युहान्‍ना 6:2 - आठपहरिया

² हिट्‌नुङ् ठिक् ठेना याप्‌मिचिगा खिमेयाङ्‌मे उन् ओएङ्-ओएङ् ओफेने, पोङ्‌भोने उन्‍ङा उटुगागा याप्‌मिचि नुमानिङ् चोगुचिगा डोङ् ठोङ्‌डिना टोॽवा हिट्‌नागाँ उनिसुएसुगा डागा॥

युहान्‍ना 6:2 ပူးပေါင်းရင်းမြစ်များ

मात्‌ति 12:15

येसुङा उन्‍ङाना बिरुद्‌दाङि रिङ्‌पान् ओचोगुना ठाहा टोगुङ् उन् हिट्‌निलाम्‍मा खाडालेट्‌टे॥ हिट्‌नुङ् जोम् याप्‌मिचि उन्‍ङा ओएङ्-ओएङ् ओखाडे, हिट्‌नुङ् उन्‍ङा उटुगागा सोब्‍बे नुमानिङ् चोगुचे॥

मात्‌ति 13:2

हिट्‌नुङ् आड्‌डिक् जोम् याप्‌मिचिगा खिमेयाङ्‌मे उन् सोरि उछुमे, हिड्‌डेउङ् उन् ठिक् नाउङि ठाङाउङ् युङे॥ हिट्‌नुङ् सोब्‍बे याप्‌मिचि तालङाना ओफेरोङि ओयेबे॥

मात्‌ति 14:14

येसु नाउलाम्‍मा भारा होन्‍डानाँ जोम् याप्‌मिचिगा खिमेयाङ्‌मे उन्‍ङा निसुए॥ याप्‌मिचिगा खिमेयाङ्‌मे निसुचिउङ् हिट्‌नागा लुक्‍मा टुक्‍टुचे, हिट्‌नुङ् हिट्‌नागालोक् उलिसागा उटुगागा याप्‌मिचि नुमानिङ् चोगुचे॥

मात्‌ति 8:1

येसु झोन्‍झोबालाम् युमा उङ्‌साउङ् याप्‌मिचिगा ठेना खिमेयाङ्‌मेङा ओएङ्-ओएङ् रोक् उरिक्‍टुए॥

मारकुस 1:45

टरो हिट्‌ना याप्‌मि खाडाउङ् उन् नुयाना रिङ् ख्‍वाप्‍पालेङ् पारचार चोक्‍मा ठालाँ चोगुए, हिट्‌डेउङ् येसु फेरि खालाङ्‌गाङि सोब्‍बेङा उनिसुलोक् लिग्‍मा हिनेट्‌नि, हिट्‌नुङ् उन् खुसुना डेन्‌ङि युङ्‌सिङा खाडे॥ टरो हिट्‌नि चा याप्‌मिचि सोब्‍बेलाम्‍मा उन्‌ङि ओटाए॥

मारकुस 6:33

टरो जोम् याप्‌मिचिङा उन्‌चि ओखाडागेट्‌टागा उनिसुचिउङ् मिसेन् उनिसुचे, हिट्‌नुङ् याप्‌मिचि हिट्‌ना डेन्‌ङिगा सोब्‍बे खालाङ्‌गालाम्‍मा पिन्‍सा ओखाडाउङ् उन्‌चि ओखाट्‌ना डेन्‌ङि उन्‌चि नुङ्‌ना पाइले डोक् ओटासुए॥

युहान्‍ना 11:47

हिट्‌नुङ् गाडुवाडाङ्‌बाचि लोक् फारिसि याप्‌मिचिङा काचाहारि-कुन्‍डालङिगा सादास्‍सेचि ओछेम्‍डुचिउङ् बैठाक् ओचोगे हिट्‌नुङ् ओमाट्‌टुए, “हाट्‌ले आनि पाक् चोगिगा? पोङ्‌भोने ना याप्‌मिङा याप्‍मा डोङ् ठोङ्‌डिगा टोॽवा चोगुएट्‌टु॥

युहान्‍ना 12:18

येसुङा ना डोङ् ठोङ्‌डिना टोॽवा चोगुना ओखेम्‍सुनाँ याप्‌मिचिगा खिमेयाङ्‌मे उन् टुब्‌सिङा ओखाडागा डागा॥

युहान्‍ना 12:37

येसुङा हिट्‌नागा याप्‌मिचिगा टोकानाङि डोक् नाट्‌टेप् औधि डोङ् ठोङ्‌डिगा टोॽवा चोगुए, टरो चा हिट्‌नागाँ उन् बिस्‍वास ओचोग्‍वाट्‌टुन्॥

युहान्‍ना 2:11

येसुङा चोगुगा चिन्‍नाचि माड्‌डे ना पाइलेना चिन्‍ना उन्‍ङा गालिलङाना कानाङि चोगुए॥ नाड्‌डेउङ् येसुङा उन्‍ङाना माहिमा पारकाट् चोगुए, हिट्‌नुङ् ओचेलाचिङा उन्‌ङि बिस्‍वास ओचोगुए॥

युहान्‍ना 2:23

छुट्‌कारा चाडाङाना बेला उन् यरुसलेमङि लिसानाँ उन्‍ङा डोङ् ठोङ्‌डिगा टोॽवाचि चोगुए, हिट्‌नुङ् ना उनिसुङ् जोम् याप्‌मिचिङा उन्‌ङि बिस्‍वास ओचोगुए॥

युहान्‍ना 20:30

येसुङा आरु याप्‍मा डोङ् ठोङ्‌डिगा चिन्‍नाचि हिट्‌नुङ् टोॽवाचि चा ओचेलाचि सोरि चोगुए, टरो हिट्‌नागा रिङ्उम्‍बाक् ना छाप्‍लाङि छेप्‌निगेट्‌निना॥

युहान्‍ना 3:2

ठिक् युसाना पाका उन् येसु सोरि आबाउङ् लोडुए, “काहिसिक्‍बा, खान् माङ्‌हाङ्‌लाम्‍मा आटायाना काहिसिक्‍बा नुङ् आन्‍याँ ठाहा टोगुएसुम्‍मे, पोङ्‌भोने माङ्‌हाङ् खान्‌लोक् युङ्‌नेएट्‌नि भोने खान्‍ङा आचोगुगा नागा चिन्‍नाचि साङा चा चोक्‍मा उहिडुन्‍गा॥”

युहान्‍ना 6:14

जब उन्‍ङा चोगुना ना डोङ् ठोङ्‌डिना चिन्‍ना उनिसुए हिट्‌नुङ् हिट्‌नागा याप्‌मिचिङा ओमाट्‌टुए, “छेम्‍बा डोक्, नाराङि टाना माङ्‌काटा उन् डोक् ए॥”

युहान्‍ना 6:22

हान्‍डेङ्‌लेङ् ताल याहाँपारा उलिसागा याप्‌मिचिगा खिमेयाङ्‌मेङा चेलाचिङा ठिक् एरोक् नाउ ओखाट्‌टुङ् ओखाडेगा रैछो नुङ् उनिसुए, हिट्‌नुङ् हिट्‌नागाँ येसु हिट्‌नागालोक् खाट्‌नेट्‌निना रैछो नुङ् ठाहा ओटोगुए॥

युहान्‍ना 6:26

येसुङा हिट्‌नागा लोडुचे, “छेम्‍बा डोक्, आङा खानि लोनाँनि, आङा चोगुङ्‌ना डोङ् ठोङ्‌डिना चिन्‍ना आनिसुमुङ् माखाक्, टरो खानिङा फोक् इप्‍टालोक् चालेप्‍पा चामा आटोगुमुङ् आङा आकोलेट्‌टिङा॥

युहान्‍ना 6:30

हिट्‌नाड्‌डेउङ् हिट्‌नागाँ उन् ओलोडुए, “हाट्‌ले खान्‍ङा खोड्‌डे पारिक्‍ना चिन्‍ना याप्‌मि आनिमेट्‌युक्‍ना, हिट्‌डेउङ् पुयुमाउङ् खान् बिस्‍वास चोक्‍नाना? खोलो, खोड्‌डे पारिक्‍ना टोॽवा आचोगुटुना?