युहान्‍ना 6:51 - आठपहरिया

⁵¹ टोनालोग्‌लाम्‍मा ठाया उङ्‌साना उहिङ्‌ग्‍वाट् चालेप्‍पा आङा डोक्॥ कोइङा ना चालेप्‍पा चोए भोने हिट्‌ना सोरोक् हिङ्‌युक्॥ हिट्‌नुङ् ना चालेप्‍पा आङाना आयेम् ए, नाउम्‍बाक् नाराङिगा याप्‌मिचिङा चोला ओटोगु नुङ् पिडुङ्‌चिङ्‌चिङ्॥”

युहान्‍ना 6:51 ပူးပေါင်းရင်းမြစ်များ

मात्‌ति 20:28

हिट्‌डेडोक् याप्‌मि छा चा आरुलाम्‍मा सेवा टोक्‍मालोङ्‌सा माखाक्, टरो आरु सेवा चोक्‍मा हिट्‌नुङ् जोम् याप्‌मिचि छुट्‌कारा पिमा आप्‍पे ओसोक्‍मा लेट्‌मा लोङ्‌सा टायाना॥”

लुका 22:19

हिट्‌नुङ् उन्‍ङा चालेपा कोबुए हिट्‌नुङ् माङ्‌हाङ्‌ङि पोए-पोए ठाङ्‌सुङ् एगुए, हिट्‌नुङ् ओचेलाचि नाड्‌डे लोडुचे, “ना चालेपा खानि लोङ्‌सा पिनानिगा आयेम् ए॥ ना आङा मिप्‍मा लोङ्‌सा चोगानुम्॥”

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 1:29

हान्‍डेङ्‌लेङ् युहान्‍नाङा येसु उन्‌लेङ् आबागेट्‌टाना निसुङ् लोडुचे, “पुयानुम्, नाराङिगा याप्‌मिचिगा पाप काटुक्‍बा माङ्‌हाङ्‌ङाना थुमा!

युहान्‍ना 11:26

हिट्‌नुङ् कोइ याप्‌मि आङि लियुक् हिट्‌नुङ् आङि बिस्‍वास चोगुटु भोने हिट्‌ना खोना बेला चा सिनिना॥ मारथा, पाक् ना रिङ् खान्‍ङा बिस्‍वास आचोगुटुनि?”

युहान्‍ना 3:13

हिट्‌नुङ् टोनालोग्‌लाम्‍मा उङ्‌साना याप्‌मि छा माले आरु खोना चा टोनालोग्‌ङि ओखाट्‌निगेट्‌निगा॥

युहान्‍ना 3:14

साक्‍चा उयुङ्‌निना डेन्‌ङि मोसाङा काँसाङाना ओप्‍पु फोगु गाड्‌डे डोक् याप्‌मि छा चा याप्‌मिचिङा खाप्‍चेङि ओफोगुटु॥

युहान्‍ना 3:16

पोङ्‌भोने माङ्‌हाङ्‌ङा ना नाराङिगा याप्‌मिचि आम्‍टेप्‍मा जोम् माया चोगुचे, उन्‍ङा उन्‍ङाना ठिबाङ् एना छा चा आपिडे, हिड्‌डेउङ् उन्‌ङि बिस्‍वास काचोक् खोना चा जाखाम् उलिन्‍याक्, टरो हिट्‌नाँ खोना बेला चा लाट्‌निना चोला ओटोगुवाक्॥

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

युहान्‍ना 6:33

पोङ्‌भोने माङ्‌हाङ्‌ङा आपिना चालेप्‍पाम्‍बाक् हिट्‌ना डोक्, जुन् टोनालोग्‌लाम्‍मा उङ्‌युङ् नाराङिगा याप्‌मिचि खोना बेला चा लाट्‌निना चोला पिडुचिचि॥”

युहान्‍ना 6:35

येसुङा हिट्‌नागा लोडुचे, “चोला कापिबा चालेप्‍पा आङा डोक्॥ आङा सोरि ओटागा उन्‌चि साक्‍वानिगा, हिट्‌नुङ् आङा बिस्‍वास काचोक्‍बा खोना बेला चा ओवेप्‍माङा सिनिना॥

युहान्‍ना 6:41

येसुङा “टोनालोग्‌लाम्‍मा ठाया उङ्‌साङ्‌ना चालेप्‍पा आङा डोक्” पिक्‍सा माट्‌टुनाँ याहुदिचि उबिरुद्‌दाङि गिन्‌गिन् चोक्‍मा ठालाँ ओचोगुए॥

युहान्‍ना 6:47

“छेम्‍बा डोक्, आङा खानि लोनाँनि, जुन्‍ङा बिस्‍वास चोगुटु हिट्‌नालोक् खोना बेला चा लाट्‌निना चोला युङ्‌ग्‍वा॥

युहान्‍ना 6:48

चोला कापिबा चालेप्‍पा आङा डोक्॥

युहान्‍ना 6:50

टरो टोनालोग्‌लाम्‍मा ठाया उङ्‌साना चालेप्‍पा ना डोक्, जुन्‍ङा ना चोटु हिट्‌ना खोना बेला चा सिनिना॥

युहान्‍ना 7:38

जुन्‍ङा आङि बिस्‍वास चोगुटु, धारमाछाप्‍लाङि छेप्‍टेसे, ‘हिट्‌नाङाना उनिङ्‌ग्‍वालाम्‍मा चोला आपिना जोम् चुवा होन्‌युयाक्‌युक्॥’”

२ कोरिन्‌थि 5:19

आन्‍याँ माप्‍मा कोलुम्‍माना रिङ्उम्‍बाक् माङ्‌हाङ्‌ङा सोब्‍बे याप्‌मिचि खिरिस्‍टलाम्‍मा टोङ्‌सुएट्‌टुचिगा डागा॥ माङ्‌हाङ्‌ङा याप्‌मिङा ओचोगुगा उन्‌चि पापङाना फाट्‌टुर लाबुन्‌चिन्‍गा॥ हिट्‌नुङ् उन्‍ङाना हाङ्‌हाङ्‌ङाना हिट्‌ना खाबोर याप्‌मिचि लोमाना टोॽवा आनि आपिडेसे॥

२ कोरिन्‌थि 5:21

पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

एफिसि 5:2

खिरिस्‍टङा आनि माया आचोगे हिट्‌नुङ् उन्‍ङा आप्‍पे ओचोला भोक् चोगुङ् आनि लाउङ्‌सा आपिडे हिट्‌नुङ् बुङ्‌बुङ् नाम्‍ना ढुपा गाड्‌डे डोक् माङ्‌हाङ्‌ङि ठाङ्‌सुए॥ हिट्‌डेडोक् खानिङा सोरोक् आरु याप्‌मिचि माया चोगानुम्‌चिम्॥

एफिसि 5:25

हाउ टालिबाङ्‌चि, खिरिस्‍टङा आप्‍पे ओचोला पिडुङ् माङ्‌पाङ्‌ङिगा माया चोगुचि गाड्‌डे डोक्, खानिङा चा खानि टालिमाङ्‌चि हिट्‌डेडोक् औधि याप्‍मा माया चोगानुम्‌चिम्॥

तितास 2:14

येसु खिरिस्‍टङा आनिगा सोब्‍बे पारिग्‍गा पापलाम्‍मा साम्‍मा लोङ्‌सा ओसोक्‍मा डोक् पिडुए॥ उन्‍ङा आनि चोख्‍याँ आचोगाउङ् आप्‍पे ओयाप्‌मिचि आचोगे, हिट्‌नुङ् नुना टोॽवा एरोक् चोक्‍माना निङ्‌ग्‍वा याप्‌मिचि पिडुचे॥

हिब्‍रु 10:20

येसु खिरिस्‍ट आनि लाउङ्‌सा सियाउङ् पारदालाम्‍मा ओछोङ्‌ग्‍वाट् चोलाङाना लाम्‍भो आओङ्‌सा बिडे॥ हिट्‌ना पारदाम्‍बाक् ओयेम् ए॥

१ पाटरुस 2:4

टाङ्‌बा सोरि टायानि, उन् उहिङ्‌ग्‍वाट् लुङ्‌गेॽवा ए॥ उन् याप्‌मिचिङा काम लाहाब् लिनिना नुङ् ओलेप्‍टुना, टरो माङ्‌हाङ्‌ङा सेगुना आड्‌डिक् माहाङ्‌गो लुङ्‌गेॽवा ए॥

१ युहान्‍ना 2:2

उन् आप्‍पे डोक् आनि पाप टुग्‍माउङ्‌सा भोक् लिसे, हिट्‌नुङ् आनि लाउङ्‌सा एरोक् माखाक्, टरो नाराङिगा सोब्‍बे याप्‌मिचि लाउङ्‌सा चा ए॥

१ युहान्‍ना 4:10

छेम्‍बाना मायाम्‍बाक् ना ए, माङ्‌हाङ् आनि माया चोगुम्‍ना माखाक्, टरो उन्‍ङा आनि माया आचोगे, हिट्‌नुङ् आनि पाप टुग्‍मा लोङ्‌सा भोक् लिमा उन्‍ङा आप्‍पे उइछा पाङ्‌सुए॥

१ युहान्‍ना 4:14

हिट्‌नुङ् माङ्‌हाङ् पाबाङा उन्‍ङाना छा नाराङिना काहिङ्‌मेप्‍बा डाङ्‌बा लिमा पाङ्‌सुना नुङ् आन्‍याँ निसुम्‍मे, हिट्‌नुङ् नाङाना डोक् साँचि पिडुम्‍टुम्‍मा॥