युहान्‍ना 6:50 - आठपहरिया

⁵⁰ टरो टोनालोग्‌लाम्‍मा ठाया उङ्‌साना चालेप्‍पा ना डोक्, जुन्‍ङा ना चोटु हिट्‌ना खोना बेला चा सिनिना॥

युहान्‍ना 6:50 ပူးပေါင်းရင်းမြစ်များ

युहान्‍ना 3:13

हिट्‌नुङ् टोनालोग्‌लाम्‍मा उङ्‌साना याप्‌मि छा माले आरु खोना चा टोनालोग्‌ङि ओखाट्‌निगेट्‌निगा॥

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

युहान्‍ना 5:24

“छेम्‍बा डोक्, आङा खानि लोनाँनि, जुन्‍ङा आरिङ् खेम्‍सुटु हिट्‌नुङ् आङा कापाङ्‌बा माङ्‌हाङ्‌ङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ हिट्‌नुङ् हिट्‌नाँ साजाए टोगुन्‍ना, टरो हिट्‌ना सिमालाम्‍मा चोलाङि पाइले डोक् लिग्‌युएट्‌युक्॥

युहान्‍ना 6:33

पोङ्‌भोने माङ्‌हाङ्‌ङा आपिना चालेप्‍पाम्‍बाक् हिट्‌ना डोक्, जुन् टोनालोग्‌लाम्‍मा उङ्‌युङ् नाराङिगा याप्‌मिचि खोना बेला चा लाट्‌निना चोला पिडुचिचि॥”

युहान्‍ना 6:42

हिट्‌नागाँ ओमाट्‌टुए, “पाक् ना योसेफङाना उइछा, येसु माखाइ टे? नाङाना उप्‍पा लोक् उमा आनि मिसेन् निसुम्‌चिम्‍गा टे॥ हाट्‌ले नाङा खोड्‌डेउङ् ‘आङा टोनालोग्‌लाम्‍मा उङ्‌साङ्‌ना’ पिक्‌युग्‍ना?”

युहान्‍ना 6:47

“छेम्‍बा डोक्, आङा खानि लोनाँनि, जुन्‍ङा बिस्‍वास चोगुटु हिट्‌नालोक् खोना बेला चा लाट्‌निना चोला युङ्‌ग्‍वा॥

युहान्‍ना 6:51

टोनालोग्‌लाम्‍मा ठाया उङ्‌साना उहिङ्‌ग्‍वाट् चालेप्‍पा आङा डोक्॥ कोइङा ना चालेप्‍पा चोए भोने हिट्‌ना सोरोक् हिङ्‌युक्॥ हिट्‌नुङ् ना चालेप्‍पा आङाना आयेम् ए, नाउम्‍बाक् नाराङिगा याप्‌मिचिङा चोला ओटोगु नुङ् पिडुङ्‌चिङ्‌चिङ्॥”

युहान्‍ना 6:58

टोनालोग्‌लाम्‍मा उङ्‌साना चालेप्‍पा खानि टुबाठेबाचिङा ओचोना चालेप्‍पा गाड्‌डेना माखाक्, जुन् हिट्‌नागाँ ओचोए हिट्‌नुङ् उसिए॥ टरो ना चालेप्‍पा जुन् याप्‌मिङा चोटु हिट्‌ना सोरोक् हिङ्‌युक्॥”

युहान्‍ना 8:51

छेम्‍बा डोक्, आङा खानि लोनाँनि, जुन्‍ङा आङा माट्‌टुङ्‌ना रिङ् पालान् चोगुटु, हिट्‌ना खोना बेला चा सिमा कोन्‌निना॥”

रोमि 8:10

टरो खिरिस्‍ट खानिङि लियुक् भोने, ना येम् पापङा चोगुनाँ सिचा सेङ्‌सेङ्‌ना हाङ्‌साङा खानि चोला मापिडिटि, पोङ्‌भोने माङ्‌हाङ्‌ङा खानि धारमोति याप्‌मि माचोगेसे॥