युहान्‍ना 3:35 - आठपहरिया

³⁵ माङ्‌हाङ् पाबाङा उइछा माया चोगुटु हिट्‌नुङ् ख्‍वाप्‍पा थोक् उमुक्‌ङि डोक् पिडुएसुए॥

युहान्‍ना 3:35 ပူးပေါင်းရင်းမြစ်များ

मात्‌ति 11:27

“ख्‍वाप्‍पा रिङ्‌चिगा आधिकार आप्‍पाङा आङा याङ्‌पिडैसे॥ उप्‍पाङा एडोक् उइछा मिसेन् निसुटु, हिट्‌नुङ् उइछाङा एडोक् उप्‍पा मिसेन् निसुटु, आरु साङा चा मिसेन् उनिसुन्‍ना, टरो माङ्‌हाङ् पाबा साइना नुङ् उइछाङा सेगुचिगा याप्‌मिचिङा एडोक् उन् मिसेन् उनिसुटु॥

मात्‌ति 17:5

पाटरुस हिड्‌डे पिक्‍सा चेक्‍टेट्‌टाना बेला ओम्‍साना खिमेमा उङ्‌साउङ् हिट्‌नागा टेप्‍टुचे, हिट्‌नुङ् हिट्‌ना खिमेमा भिट्‌रालाम्‍मा ठिक् नाड्‌डेना रिङ् मुक्‍टे, “ना आङाना आमायालु छा, उन्‌लोक् आङा आड्‌डिक् हारका लिसाङे, उन्‍ङा मालोडिगा रिङ् खेम्‍सानुम्॥”

मात्‌ति 28:18

टब येसु हिट्‌नागा सोरि आबाउङ् लोडुचे, “टोनालोग् हिट्‌नुङ् नाराङि सोब्‍बे आधिकार माङ्‌हाङ्‌ङा आङा याङ्‌पिडैसे॥

मात्‌ति 3:17

हिट्‌ना बेला डोक् टोनालोग्‌लाम्‍मा ठिक् साब्‍दा मुक्‍टे, “ना आङाना आमायालु छा, उन्‌लोक् आड्‌डिक् टुक्‍लोक् आचाप् टाइसे॥”

लुका 10:22

“ख्‍वाप्‍पा रिङ्‌चिगा आधिकार आप्‍पाङा आङा याङ्‌पिडैसे॥ हिट्‌नुङ् उप्‍पाङा एडोक् उइछा मिसेन् निसुटु, उइछाङा एडोक् उप्‍पा मिसेन् निसुटु, आरुङा मिसेन् उनिसुन्‍ना, हिट्‌नुङ् माङ्‌हाङ् पाबा साइना नुङ् उइछाङा सेगुचिगा याप्‌मिचिङा एडोक् उन् मिसेन् उनिसुटु॥”

युहान्‍ना 13:3

पाबाङा उन् ख्‍वाप्‍पा आधिकार पिडुएसुए, हिट्‌नुङ् माङ्‌हाङ्‌लाम्‍मा उङ्‌साना हिट्‌नुङ् माङ्‌हाङ्‌ङि डोक् नोक्‍ङा खाट्‌नागेट्‌नाँ नुङ् येसुङा ठाहा टोगुएसुना॥

युहान्‍ना 15:9

“आङाना पाबाङा आङा माया याङ्‌चोगेसे, हिट्‌नाडे डोक् आङा चा खानि माया चोक्‍नाइनाने॥ हाट्‌ले खानि आङाना मायाङि युङायाक्‍टानि॥

युहान्‍ना 17:2

पोङ्‌भोने खान्‍ङा उन् सोब्‍बे याप्‌मिचि उठुङ्‌ङि आधिकार आपिडुएसुए, हिड्‌डेउङ् खान्‍ङा उन् जिम्‍मा आपिडुचिगा सोब्‍बे याप्‌मिचि उन्‍ङा खोना बेला चा लाट्‌निना चोला उपिडुचियाक्॥

युहान्‍ना 17:23

आङा हिट्‌नागालोक्, हिट्‌नुङ् खान् आङि आवाहेट्॥ नाड्‌डेउङ् हिट्‌नागा चा ख्‍वाप्‍पा ठिक्‍ए उलियाक्॥ ना रिङ्‌लाम्‍मा डोक् खान्‍ङा आङा याङ्आपाङ्‌साङ्‌ना हिट्‌नुङ् खान्‍ङा आङा माया याङ्आचोगाङ्‌ना गाड्‌डे खान्‍ङा हिट्‌नागा माया आचोगुचिगा नुङ् नाराङिगा याप्‌मिचिङा ठाहा टोक्‍मा उहिडुवाक्॥

युहान्‍ना 17:26

आङा खान्‍ङाना बारेङि हिट्‌नागा हिसिक्‍टुएसुङ्‌चिङे, हिट्‌नुङ् हिट्‌नागा खान्‍ङाना बारेङि हिसिक्‍मा नानिङ्‌चिङ्‌गा, हिट्‌डेउङ् खान्‍ङा आङा माया याङ्आचोगा गाड्‌डे डोक्, हिट्‌नागाँ चा उन्‌चि उन्‌चिङि माया चोग्‍गा चोक् ओचोक्‌याक्, हिट्‌नुङ् आङा आप्‍पे हिट्‌नागालोक् लिङा॥”

युहान्‍ना 5:20

पोङ्‌भोने पाबाङा आप्‍पे उइछा माया चोगुटु, हिट्‌नुङ् उन्‍ङा आप्‍पे चोगुएट्‌टुगा सोब्‍बे टोॽवा उइछा निमेट्‌टुटु॥ छेम्‍बा डोक्, पाबाङा छालोङ्‌सा ना नुङ्‌ना आझा ठे-ठेगा टोॽवाचि निमेट्‌टुटु, हिट्‌नुङ् खानि सोब्‍बे डोङ् आठोङ्‌डिटि॥

युहान्‍ना 5:22

पोङ्‌भोने माङ्‌हाङ् पाबा आप्‍पेङा खोना चा न्‍याए चोगुन्‌चिन्‍गा, टरो सोब्‍बे न्‍याए चोक्‍माना टोॽवा छालाउङ्‌सा पिडुएसुए,

१ कोरिन्‌थि 15:27

पोङ्‌भोने धारमाछाप्‍लाङि नाड्‌डे छेप्‍टेसे, “माङ्‌हाङ्‌ङा सोब्‍बे थोक् खिरिस्‍टङाना ओआधिकारङि युङ्‌सुएसुए॥” टरो “सोब्‍बे थोक्” ओआधिकारङि नुङ् माप्‍बालाक् रिङ्‌म्‍बाक् माङ्‌हाङ् चा ओआधिकारङि युङ्‌ग्‍वा नुङ् माप्‍बालाक् माखाक्, पोङ्‌भोने माङ्‌हाङ्‌ङा सोब्‍बे थोक् खिरिस्‍टङाना ओआधिकारङि युङ्‌सुबिडुना ए॥

एफिसि 1:22

हिट्‌नुङ् माङ्‌हाङ्‌ङा सोब्‍बे थोक् खिरिस्‍टङाना आधिकारङि युङ्‌सुबिडुए, हिट्‌नुङ् माङ्‌पाङ् लाउङ्‌सा खिरिस्‍ट डोक् सोब्‍बे रिङ्‌ङाना ओखेन् चोगुए॥

हिब्‍रु 1:2

टरो ना आखेरि बेला उन् उइछालाम्‍मा आनिलोक् चेक्‍टेसे॥ माङ्‌हाङ्‌ङा उइछालाम्‍मा सोब्‍बे थोक् सिरिस्‌टि चोगुए, हिट्‌नुङ् माङ्‌हाङ्‌ङा उन् डोक् ख्‍वाप्‍पा थोक्‌ङाना हाकवाला चोगुए॥

१ पाटरुस 3:22

उन् उहिङ्‌ग्‍वाट् लिसाउङ् टोनालोग् खाडे हिट्‌नुङ् माङ्‌हाङ्‌ङाना उछुप्‍टाङ्‌लेङ् युङैसे, हिट्‌नुङ् ख्‍वाप्‍पा माङ्‌हाङ् रिङ् काउग्‍बाचि, टोनालोग्‌ङिना आधिकार हिट्‌नुङ् बोल् उन्‍ङाना आधिन्‌ङि उयुङ्‌ग्‍वा॥