युहान्‍ना 8:28 - आठपहरिया

²⁸ हिड्‌नाड्‌डेउङ् येसुङा हिट्‌नागा लोडुचे, “जब खानिङा याप्‌मि छा टो खाप्‍चेङि आफोगुम्‍टुम्, हिट्‌नुङ् खानिङा ‘आङा उन् डोक्’ नुङ् ठाहा आटोगुम्‍टुम्, हिट्‌नुङ् आङा आप्‍पे आनिङ्‌ग्‍वालाम्‍मा पाक्‍चा चोक्‌निङ्‌ना, टरो माङ्‌हाङ् पाबाङा याङ्‌हिसिक्‍टागा रिङ्‌चि एडोक् चेक्‍ङाना नुङ् खानिङा ठाहा आटोगुम्‍टुम्॥

युहान्‍ना 8:28 ပူးပေါင်းရင်းမြစ်များ

मात्‌ति 24:5

पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ पिक्‍सा ओटायुक्, हिट्‌नुङ् हिट्‌नागाँ याप्‍मा याप्‌मिचि ओबान्‍डुचिचि॥

मारकुस 13:6

जोम् याप्‌मिचि आनिङ्‌ङि ‘खिरिस्‍ट आङा डोक्’ पिक्‍सा ओटायुक्, हिट्‌नुङ् हिट्‌नागाँ जोम् याप्‌मिचि ओबान्‍डुचिचि॥

लुका 21:8

येसुङा लोडुचे, “खानि नुभेक् टाप् चोगानुम्, खानि खोनाँ चा माबान्‌डिन्‍चा, पोङ्‌भोने जोम् याप्‌मिचि आनिङ्‌ङि ‘खिरिस्‍ट आङा डोक्’ हिट्‌नुङ् ‘हाट्‌ले आन्‍तेङाना बेला नेहेट्‌टाङ् टाइसे’ पिक्‍सा ओटायुक्॥ टरो हिट्‌नागा बिस्‍वास चोक्‍नेनुम्‌चिम्॥

युहान्‍ना 11:42

खान्‍ङा आरिङ् सोरोक् आखेम्‍सुगा नुङ् आङा ठाहा टोगुङ्‌टुङ्, टरो खान्‍ङा आङा याङ्आपाङ्‌साङ्‌ना नुङ् नाहि ओयेबागा जोम् याप्‌मिचिङा बिस्‍वास ओचोगु नुङ् आङा खान् लोनाना॥”

युहान्‍ना 13:19

ना लिमा नुङ् पाइले डोक् आङा खानि लोनाँनि, हिट्‌डेउङ् जब ना घाट्‌ना लियुक्, आङा उन् नुङ् खानिङा बिस्‍वास आचोगुम्‍टुम्॥

युहान्‍ना 16:10

हिट्‌नुङ् धारमिक्‍ता बारेङि हिट्‌नागा निमेट्‌टुचिचि, पोङ्‌भोने आङा माङ्‌हाङ् पाबाङि खाट्‌नाँ, हिट्‌नुङ् खानिङा आङा फेरि याङ्आनिसिन्‍नागा॥

युहान्‍ना 18:32

येसु आप्‍पेङा उन् खोड्‌डे पारिक् सिमा कोन्‌युक् नुङ् माट्‌टुना रिङ् युमा नाड्‌डे लिसे॥

युहान्‍ना 19:18

हिट्‌ना ठोङ्‌ङि ओटासुङ् हिट्‌नागाँ उन् खाप्‍चेङि उछुडुए हिट्‌नुङ् उन्‌लोक् आरु इप्‍पाङ् चा ठिबाङ् छुप्‍टाङ्‌लेङ् हिट्‌नुङ् आरकोम्‍बाक् फेन्‍साङ्‌लेङ् ओचोगुचिउङ् खाप्‍चेङि उछुडुचे, हिट्‌नुङ् येसुम्‍बाक् हिट्‌नागाचि माझाङि ओचोगुङ् उछुडुए॥

युहान्‍ना 3:11

छेम्‍बा डोक्, आङा खान् लोनाँ, आन्‍याँ जे निसुम्‍मागा हिट्‌ना रिङ् डोक् चेक्‌टिटिङा, हिट्‌नुङ् आन्‍याँ जे निसुएसुम्‍मे हिट्‌ना रिङ् डोक् माट्‌टुम्‍टुम्‍मा, टरो खानिङाम्‍बाक् आन्‍याँ माट्‌टुम्‍माना रिङ् बिस्‍वास आचोक्‌निम्‍ना॥

युहान्‍ना 3:14

साक्‍चा उयुङ्‌निना डेन्‌ङि मोसाङा काँसाङाना ओप्‍पु फोगु गाड्‌डे डोक् याप्‌मि छा चा याप्‌मिचिङा खाप्‍चेङि ओफोगुटु॥

युहान्‍ना 4:26

येसुङा लोडुए, “खान्‌लोक् चेक्‌येट्‌ना, हिट्‌ना डोक् आङा ए॥”

युहान्‍ना 5:19

येसुङा हिट्‌नागा नाड्‌डे लोडुचे, “छेम्‍बा डोक्, आङा खानि लोनाँनि, छाङा आप्‍पेम्‍बाक् पाक्‍चा चोक्‍मा हिडुन्‍ना, टरो माङ्‌हाङ् पाबाङा जे चोगुना निसुटु, हिट्‌ना एरोक् चोगुटु, पोङ्‌भोने पाबाङा जे चोगुटु, छाङा चा हिट्‌डेडोक् चोगुटु॥

युहान्‍ना 5:30

“आङा आप्‍पेम्‍बाक् पाक्‍चा चोक्‍मा हिनिङ्‌ना॥ जे आङा खेम्‍सुङ्‌टुङ् हिट्‌ना पारा डोक् न्‍याए चोगुङ्‌टुङ्, हिट्‌नुङ् आङा चोगुङ्‌ना न्‍याएम्‍बाक् छेम्‍बाना, पोङ्‌भोने आङा आप्‍पे आनिङ्‌ग्‍वा गाड्‌डे पाक्‍चा चोक्‌निङ्‌ना, टरो आङा कापाङ्‌बाङाना उनिङ्‌ग्‍वा गाड्‌डे एरोक् चोगुङ्‌टुङ्॥

युहान्‍ना 6:38

पोङ्‌भोने आङा आप्‍पे आनिङ्‌ग्‍वाङिना रिङ् युमा टोनालोग्‌लाम्‍मा उङ्‌साङ्‌ना माखाक्, टरो आङा याङ्‌पाङ्‌साना माङ्‌हाङ्‌ङाना उनिङ्‌ग्‍वा युमाउङ्‌सा उङ्‌साङ्‌ना॥

युहान्‍ना 8:24

हिड्‌डेउङ् ‘खानि आप्‍पे खानि पापङि आसिइटि’ नुङ् आङा लोनानिगा ए॥ खानिङा ‘आङा उन् डोक्’ नुङ् बिस्‍वास आचोगेट्‌टिन्‍ना भोने, खानि आप्‍पे खानि पापङि डोक् आसिइटि॥”

युहान्‍ना 8:27

येसुङा उन्‍ङाना माङ्‌हाङ् पाबाङाना बारेङि माट्‌टुना नुङ् हिट्‌नागाँ बुजा ओचोग्‍वाट्‌टुन्॥

युहान्‍ना 8:58

येसुङा हिट्‌नागा लोडुचे, “छेम्‍बा आङा खानि लोनाँनि, आब्‍राहाम पोङ्‌मा नुङ्‌ना पाइलेलाम्‍मा डोक् आङा वाङेट्‌ना॥”

मुलिचेला टोॽवा 2:41

हिड्‌डेउङ् याप्‍मा याप्‌मिचिङा पाटरुसङाना रिङ् उन्‌चि निङ्‌ग्‍वाङि उयुङ्‌सुए हिट्‌नुङ् बाप्‌टिस्‍मा ओचोगे॥ हिट्‌ना लेम्‍बालाम्‍मा सुम्‍बोक् हाजार नुङ्‌ना चा जोम् याप्‌मिचि उलिसे॥

मुलिचेला टोॽवा 4:4

टरो नुना खाबोर काखेम्‍बाचि जोम् याप्‌मिचिङा येसुङि बिस्‍वास ओचोगुए॥ येम्‍बेछा बिस्‍वासिचि याप्‍मा उलिसाउङ् लेम्‍बोक् हाजार टेप्‍मा उलिसे॥

रोमि 1:4

हिट्‌नुङ् सेङ्‌सेङ्‌ना हाङ्‌सालाम्‍मा येसु माङ्‌हाङ्‌ङाना सोब्‍बे नुङ्‌ना माङ्‌बोल्‍लेउ छा नुङ् पारकाट् चोगुए, पोङ्‌भोने उन् माङ्‌हाङ्‌ङा सियानालाम्‍मा उहिङ्‌ग्‍वाट् चोगुए॥ उन् आनि टाङ्‌बा येसु खिरिस्‍ट ए॥