युहान्‍ना 6:11 - आठपहरिया

¹¹ येसुङा हिट्‌ना लेम्‍बोक् गोटा चालेप्‍पा कोबुङ् माङ्‌हाङ् पोए-पोए ठाङ्‌सुए, हिट्‌नुङ् हिट्‌नि उयुङागा याप्‌मिचि लोङ्‌सा ओचेलाचि हाम्‍मा मेट्‌टुचे, ङासा चा हिट्‌ना पारिक् डोक् हाम्‍मा मेट्‌टुचे॥ हिट्‌नुङ् याप्‌मिचिङा चामा उहिडुलोक् ओचोए॥

युहान्‍ना 6:11 ပူးပေါင်းရင်းမြစ်များ

मात्‌ति 15:36

हिट्‌नुङ्‌ना उन्‍ङा सि गोटा चालेपा लोक् ङासा कोबुङ् माङ्‌हाङ्‌ङि पोए-पोए ठाङ्‌सुए, हिट्‌नुङ् एगुङ् ओचेलाचि पिडुचे हिट्‌नुङ् ओचेलाचिङा याप्‌मिचि ओहान्‍डुबिडुचे॥

लुका 24:30

येसु चा हिट्‌नागाचिलोक् चामा चासिङा युङे, हिट्‌नुङ् उन्‍ङा चालेपा कोबुउङ् माङ्‌हाङ् पोए-पोए चोगुए हिट्‌नुङ् चालेपा एगुङ् हिट्‌नागाचि पिडुचे॥

युहान्‍ना 21:10

येसुङा हिट्‌नागा लोडुचे, “खानिङा लोप्‍मो आलाबुम्‍गा ठिक् इप्‍पोक् ङासा आप्‍टानुम्॥”

युहान्‍ना 21:13

हिट्‌नुङ् येसुङा चालेपा कोबुङ् हिट्‌नागा पिडुचे, हिट्‌नाडेडोक् ङासा चा कोबुङ् हिट्‌नागा पिडुचे॥

युहान्‍ना 21:9

हिट्‌नागा ओफेरोङि होन्‍डा ओटासुङ् ओहोन्‍डानाँ हिट्‌नागाँ मिभुप्‍रोङि ङासा हिट्‌नुङ् चालेपा उनिसुए॥

युहान्‍ना 6:23

टाङ्‌बाङा पोए-पोए ठाङ्‌सुङ् याप्‌मिचि चालेप्‍पा चामा पिडुचिगा डेन् सोरि तिबेरियास खालाङ्‌गालाम्‍मा आरु नाउचि चा होन्‍डा ओटाए॥

युहान्‍ना 6:9

“नेहि ठिबाङ् पिच्‍छा वाहेट्, हिट्‌नालोक् लेम्‍बोक् गोटा जाउङाना चालेप्‍पा लोक् इप्‍पोक् ङासा युङ्‌ग्‍वा, टरो नाट्‌टेप् औधि जोम् याप्‌मिचि नाट्‌टेप्‍माङा एडोक् खोनाइ युडुचिचिगा टे?”

मुलिचेला टोॽवा 27:35

नाट्‌टेप्‍मा लोडुचिउङ् उन्‍ङा चालेप्‍पा कोबुए, हिट्‌नुङ् सोब्‍बे सोरि माङ्‌हाङ्‌ङि पोए-पोए ठाङ्‌सुङ् चामा ठालाँ चोगुए॥

रोमि 14:6

खोना याप्‌मिङा ठिक् लेम्‍बा सेङ्‌सेङ्‌ना नुङ् मिट्‌टुटु, हिट्‌नाङा माङ्‌हाङ् मान् चोक्‍मा लाउङ्‌सा डोक् हिड्‌डे चोगुटु॥ खोना याप्‌मिङा सोब्‍बे थोक् चोटु, हिट्‌नाङा टाङ्‌बा मान् चोक्‍मालाउङ्‌सा डोक् चोटु, पोङ्‌भोने हिट्‌नाङा चामा नुङ्‌ना पाइले माङ्‌हाङ् पोए-पोए ठाङ्‌सुङ् चोटु॥ हिट्‌नुङ् सागापाटा एडोक् काचाबाङा चा टाङ्‌बा मान् चोक्‍मालाउङ्‌सा डोक् चोगुटु, पोङ्‌भोने हिट्‌नाङा चा माङ्‌हाङ् पोए-पोए ठाङ्‌सुटु॥

१ कोरिन्‌थि 10:31

नाड्‌डेउङ् आङा लोनाँनि, खानिङा आचाम्‍चा, आठुङुम्‍चा, जे सुके आचोगिचा, सोब्‍बे माङ्‌हाङ्‌ङाना उनिङ् चोन्‍मा लोङ्‌सा चोगानुम्॥

१ थेसालोनिकि 5:18

जे सुके लिचा माङ्‌हाङ् पोए-पोए ठाङ्‌सानुम्, पोङ्‌भोने खिरिस्‍ट येसुङि खानिङा नागा रिङ्‌चि डोक् चोगानुम् नुङ् माङ्‌हाङ्‌ङाना उनिङ्‌ग्‍वा ए॥