युहान्‍ना 8:32 - आठपहरिया

³² हिट्‌नुङ् खानिङा छेम्‍बा पाइना नुङ् ठाहा आटोगुम्‍टुम्, हिट्‌नुङ् हिट्‌ना छेम्‍बाना रिङ्‌ङा खानि छुट्‌कारा मापिडिटि॥”

युहान्‍ना 8:32 ပူးပေါင်းရင်းမြစ်များ

मात्‌ति 11:29

आङाना जुवा खुयानुम् हिट्‌नुङ् आङालाम्‍मा सिकाँ लिसानि, पोङ्‌भोने आङा मेयोक्‍ना हिट्‌नुङ् आनिङ्‌ग्‍वा दायालु ए, हिट्‌नुङ् खानिङा आराम आटोगुम्‍टुम्॥

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 1:17

पोङ्‌भोने मोसालाम्‍मा आन्‍याँ धारमाबिधि टोगुम्‍मे, टरो मायादाया हिट्‌नुङ् छेम्‍बाना रिङ्उम्‍बाक् येसु खिरिस्‍टलाम्‍मा टाए॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 16:13

हिट्‌नुङ् छेम्‍बाना हाङ्‌सा उङ्‌युङ् उन्‍ङा डोक् खानिलोङ्‌सा छेम्‍बाना लाम्‍बोलेङ् एडोक् लाम्‌टिमा आगुवाइ माचोगिटि॥ उन्‍ङा आप्‍पे उरिङ् माट्‌टुन्‍ना, उन्‍ङा जे खेम्‍सुटु, हिट्‌ना डोक् खानि मालोडिटि, हिट्‌नुङ् उन्‍ङा हान्‍डेङ् लिना रिङ् बारेङि चा खानि मालोडिटि॥

युहान्‍ना 17:17

खान्‍ङाना छेम्‍बाना रिङ्‌ङा हिट्‌नागा सेङ्‌सेङ् चोगुचि, हिट्‌नुङ् खान्‍ङाना रिङ्उम्‍बाक् छेम्‍बाना ए॥

युहान्‍ना 6:45

धारमाछाप्‍लाङि माङ्‌काटाचिङा नाड्‌डे ओछेप्‍टुएसुए, ‘माङ्‌हाङ्‌ङा डोक् सोब्‍बे याप्‌मिचि हिसिक्‍टुचिचि॥’ नाड्‌डेउङ् जुन्‍ङा माङ्‌हाङ् पाबा खेम्‍सुटु हिट्‌नुङ् उन्‌लाम्‍मा सिकाँ लियुक् हिट्‌नागा सोब्‍बे आङि ओटायुक्॥

युहान्‍ना 7:17

नाड्‌डेउङ् कोइ याप्‌मिङा माङ्‌हाङ्‌ङाना उनिङ्‌ग्‍वा गाड्‌डे चोक्‍मा इट्‌टुए भोने, आङाना हिसिक्‍मा आङाना माखाक्, माङ्‌हाङ्‌लाम्‍माना नुङ् हिट्‌नाङा ठाहा टोगुटु॥

युहान्‍ना 8:36

हिड्‌नाड्‌डेउङ् छाङा खानि छुट्‌कारा मापिडिटि भोने, खानिङा छेम्‍बारोक् छुट्‌कारा आटोगुम्‍टुम्॥

रोमि 6:22

टरो हाट्‌ले खानिङा पापलाम्‍मा छुट्‌कारा आटोगुएसुम्‍मे, हिट्‌नुङ् माङ्‌हाङ्‌ङाना कामारा आलिसेसिए॥ हाट्‌ले खानि सेङ्‌सेङ् आलिसिटि हिट्‌नुङ् खोना बेला चा लाट्‌निना चोला आटोगुम्‍टुम्॥

रोमि 8:15

पोङ्‌भोने माङ्‌हाङ्‌ङा उन्‍ङाना सेङ्‌सेङ्‌ना हाङ्‌सा आनि आपिडैसे, हिट्‌नुङ् ठिबाङ् चाकार ओडाङ्‌बालोक् किट्‌ना गाड्‌डे आनि फेरि किट्‌मा कोन्‌निना, टरो उन्‍ङा आनि माङ्‌हाङ्‌ङा उइछाचि आचोगेसेए॥ हिड्‌डेउङ् माङ्‌हाङ्‌लाउङ्‌सा “आब्‍बा, पाबा” नुङ् लोमा हिडुम्‍टुम्॥

रोमि 8:2

पोङ्‌भोने आनि खिरिस्‍ट येसुलोक् एक्‍केउ लिसिनाँ सेङ्‌सेङ्‌ना हाङ्‌साङा आनि ओछोङ्‌ग्‍वाट् चोला आपिडेसे, हिट्‌नुङ् पाप चोक्‍मालाम्‍मा हिट्‌नुङ् सिमाना रिङ्‌लाम्‍मा छुट्‌कारा आपिडेसे॥

१ कोरिन्‌थि 7:22

पोङ्‌भोने जुन् याप्‌मि टाङ्‌बाङा छेम्‍मा पाइले कामारा डाना, हाट्‌ले हिट्‌ना टाङ्‌बाङा सोतान्‍तर याप्‌मि चोगुएसुए॥ हिट्‌नाडेडोक् जुन् याप्‌मि टाङ्‌बाङा छेम्‍डुना बेला सोतान्‍तर डाना, हिट्‌ना याप्‌मि खिरिस्‍टङाना कामारा लिसेसे॥

गालाति 5:1

खिरिस्‍टङा आनि सोतान्‍तर लिमाउङ्‌सा छुट्‌कारा आचोगाइसे॥ हिड्‌डेउङ् दोरो लिसानिउङ् युङानि, हिट्‌नुङ् फेरि धारमाबिधिङाना चाकार लिनेनिन्॥

गालाति 5:13

आम्‍भु-आन्‍झाचि हिट्‌नुङ् आनो-आन्‍झाचि, खानिउम् टे माङ्‌हाङ्‌ङा सोतान्‍तर लिमाउङ्‌सा मासेगिगा ए॥ खानिङा आटोगुम्‍ना सोतान्‍तर पाप चोक्‍माना निङ्‌ग्‍वालेङ् टिनेनुम्॥ टरो ना सोतान्‍तरउम्‍बाक् ठिबाङ्‌ङा आरको माया चोक्‍सा सेवा चोक्‍मालाउङ्‌सा चोगानुम्॥

२ तिमोथि 3:7

हिट्‌नागा मेन्‍झेमाचि सिकाँम्‍बाक् सोरोक् सिकाँ उलिगा, टरो छेम्‍बाना रिङ्उम्‍बाक् पाइना हिट्‌ना साम्‍मा डोक् उहिडुन्‍गा॥

याकुब 1:25

टरो खोना याप्‌मिङा छुट्‌कारा आपिना हिट्‌ना नुना आग्‍याँङि निङ्‌ग्‍वा पिडुटु हिट्‌नुङ् पालान् चोगुटु, हिट्‌नुङ् हिट्‌ना खेम्‍सुङ् मुन्‍डुएट्‌टुन्‍ना टरो हिट्‌ना गाड्‌डे टोॽवा चोगुटु भोने, हिट्‌नाङा चोगुना ओटोॽवाङि माङ्‌हाङ्‌ङा आसिक् पिडुटु॥

याकुब 2:12

हिड्‌नाड्‌डेउङ् खानिङा जे आमाट्‌टुम्‍टुम् हिट्‌नुङ् आचोगुम्‍टुम्, छुट्‌कारा आपिना धारमाबिधिलाम्‍मा खानि न्‍याए लियुक् नुङ् मिट्‌टानुम्॥

१ पाटरुस 2:16

सोतान्‍तर लिसाना याप्‌मिचि गाड्‌डे डोक् युङानि, टरो सोतान्‍तर लिसाङे नुङ् ओभेन्‍गा टोॽवा चोक्‍माना बाहाना चोग्‍नेनुम्॥ बोरु माङ्‌हाङ्‌ङाना चाकार गाड्‌डे डोक् चोगानिउङ् युङानि॥

२ युहान्‍ना 1:1

आङा माङ्‌पाङ्‌ङिना ओठेडोङ्‌लाम्‍मा माङ्‌हाङ्‌ङा सेगुना मेन्‍झेमा लोक् ओछालेट्‌चिलोङ्‌सा ना चिट्‌ठि छेप्‍टुएट्‌टुङ्॥ छेम्‍बा डोक् आङा खानि ख्‍वाप्‍पा माया चोक्‍नाँनि॥ आङा एरोक् माखाक् टरो छेम्‍बाना रिङ् ठाहा काटोक्‍बा सोब्‍बेङा खानि माया माचोगिटि॥