युहान्‍ना 6:37 - आठपहरिया

³⁷ आङाना पाबाङा आङा जिम्‍मा याङ्‌पिडाङ्‌ना टेप्‍मा सोब्‍बे आङा सोरि ओटायुक्, हिट्‌नुङ् आङा हिट्‌नागा खोना बेला चा इन्‍कार चोक्‌निङ्‌चिङ्‌गा॥

युहान्‍ना 6:37 ပူးပေါင်းရင်းမြစ်များ

मात्‌ति 11:28

“हाउ सोब्‍बे आपोप्‌टिगा हिट्‌नुङ् माफेङ्‌डिगा खानि सोब्‍बे आङा सोरि आबानि, आङा खानि आराम पिनाँनि॥

मात्‌ति 24:24

पोङ्‌भोने नाड्‌डेगा माङ्‌जोगा खिरिस्‍ट लोक् माङ्‌जोगा माङ्‌काटाचि ओठेट्‌युक्॥ हिट्‌नागाँ उहिडुलोक् सोम्‍मा माङ्‌हाङ्‌ङा सेगुचिगा याप्‌मिचि चा माङ् ठे-ठेगा चिन्‍ना लोक् डोङ् ठोङ्‌डिगा टोॽवा ओचोगुङ् ओबान्‍डुचिचि॥

युहान्‍ना 17:11

हाटले आङा नाराङि लिनिङ्‌ना, पोङ्‌भोने आङाम्‍बाक् खान्‌ङि काट्‌नागेट्‌नाँ टरो हिट्‌नागाम् नाराङि डोक् ओवाहेट्॥ हाउ सेङ्‌सेङ्‌ना आप्‍पो, खान्‍ङा आङा याङ्आपिडाङ्‌गालोङ्‌सा कानिङ्‌ङाना बोल्‍ङा हिट्‌नागा जोगाँ चोगुङ् युङ्‌सुचि, हिट्‌डेउङ् आनि गाड्‌डे डोक् हिट्‌नागा चा एक्‍केउ उलियाक्॥

युहान्‍ना 17:2

पोङ्‌भोने खान्‍ङा उन् सोब्‍बे याप्‌मिचि उठुङ्‌ङि आधिकार आपिडुएसुए, हिड्‌डेउङ् खान्‍ङा उन् जिम्‍मा आपिडुचिगा सोब्‍बे याप्‌मिचि उन्‍ङा खोना बेला चा लाट्‌निना चोला उपिडुचियाक्॥

युहान्‍ना 17:24

“हाउ आप्‍पो, खान्‍ङा आङा याङ्‌आपिडाङ्‌ना याप्‌मिचि आङालोक् डोक् उलियाक् नुङ् आनिङ्‌ग्‍वा युङ्‌ग्‍वा॥ हिट्‌नुङ् खान्‍ङा आङा याङ्‌आपिडाङ्‌ना माहिमा हिट्‌नागाँ उनिसुवाक्, हिट्‌ना माहिमा नारा चोक्‍मा पाइलेलाम्‍मा डोक् आङा माया याङ्आचोगाङ्‌नाँ खान्‍ङा आङा याङ्‌आपिडाङ्‌ना डाना॥

युहान्‍ना 17:6

“ना नारालाम्‍मा आङा खान्‍ङा याङ्आपिडाना याप्‌मिचि खान्‍ङाना कानिङ् मिसेन् निमेट्‌टुएसुङ्‌चिङे॥ हिट्‌नागा खान्‍ङागा ओडागा, हिट्‌नुङ् खान्‍ङा हिट्‌नागा आङा याङ्‌आपिडाङे, हिट्‌नुङ् हिट्‌नागाँ खान्‍ङाना कारिङ् पालान् ओचोगुएसुए॥

युहान्‍ना 6:39

हिट्‌नुङ् आङा कापाङ्‌बाङाना उनिङ्‌ग्‍वाम्‍बाक् उन्‍ङा जिम्‍मा याङ्‌पिडाङ्‌ना टेप्‍मा खोना चा आङा ओमानिङ् चा, टरो हिट्‌नागा आखेरि लेम्‍बाङि उहिङ्‌ग्‍वाट् चोगुङ्‌चिङ् नुङ् ए॥

युहान्‍ना 6:65

हिट्‌नुङ्‌ना येसुङा हिट्‌नागा फेरि लोडुचे, “हिड्‌नाड्‌डेउङ् आङा खानि लोनानिगा, आङाना पाबाङा आङि टामा निङ्‌ग्‍वा मिपिए सोम्‍मा खोना चा आङा सोरि टामा उहिनिगा॥”

युहान्‍ना 9:34

हिट्‌नागाँ हिट्‌ना ओलोडुए, “खान्‌उम्‍टे कायाङ्‌छाबा आलिसाउङ् डोक् आपोङ्‌साना, हिट्‌नुङ् पाक् हाट्‌ले खान्‍ङा आन्‍याँ हिसिक्‍मा याप्‌मि आकोन्‌येट्‌नि?” हिट्‌नुङ् हिट्‌नागाँ उन् छुम्‍मापाङ्‌लाम्‍मा भारा ओहोट्‌टुडिसुए॥

रोमि 5:20

याप्‌मिचि आप्‍पेङा इम्‍टेप्‍मा औधि पाप ओचोगुएना हिट्‌ना रिङ् ठाहा ओटोगुवाक् नुङ् माङ्‌हाङ्‌ङा हिट्‌नागा धारमाबिधि पिडुचे॥ टरो याप्‌मिचिगा पाप पोया चा माङ्‌हाङ्‌ङा कायाङ्‌छाबाचि उन्‍ङाना मायादाया औधि याप्‍मा निमेट्‌टुचे॥

फिलिप्‌पि 1:29

पोङ्‌भोने माङ्‌हाङ्‌ङा खानिङा खिरिस्‍टङि बिस्‍वास चोक्‍माउङ्‌सा एडोक् मापिडिगा माखाक्, टरो उन्‌ङि याङ्‌छामा आङ्‌डानुम् नुङ् चा खानि मौका मापिडेसे॥

१ तिमोथि 1:16

टरो येसु खिरिस्‍टङा उन्‌ङि बिस्‍वास ओचोगुङ् लाट्‌निना चोला काटोक्‌चि लोङ्‌सा उन्‍ङा चोगुना धैइरेताङाना सिको काचोग्‍बा लिमा उहिङा नुङ् आङा गाड्‌डेना सोब्‍बे नुङ्‌ना औधि पापि याप्‌मि उन्‍ङा लुक्‍मा याङ्‌टुक्‍टे॥

२ तिमोथि 2:19

टरो माङ्‌हाङ्‌ङाना ओजाग्‌उम्‍बाक् बोल्‍लेउना हिट्‌नुङ् जाखाम् लिनिना, हिट्‌नुङ् नाहि नाड्‌डे छेप्‍टेसे: “टाङ्‌बाङा ओयाप्‌मिचि मिसेन् निसुचिचि,” हिट्‌नुङ् “टाङ्‌बाङाना उनिङ् कालाप्‍बा सोब्‍बे ओचाफेन्‍ना टोॽवा चोक्‍मालाम्‍मा या युङ्‌मा कोन्‌युक्॥”

हिब्‍रु 4:15

आनिना सानिङ्‌डाङ्‌बाङा आनिना काम्‍जोरि ठाहा टोगुटु, पोङ्‌भोने आनि गाड्‌डे डोक् उन् याप्‍मा रिङ्‌ङि वारिक्‌ङि ठाए, टरो उन्‍ङा पाप चोग्‍वाट्‌टुन्॥

हिब्‍रु 7:25

हिट्‌नाड्‌डेउङ् येसुङि बिस्‍वास ओचोगुङ् माङ्‌हाङ् सोरि ओखाट्‌गा याप्‌मिचि उन्‍ङा सोरोक् लाउङ्‌सा बाचाँ चोक्‍मा हिडुचिचि, पोङ्‌भोने हिट्‌नागा लाउङ्‌सा माङ्‌हाङ्‌ङि बिन्‌टि चोक्‍माबिमा उन् सोरोक् उहिङ्‌ग्‍वाट् वाहेट्॥

१ युहान्‍ना 2:19

हिट्‌नागा आनिलेङ्‌गा माखाक्, हिट्‌नाड्‌डेउङ् आनि आपोक्‍टाढाउङ् ओखाडे॥ छेम्‍बा हिट्‌नागा आनिगालेङ्‌गा नाउम्‍बे हिट्‌नागा आनिलोक् उयुङेबे, टरो हिट्‌नागा होन्‍डा ओखाडाउङ् हिट्‌नागा आनिगा माखाक् नुङ् ना रिङ्‌ङा पारचिन्‍दा चोगुए॥

पारकास 22:17

सेङ्‌सेङ्‌ना हाङ्‌सा हिट्‌नुङ् खिरिस्‍टङाना बेहुलिङा नाड्‌डे माट्‌टुटु, “आबानि॥” जुन्‍ङा नागा रिङ् खेम्‍सुटु हिट्‌नाँ चा ओमाट्‌टुवाक्, “आबानि॥” खोना लाउङ्‌सा ओवेप्‍मा काडेसेना हिट्‌ना ना चोला आपिना चुवा ठुङ्‌ङा ओआब्‍याक्॥