्‌ग्‍वा गाड्‌डे चोक्‍मा डोक् खानिङा निङ्‌ग्‍वा आचोगुएसुम्‍मे॥ हिट्‌नाउम्‍टे उटुम्‌लाम्‍मा डोक् याप्‌मि कासेट् डाना, हिट्‌नुङ् हिट्‌नाङा छेम्‍बाना रिङ् सोरोक् चिम्‍मा फुट्‌टुना, पोङ्‌भोने हिट्‌नालोक् छेम्‍बाना रिङ् डोक् वाइना॥ हिट्‌नाउम्‍टे ओचाट्‌ला गाड्‌डे डोक् माङ्‌जो चेक्‌युक्॥ हिड्‌डेउङ् हिट्‌ना माङ्‌जो काचेक् हिट्‌नुङ् माङ्‌जो काचेक्‍बाचिगा पाबा ए॥