4 हिट्ना बेला याहुदिचिगा छुट्कारा चाडा टाया लाबेसाना॥
याहुदिचिगा छुट्काराङाना चाडा टाया लाबाना डाना, हिट्नुङ् युक्टाम्लाम्मा याप्मा याप्मिचि छुट्कारा चाडा टामा नुङ्ना पाइला डोक् आप्पे-आप्पे लोङ्सा चोख्याँ लिमा नुङ् यरुसलेमङि ओटाए॥
छुट्कारा चाडा उटुम् लिमा नुङ्ना ङा लेम्बा पाइले येसु बेथानिया युक्टाम्ङि होन्डा टाए॥ हिट्ना युक्ताम्ङि लाजारस युङाना डाना, उन् डोक् येसुङा सियानालाम्मा उहिङ्ग्वाट् चोगुना॥
छुट्कारा चाडा उटुम् लिमा नुङ् पाइले ना नारा नाडुङ् उन्ङाना माङ्हाङ् पाबाङि खाप्माना बेला टाया लाबे नुङ् येसुङा ठाहा टोगुए॥ उन्ङा नाराङि उलिसागा ओयाप्मिचि सोरोक् माया चोगुचे हिट्नुङ् उन्ङा हिट्नागा आखेरि बेला सोम्मा डोक् माया चोगुयाक्टुचे॥
याहुदिचिगा छुट्कारा चाडा नेट्टाङ् टाइसाना डाना, हिट्नुङ् येसु यरुसलेम खाडे॥
आम्टेप्मा लेम्बा एङ्स्वा, येसुम्बाक् याहुदिचिगा चाडा मानाँ चोक्ङा यरुसलेम खाडे॥
