युहान्‍ना 6:56 - आठपहरिया

⁵⁶ जुन्‍ङा आङाना आयेम् चोटु हिट्‌नुङ् आङाना आहेलिक् ठुङुटु हिट्‌नाम्‍बाक् आङि लियुक्, हिट्‌नुङ् आङा उन्‌ङि युङ्‌ङा॥

युहान्‍ना 6:56 ပူးပေါင်းရင်းမြစ်များ

युहान्‍ना 14:20

हिट्‌ना लेम्‍बा खानिङा आङा आप्‍पाङि हिट्‌नुङ् खानि आङि, हिट्‌नुङ् आङा खानिङि वाङेट्‌ना नुङ् ठाहा आटोगुम्‍टुम्॥

युहान्‍ना 14:23

येसुङा हिट्‌ना लोडुए, “आङा माया काचोक्‍बाचिङा आङा माट्‌टुङ्‌ना रिङ् ओटेन्‌युक्, हिट्‌नुङ् आप्‍पाङा हिट्‌नागा माया चोगुचिचि, हिट्‌नुङ् आन्‍च्‍याँ हिट्‌नागा सोरि टाचिच्‍याँ हिट्‌नुङ् उन्‌चिलोक् युङ्‌चिच्‍याँ॥

युहान्‍ना 6:55

पोङ्‌भोने आङाना आयेम् छेम्‍बारोक् चामा थोक्, हिट्‌नुङ् आहेलिक् छेम्‍बारोक् ठुङ्‌मा थोक् ए॥

२ कोरिन्‌थि 6:16

हिट्‌नुङ् माङ्‌हाङ्‌ङाना माङ्‌ठाना लोक् साम्‍माङ्‌ङाना मुरति खोड्‌डेउङ् टोङ्‌चिचिगा? पोङ्‌भोने आनिउम्‍टे उहिङ्‌ग्‍वाट् माङ्‌हाङ्‌ङाना माङ्‌ठाना ए॥ माङ्‌हाङ् आप्‍पेङा माट्‌टुए, “आङा आयाप्‌मिचिलोक् युङ्‌ङा हिट्‌नुङ् हिट्‌नागालोक् लाम्‌टिङा॥ आङा हिट्‌नागाँगा माङ्‌हाङ् लिङा हिट्‌नुङ् हिट्‌नागा आयाप्‌मिचि उलियुक्॥”

एफिसि 3:17

हिट्‌नुङ् खानिङा बिस्‍वास आचोगुम्‍ना खिरिस्‍टङाना ओहाङ्‌सा खानि निङ्‌ग्‍वाङि बास उयुङ्‌याक् नुङ् बिन्‌टि चोगुङ्‌टुङ्॥ हिट्‌नुङ् माङ्‌हाङ्‌ङाना ओमायाङि खानिङा ओजारा ठेन्‍डानुम् हिट्‌नुङ् दोरो लिसानि नुङ् आङा बिन्‌टि चोगुङ्‌टुङ्॥

१ युहान्‍ना 2:24

हिट्‌नाड्‌डेउङ् खानिङा उटुम्‌लाम्‍मा डोक् आखेम्‍सुम्‍ना हिसिक्‍मा खानि निङ्‌ग्‍वाङि युङ्‌सानुम्॥ खानिङा उटुम्‌लाम्‍मा डोक् आखेम्‍सुम्‍गा हिसिक्‍मा खानि निङ्‌ग्‍वाङि आयुङ्‌सुम्‍मे भोने छा हिट्‌नुङ् माङ्‌हाङ् पाबाङि खानि आलिसिटि॥

१ युहान्‍ना 3:24

उन्‍ङा माट्‌टुगा रिङ् पालान् काचोक् सोब्‍बे याप्‌मिचि उन्‌ङि उलियुक्, हिट्‌नुङ् उन् हिट्‌नागालोक् लियुक्॥ नाड्‌डेउङ् माङ्‌हाङ् आनि निङ्‌ग्‍वाङि युङ्‌ना रिङ् उन्‍ङा आपिडाना सेङ्‌सेङ्‌ना हाङ्‌सालाम्‍मा आनि ठाहा टोगुम्‍टुम्॥

१ युहान्‍ना 4:12

साङा चा खोना बेला चा माङ्‌हाङ् उनिसुन्‍गेट्‌टुन्‍ना॥ टरो आनि ठिबाङ्‌ङा आरको माया चोगुम्‍टुम् भोने, माङ्‌हाङ् आनिलोक् युङ्‌युक्, हिट्‌नुङ् उन्‍ङाना माया आनिङि युडैसे॥

पारकास 3:20

खेम्‍सानुम्, आङा ढुवारिक्‌ङि येप्‍माउङ् निप्‍टुङ्‌टुङ्॥ कोइङा आरिङ् खेम्‍सुङ् ढुवारिक् ओङ्‌सुटु भोने, आङा भिट्‌रा लिक्‌ङा हिट्‌नुङ् हिट्‌नालोक् चामा चाङ्‌टुङ् हिट्‌नुङ् हिट्‌नाङा आङालोक् चोटु॥