युहान्‍ना 6:9 - आठपहरिया

⁹ “नेहि ठिबाङ् पिच्‍छा वाहेट्, हिट्‌नालोक् लेम्‍बोक् गोटा जाउङाना चालेप्‍पा लोक् इप्‍पोक् ङासा युङ्‌ग्‍वा, टरो नाट्‌टेप् औधि जोम् याप्‌मिचि नाट्‌टेप्‍माङा एडोक् खोनाइ युडुचिचिगा टे?”

युहान्‍ना 6:9 ပူးပေါင်းရင်းမြစ်များ

मात्‌ति 14:17

हिट्‌नागाँ उन् ओलोडुए, “नेहि आन्‍याँलोक् लेम्‍बोक् चालेपा हिट्‌नुङ् इप्‍पोक् ङासा एडोक् युङ्‌ग्‍वा॥”

मात्‌ति 16:9

पाक् हाट्‌ले चा खानिङा बुजा ओचोक्‌निम्‍गै? लेम्‍बोक् हाजार याप्‌मिचि लाउङ्‌सा लेम्‍बोक् चालेपाङा ख्‍वाबा चोक्‍बाचिगा रिङ् खानिङा आमुन्‍डुम्‍मे नि, खानिङा आम्‍टेप्‍मा डालो टेप् आछुम्‍सुम्‍मेना?

मारकुस 6:38

येसुङा हिट्‌नागा सिलाप्‍टुचे, “खानिलोक् आम्‍टेप्‍मा चालेपा युङ्‌ग्‍वाना? खाडानिउङ् पुयानुम् टे॥” हिट्‌नुङ् हिट्‌नागा ओखाडाउङ् उपुयुए हिट्‌नुङ् ओलोडुए, “लेम्‍बोक् चालेपा लोक् इप्‍पोक् ङासा एरोक् युङ्‌ग्‍वा॥”

मारकुस 8:19

आङा लेम्‍बोक् गोटा चालेपा एगुङ् लेम्‍बोक् हाजार याप्‌मिचि ख्‍वाप् चोगुङ्‌चिङ्‌नाँ खानिङा मोन्‍डागा चालेपा ओखान्‍डा ओखान्‌डि आम्‍टेप्‍मा डालो आछुम्‍सुम्‍मेगा?” हिट्‌नागाँ ओलोडुए, “बारो डालो छुम्‍सुम्‍मे॥”

लुका 9:13

टरो येसुङा ओचेलाचि लोडुचे, “हाट्‌ले खानिङा डोक् नागा याप्‌मिचि चामा चामा पिडानुम्‌चिम्॥” टरो हिट्‌नागा उपिगे, “आन्‍याँलोक् नेहि लेम्‍बोक् चालेपा हिट्‌नुङ् इप्‍पोक् ङासा एडोक् युङ्‌ग्‍वा॥ नागा सोब्‍बे याप्‌मिचि चामा पिमाचिगा भोने, आन्‍याँ आरु चालेपा इन्‌सिङा खाप्‍मा कोन्‌युक्॥”

युहान्‍ना 11:21

मारथाङा येसु टुबुङ् लोडुए, “टाङ्‌बा, खान् नाहि आलिसानाम् बे आन्‍झा सिनेट्‌नि॥

युहान्‍ना 11:32

जब मारियाम येसु लिसाना डेन्‌ङि टासुए हिट्‌नुङ् उन् निसुङ् ओटोकानाङि गुङ् चोगाउङ् नाड्‌डे लोडुए, “टाङ्‌बा, खान् नाहि आलिसाना बे आन्‍झा सिनेट्‌नि॥”

युहान्‍ना 21:10

येसुङा हिट्‌नागा लोडुचे, “खानिङा लोप्‍मो आलाबुम्‍गा ठिक् इप्‍पोक् ङासा आप्‍टानुम्॥”

युहान्‍ना 21:13

हिट्‌नुङ् येसुङा चालेपा कोबुङ् हिट्‌नागा पिडुचे, हिट्‌नाडेडोक् ङासा चा कोबुङ् हिट्‌नागा पिडुचे॥

युहान्‍ना 21:9

हिट्‌नागा ओफेरोङि होन्‍डा ओटासुङ् ओहोन्‍डानाँ हिट्‌नागाँ मिभुप्‍रोङि ङासा हिट्‌नुङ् चालेपा उनिसुए॥

युहान्‍ना 6:11

येसुङा हिट्‌ना लेम्‍बोक् गोटा चालेप्‍पा कोबुङ् माङ्‌हाङ् पोए-पोए ठाङ्‌सुए, हिट्‌नुङ् हिट्‌नि उयुङागा याप्‌मिचि लोङ्‌सा ओचेलाचि हाम्‍मा मेट्‌टुचे, ङासा चा हिट्‌ना पारिक् डोक् हाम्‍मा मेट्‌टुचे॥ हिट्‌नुङ् याप्‌मिचिङा चामा उहिडुलोक् ओचोए॥

युहान्‍ना 6:7

फिलिपङा लोडुए, “नाहि उलिसागा ख्‍वाप्‍पा याप्‌मिचि चिप्‌चिप् एरोक् चालेप्‍पा पिडुम्‌चिम्‍मे भोने चा इप्‍पोक् साए रुपाक् राङ्‌ङा इनुम्‍ना चालेपाङा चा हिट्‌नागा युडुन्‌चिन्‍गा॥”

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

पारकास 6:6

आङा हिट्‌नि टेम्‍बोक् उहिङ्‌ग्‍वाट् जिवाट्‌चिगा माझालाम्‍मा नाड्‌डे उमाट्‌टुना ठिक् सोरा खेम्‍सुङे, “ठिक् लेन्‌ङाना निम्‍याक्‌ङा ठिक् किलो गाहुँ आथाबा सुम्‍बोक् किलो जौउ इम्‍मा हियुक्॥ टरो जैतुनङाना क्‍या हिट्‌नुङ् आङ्‌गुरङाना इमालिङ् जाखाम् चोक्‍नेनुम्॥”