युहान्‍ना 7:31 - आठपहरिया

³¹ टरो हिट्‌ना खिमेयाङ्‌मेङि उलिसागा याप्‍मा याप्‌मिचिङा उन्‌ङि बिस्‍वास ओचोगुए॥ हिट्‌नुङ् हिट्‌नागा उपिगे, “जब खिरिस्‍ट टायुक्, टब पाक् उन्‍ङा ना याप्‌मिङा नुङ्‌ना चा याप्‍मा डोङ् ठोङ्‌डिगा टोॽवा चोगुटुनि टे?”

युहान्‍ना 7:31 ပူးပေါင်းရင်းမြစ်များ

मात्‌ति 12:23

ना उनिसुङ् सोब्‍बे याप्‌मिचि डोङ् ओठोङ्‌डाउङ् नाट्‌डे पिक्‍सा ओमाट्‌टुए, “पाक् ना दाउद पुङ्‌लाङिना याप्‌मि डोक् इ टे?”

लुका 8:13

हिट्‌नुङ् घेट्‌रेक् लिङ्‌गेॽवा बारिङि ओठायागा लालिक्‌उम्‍बाक् माङ्‌हाङ् रिङ् ओखेम्‍सुङ् हारका उलियुङ् होप्‍मो बेला सोम्‍मा बिस्‍वास काचोक् याप्‌मिचि उलियुक्॥ हिट्‌नागाँ माङ्‌हाङ् रिङ् ओचेट्‌नुलोक् उन्‌चि निङ्‌ग्‍वाङि युङ्‌मा उहिडुन्‍ना, हिट्‌नुङ् जब निङ्‌ग्‍वा छिक्‍मा बेला टायुक्, बिस्‍वास ओनाडुएट्‌टुटु॥

युहान्‍ना 11:45

येसुङा चोगुना टोॽवा उनिसुङ् मारियाम टुब्‍मा ओटायागा जोम् याहुदि याप्‌मिचिङा उन्‌ङि बिस्‍वास ओचोगुए॥

युहान्‍ना 12:11

पोङ्‌भोने हिट्‌नाङा चोगुनाँ याहुदिचि माड्‌डे आम्‍टेप्‍मा याप्‌मिचिङा हिट्‌नागा ओनाडुचिउङ् येसुङि बिस्‍वास चोक्‍मा ठालाँ ओचोगुए॥

युहान्‍ना 12:42

हिट्‌नुङ् चा आम्‍टेप्‍मा याहुदि ओठेडोङ्‌चिङा चा हिट्‌नुङ् आरु याप्‍मा याप्‌मिचिङा चा उन् बिस्‍वास ओचोगुए, टरो फारिसि याप्‌मिचिङा याहुदिचिगा छुम्‍मापाङ्‌लाम्‍मा ओहोट्‌टुचिचि नुङ् उकिट्‌टाउङ् हिट्‌नागाँ ना रिङ् साक्‍चा ओलोडुवाट्‌टुन्‌चिन्॥

युहान्‍ना 2:11

येसुङा चोगुगा चिन्‍नाचि माड्‌डे ना पाइलेना चिन्‍ना उन्‍ङा गालिलङाना कानाङि चोगुए॥ नाड्‌डेउङ् येसुङा उन्‍ङाना माहिमा पारकाट् चोगुए, हिट्‌नुङ् ओचेलाचिङा उन्‌ङि बिस्‍वास ओचोगुए॥

युहान्‍ना 3:2

ठिक् युसाना पाका उन् येसु सोरि आबाउङ् लोडुए, “काहिसिक्‍बा, खान् माङ्‌हाङ्‌लाम्‍मा आटायाना काहिसिक्‍बा नुङ् आन्‍याँ ठाहा टोगुएसुम्‍मे, पोङ्‌भोने माङ्‌हाङ् खान्‌लोक् युङ्‌नेएट्‌नि भोने खान्‍ङा आचोगुगा नागा चिन्‍नाचि साङा चा चोक्‍मा उहिडुन्‍गा॥”

युहान्‍ना 4:29

“आबानि, ठिबाङ् याप्‌मि पुयानुम्, उन्‍ङा आङा चोगुङ्‌ना सोब्‍बे टोॽवा बारेङि याङ्‌लोडे॥ उन् डोक् खिरिस्‍ट लिमा हियुक् ए?”

युहान्‍ना 4:39

सामारि मेन्‍झेमाङा “आङा चोगुङ्‌ना सोब्‍बे टोॽवा उन्‍ङा याङ्‌लोडे” पिक्‍सा साँचि पिडुचिनाँ हिट्‌ना खालाङ्‌गाङिगा सामारि याप्‌मिचि माड्‌डे याप्‍माङा येसुङि बिस्‍वास ओचोगुए॥

युहान्‍ना 6:2

हिट्‌नुङ् ठिक् ठेना याप्‌मिचिगा खिमेयाङ्‌मे उन् ओएङ्-ओएङ् ओफेने, पोङ्‌भोने उन्‍ङा उटुगागा याप्‌मिचि नुमानिङ् चोगुचिगा डोङ् ठोङ्‌डिना टोॽवा हिट्‌नागाँ उनिसुएसुगा डागा॥

युहान्‍ना 7:26

पुयानुम्, नाउम्‍टे आँटि लिसाउङ् सोब्‍बे सोरि चेक्‌येट्, टरो हिट्‌नागाँ उन् पाक्‍चा ओलोडुन्‍ना॥ पाक् ना डोक् खिरिस्‍ट नुङ् आनि ओठेडोङ्‌चिङा बिस्‍वास ओचोगुएनि पाइना?

युहान्‍ना 9:16

फारिसि याप्‌मिचि माड्‌डे कोइ-कोइङा ओमाट्‌टुए, “ना याप्‌मि माङ्‌हाङ्‌लाम्‍मा उङ्‌साना माखाक्, पोङ्‌भोने नाङा युङ्‌माना लेम्‍बा पालान् चोगुन्‍ना॥” टरो आरुङा ओमाट्‌टुए, “कायाङ्‌छाबा याप्‌मिङा चा नाड्‌डेना डोङ् ठोङ्‌डिना टोॽवा चोग्‍मा हिडुटुनि टे?” नाड्‌डेउङ् उन्‌चि उन्‌चि ओटोङ्‌नेएट्‌नि॥

मुलिचेला टोॽवा 8:13

सिमोन आप्‍पेङा चा बिस्‍वास चोगुङ् बाप्‌टिस्‍मा लाडुए॥ हिट्‌नुङ्‌ना सिमोन फिलिपलोक् सोरोक् वासे, हिट्‌नुङ् फिलिपङा डोङ् ठोङ्‌डिगा टोॽवाचि लोक् मिक्‍सेन्‌चि चोगुना निसुङ् उन् डोङ् ठोङ्‌डे॥

याकुब 2:26

छेम्‍बा डोक् येम् चा सोक्‍मालाम्‍मा साम्‍डे भोने सियुक्, हिट्‌नाडे डोक् बिस्‍वास चा टोॽवा माले सियुक्॥