41 “आङा याप्मिचिलाम्मा मान् कोलुङ्ना माखाक्॥
पोङ्भोने हिट्नागाँ माङ्हाङ्लाम्मा मान् नुङ्ना चा याप्मिचिलाम्मा टोग्माना मान् उन्चि निङ्ग्वा ओटासुगा डागा॥
आङालोङ्सा याप्मिचिगा साँचि चाहाबा लिनिना, टरो खानिङा मुक्टि आटोगुम् नुङ् आङा नागा रिङ् माट्टुङ्ना॥
टरो लाट्निना चोला टोक्माउङ्सा खानि आङा सोरि टामा निङ्ग्वा आचोक्निम्गा॥
टरो आङा खानि मिसेन् निनैनाने, खानि निङ्ग्वाङा माङ्हाङ् माया आचोक्निम्ना नुङ् आङा ठाहा टोगुङ्टुङ्॥
खानिङा ठिबाङ्ङा आरकोलाम्मा मान् आकोलुम्गा, टरो ठिबाङ् एरोक् माङ्हाङ्लाम्मा टोगुम्ना मान्म्बाक् आकोन्निम्ना भोने खानिङा खोड्डेउङ् बिस्वास चोक्मा आहिडुम्टुम्ना टे?
हाट्ले हिट्नागा याप्मिचिङा उन् उलाबु ओखाट्टुङ् जाबारजास्ति हाङ्बा चोक्मा ओकोलुएट्टुना रिङ् ठाहा टोगुङ् येसु फेरि ओएकेले झोन्झोबालेङ् खाडे॥
जुन् आप्पेलाम्मा चेक्युक्, हिट्नाङा आप्पे लाउङ्सा मान् कोलुटु, टरो आङा कापाङ्बालोङ्सा आङा मान् चोक्मा निङ्ग्वा चोगुङ्टुङ्॥ हिट्डेउङ् आङा छेम्बाना रिङ् माट्टुङ्टुङ् हिट्नुङ् माङ्जो माट्निङ्ना॥
आङा याप्मिचिङा मान् याङ्ओचोक्याक् नुङ् कोन्निङ्ना, टरो आङा मान् चोक्मा निङ्ग्वा काचोक्बा ठिबाङ् वाहेट् हिट्नुङ् उन्ङा डोक् न्याए चोगुटु॥
येसुङा हिट्नागा लोडुचे, “आङा आप्पे लाउङ्सा मान् कोलुङ्टुङ् भोने, हिट्ना मान् बिथाँना लियुक्॥ टरो आङा मान् काचोक्बा आङाना पाबा वाहेट्, उन् डोक् खानिङा ‘आन्याँ माङ्हाङ्’ नुङ् आलोडुम्ना॥
आन्याँ खिरिस्टङाना मुलिचेला लिसिङानाँ खानि उठुङ्ङि आधिकार बे चालाँ चोक्मा हिडुम्मे बे॥ हिड्डे लिसा चा आन्याँ याप्मिचिलाम्मा, खानिलाम्मा हिट्नुङ् आरु साक्लाम्मा चा मान् कोन्नेट्निम्मा॥
पोङ्भोने ना रिङ् लाउङ्सा डोक् माङ्हाङ्ङा खानि माछेम्डिगा ए॥ खिरिस्टङा चा खानिलोङ्सा याङ्छामा आङ्डुए, हिट्नुङ् उन् डोक् खानिना नामुना ए॥ हिड्नाड्डेउङ् खानि चा उन्ङा मानिमेट्टिगा लाम्बोङि लाम्टिमा कोन्युक्॥
माङ्हाङ् पाबाङा उन् मान् चोगुए हिट्नुङ् उन् आम्टेप्मा माङ्ठेना नुङ् निमेट्टुए, हिट्नुङ् सोब्बे नुङ्ना ठेना माङ्हाङ्ङा उन् नाड्डे लोडुए, “ना आङाना आमायालु छा, उन्लोक् आङा आड्डिक् हारका लिसाइसाङे॥”
