युहान्‍ना 5:26 - आठपहरिया

²⁶ पोङ्‌भोने पाबा डोक् चोलाङाना उपुन् ए, हिट्‌डेडोक् उन्‍ङा उइछा चा चोलाङाना उपुन् चोगुएसुए॥

युहान्‍ना 5:26 ပူးပေါင်းရင်းမြစ်များ

युहान्‍ना 1:4

उन्‌ङि चोला डाना, हिट्‌नुङ् हिट्‌ना चोलाम्‍बाक् याप्‌मिचि लाउङ्‌सा व्‍हाङ् लिसे॥

युहान्‍ना 10:18

खोनाङा चा आङाना आचोला सेप्‍मा उहिडुन्‍ना, टरो आप्‍पे आनिङ्‌ग्‍वालाम्‍मा पिडुङ्‌टुङ्॥ आङालोक् आसोक्‍मा पिमाना आधिकार चा युङ्‌ग्‍वा, हिट्‌नुङ् फेरि नोक्‍माना आधिकार चा आङालोक् युङ्‌ग्‍वा॥ आङाना पाबाङा आङा याङ्‌पिडाना आग्‍याँ चा ना डोक्॥”

युहान्‍ना 11:25

येसुङा हिट्‌ना मेन्‍झेमा लोडुए, “उसियागा उहिङ्‌ग्‍वाट् काचोक्‍बा हिट्‌नुङ् चोला कापि आङा डोक् ए॥ आङा बिस्‍वास काचोक् सिए भोने चा हिङ्‌युक्॥

युहान्‍ना 11:26

हिट्‌नुङ् कोइ याप्‌मि आङि लियुक् हिट्‌नुङ् आङि बिस्‍वास चोगुटु भोने हिट्‌ना खोना बेला चा सिनिना॥ मारथा, पाक् ना रिङ् खान्‍ङा बिस्‍वास आचोगुटुनि?”

युहान्‍ना 14:19

छोप्‍मोङ्‌लाम्‍मा नाराङिगा याप्‌मिचिङा आङा उनिनिङ्‌गा, टरो खानिङाउम्‍बाक् आङा आनिसिटिङा॥ आङा उहिङ्‌ग्‍वाट् लिसाङ्‌नाँ खानि चा उहिङ्‌ग्‍वाट् आलिसिटि॥

युहान्‍ना 14:6

येसुङा हिट्‌ना लोडुए, “लाम्‍बो, छेम्‍बा हिट्‌नुङ् चोला आङा डोक्॥ आङा माले आरु खोनालोक् चा पाबाङि खाप्‍मा हिनिना॥

युहान्‍ना 4:10

येसुङा हिट्‌ना लोडुए, “खान्‍ङा खान् लाउङ्‌सा माङ्‌हाङ्‌ङाना उपाहार हिट्‌नुङ् खान्‌लोक् चुवा ठुङ्‌मा कानाक्‍बा याप्‌मि मिसेन् आनिसुना बे खान्‍ङा गोलो उन् आनाक्‍टुए, हिट्‌नुङ् उन्‍ङा खान् चोला आपिना चुवा मापिडेए बे॥”

युहान्‍ना 6:57

उहिङ्‌ग्‍वाट् माङ्‌हाङ् पाबाङा आङा याङ्‌पाङ्‌से, हिट्‌नुङ् उन्‍ङा चोगुनाँ आङा हिङ्‌ङा॥ हिट्‌नाडेडोक् जुन्‍ङा आङा याङ्‌चायुक् हिट्‌ना आङा चोगुङ्‌नाँ हिङ्‌युक्॥

युहान्‍ना 8:51

छेम्‍बा डोक्, आङा खानि लोनाँनि, जुन्‍ङा आङा माट्‌टुङ्‌ना रिङ् पालान् चोगुटु, हिट्‌ना खोना बेला चा सिमा कोन्‌निना॥”

मुलिचेला टोॽवा 17:25

हिट्‌नुङ् याप्‌मिचिगा घुवार उन् लोङ्‌सा चाहाब् लिनिना, पोङ्‌भोने उन्‍ङा डोक् ख्‍वाप्‍पालोङ्‌सा चोला, सोक्‍मा हिट्‌नुङ् ख्‍वाप्‍पा थोक्‌चि पिडुचिचि॥

१ कोरिन्‌थि 15:45

धारमाछाप्‍लाङि नाड्‌डे छेप्‍टेसे, “पाइलेना याप्‌मि आदाम उहिङ्‌ग्‍वाट् याप्‌मि लिसे॥” खिरिस्‍टम्‍बाक् आखेरिङिना आदाम ए, उन् चोला कापिबा हाङ्‌सा लिसे॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

१ तिमोथि 6:16

उन् एडोक् खोना बेला चा सिनिना हिट्‌नुङ् उन् व्‍हाङ्‌ङि युङ्‌ना, उन् सोरि साक्‍चा खाप्‍मा उहिनिना॥ उन् साङा चा खोना बेला चा उनिसुन्‍गेट्‌टुन्‍ना हिट्‌नुङ् निमा चा उहिडुन्‍ना॥ उनिङ् टो-टो उलियाक् हिट्‌नुङ् उन्‍ङाना बोल् सोरोक् उलियाक्॥ आमेन्॥

हिब्‍रु 1:2

टरो ना आखेरि बेला उन् उइछालाम्‍मा आनिलोक् चेक्‍टेसे॥ माङ्‌हाङ्‌ङा उइछालाम्‍मा सोब्‍बे थोक् सिरिस्‌टि चोगुए, हिट्‌नुङ् माङ्‌हाङ्‌ङा उन् डोक् ख्‍वाप्‍पा थोक्‌ङाना हाकवाला चोगुए॥

पारकास 21:6

उन्‍ङा आङा याङ्‌लोडे, “हाट्‌ले सोब्‍बे रिङ् आङा चोक्‍मा हिडुङे॥ आल्‍फा हिट्‌नुङ् ओमेगा, उटुम् हिट्‌नुङ् आन्‍ते आङा डोक्॥ जुन् याप्‌मिङाना ओयेप्‍मा काड्‌युक्, हिट्‌ना आङा लाट्‌निना चोला आपिना चुवाङाना उपुन्‌लाम्‍मा ठुङ्‌मा पिडुङ्‌टुङ्, हिट्‌नाङा इम्‍मा कोन्‌निना॥

पारकास 22:1

हिट्‌नुङ्‌ना माङ्‌हाङ् रिङ् काउग्‍बाङा आङा चोला आपिना चुवाङाना होङ् याङ्‌निमेट्‌टे॥ हिट्‌ना चुवा आड्‌डिक् सेङ्‌सेङ्‌ना हिट्‌नुङ् सिसा गाड्‌डे डोक् ओम्‍साना डाना॥ हिट्‌ना होङ् माङ्‌हाङ् हिट्‌नुङ् थुमाङाना सिङासान्‌लाम् बागाँ लिसेट्‌टाना॥

पारकास 22:17

सेङ्‌सेङ्‌ना हाङ्‌सा हिट्‌नुङ् खिरिस्‍टङाना बेहुलिङा नाड्‌डे माट्‌टुटु, “आबानि॥” जुन्‍ङा नागा रिङ् खेम्‍सुटु हिट्‌नाँ चा ओमाट्‌टुवाक्, “आबानि॥” खोना लाउङ्‌सा ओवेप्‍मा काडेसेना हिट्‌ना ना चोला आपिना चुवा ठुङ्‌ङा ओआब्‍याक्॥

पारकास 7:17

पोङ्‌भोने सिङासान्‌ङिना माझाङि युङ्‌ना थुमाङा गोठाले गाड्‌डे डोक् हिट्‌नागा यान्‍दा चोगुचिचि॥ हिट्‌नुङ् उन्‍ङा याप्‌मिचि चोला पिडुना चुवाडाम्‌लेङ् खाट्‌टुचिचि, हिट्‌नुङ् माङ्‌हाङ्‌ङा डोक् उन्‌चि मिक्‌लाम्‍मा उन्‌चि मिॽवा टुगुबिडुचिचि हिट्‌नुङ् हिट्‌नागा काइले चा ओहाप्‌निगा॥”