युहान्‍ना 3:34 - आठपहरिया

³⁴ पोङ्‌भोने उन् माङ्‌हाङ्‌ङा पाङ्‌सुना॥ उन्‍ङा माङ्‌हाङ्‌ङाना डोक् रिङ् माट्‌टुटु, पोङ्‌भोने माङ्‌हाङ्‌ङा सेङ्‌सेङ्‌ना हाङ्‌सा उन्‌लाउङ्‌सा आड्‌डिक् जोम् पिडुटु॥

युहान्‍ना 3:34 ပူးပေါင်းရင်းမြစ်များ

मात्‌ति 12:18

“आङा सेगुङ्‌ना आमायालु सेवाक् उन् डोक् ए, उन्‌लोक् आङा आड्‌डिक् हारका लिसाइसाङे॥ उन् उठुङ्‌ङि आङाना हाङ्‌सा ठेन्‍डुङ्‌बिडुङ्‌टुङ्, हिट्‌नुङ् उन्‍ङा सोब्‍बे छोङ्‌बाचि साहि न्‍याएङाना बारेङि पारचार चोगुटु॥

लुका 4:18

“माङ्‌हाङ् डाङ्‌बाङा ओहाङ्‌सा आठुङ्‌ङि याङ्‌ठेन्‍डाबिडैसे, पोङ्‌भोने पाक्‍चा ओवानिगा लोङ्‌सा ओचेट्‌नुना खाबोर खेम्‍मेप्‍मा आङा याङ्‌सेगाउङ् याङ्‌पाङ्‌साइसे॥ खाम्‍बाङ्‌ङि ओठायागा याप्‌मिचि छुट्‌काराङाना रिङ् लोसिङा, याङ्‌कानिनिबाचिङा उनिसुलोक् चोक्‍माना रिङ् लोसिङा, निम्‍छारो उलिसागा छुट्‌कारा पिमा,

युहान्‍ना 1:16

उन्‌ङि लिसाना जोम् मायादायालाम्‍मा आनि सोब्‍बेङा याप्‍मा आसिक् ए आसिक् टोगुएसुम्‍मे॥

युहान्‍ना 15:26

“आङा पाबालाम्‍मा छेम्‍बाना हाङ्‌सा खानि घुवार काफाबा खानिङि पाङ्‌सुङ्‌टुङ्॥ उन् पाबालाम्‍मा उङ्‌युक् हिट्‌नुङ् उन्‍ङा डोक् आङाना बारेङि ख्‍वाप्‍पा साँचि मापिडिटि॥

युहान्‍ना 16:7

टरो आङा खानि छेम्‍बाना रिङ् लोनाँनि, आङा नाहिलाम्‍मा खाप्‍मा डोक् खानिलोङ्‌सा ओचेट्‌नुना लियुक्, पोङ्‌भोने आङा खाट्‌नेट्‌निङ् भोने, घुवार काफाबा खानिङि उङ्‌निना॥ टरो आङा खाडाङे भोने उन् खानिङि आङा पाङ्‌सुङ्‌टुङ्॥

युहान्‍ना 3:17

माङ्‌हाङ्‌ङा नाराङिगा याप्‌मिचि फाट्‌टुर लाप्‍मा लोङ्‌सा उइछा पाङ्‌सुना माखाक्, टरो उन्‌लाम्‍मा हिट्‌नागा उहिङ्‌याक् नुङ् पाङ्‌सुए॥

युहान्‍ना 5:26

पोङ्‌भोने पाबा डोक् चोलाङाना उपुन् ए, हिट्‌डेडोक् उन्‍ङा उइछा चा चोलाङाना उपुन् चोगुएसुए॥

युहान्‍ना 7:16

येसुङा हिट्‌नागा नाड्‌डे लोडुचे, “आङा हिसिक्‍नानिगा रिङ् आङाना माखाक्, टरो आङा कापाङ्‌बा माङ्‌हाङ्‌लाम्‍माना ए॥

युहान्‍ना 8:40

टरो आङा माङ्‌हाङ्‌लाम्‍मा खेम्‍सुङ्‌ना छेम्‍बाना रिङ् खानि लोनाने, हिट्‌डेउङ् खानिङा आङा सेट्‌मा आकोलेट्‌टिङा॥ आब्‍राहामङा नाड्‌डेना टोॽवाउम् चोग्‍वाट्‌टुन्॥

युहान्‍ना 8:47

माङ्‌हाङ् ओछालेट्‌चिङा माङ्‌हाङ्‌ङाना उरिङ् ओखेम्‍सुटु॥ टरो खानिङा माङ्‌हाङ् उरिङ् आखेम्‌निम्‍गा, पोङ्‌भोने खानि माङ्‌हाङ् ओछालेट्‌चि माखाक्॥”

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

रोमि 8:2

पोङ्‌भोने आनि खिरिस्‍ट येसुलोक् एक्‍केउ लिसिनाँ सेङ्‌सेङ्‌ना हाङ्‌साङा आनि ओछोङ्‌ग्‍वाट् चोला आपिडेसे, हिट्‌नुङ् पाप चोक्‍मालाम्‍मा हिट्‌नुङ् सिमाना रिङ्‌लाम्‍मा छुट्‌कारा आपिडेसे॥

एफिसि 3:8

सोब्‍बे माङ्‌हाङ् ओयाप्‌मिचि माड्‌डे आङा सोब्‍बे नुङ्‌ना खाट्‌टिउना लिसाङ् चा खिरिस्‍टङाना आड्‌डिक् बाहुमुल्‍ले नुना खाबोर पानिछोङ्‌बाचि पारचार चोक्‍माना बारदान माङ्‌हाङ्‌ङा आङा याङ्‌पिडे॥

कालास्‌सि 1:19

पोङ्‌भोने माङ्‌हाङ्‌ङा उन्‍ङाना ख्‍वाप्‍पा ओचाट्‌ला उइछाङि युङ्‌मा डोक् निङ्‌ग्‍वा लोसे॥

कालास्‌सि 2:9

पोङ्‌भोने खिरिस्‍ट याप्‌मि लिसा चा, उन् पुरो माङ्‌हाङ् ए॥

पारकास 21:6

उन्‍ङा आङा याङ्‌लोडे, “हाट्‌ले सोब्‍बे रिङ् आङा चोक्‍मा हिडुङे॥ आल्‍फा हिट्‌नुङ् ओमेगा, उटुम् हिट्‌नुङ् आन्‍ते आङा डोक्॥ जुन् याप्‌मिङाना ओयेप्‍मा काड्‌युक्, हिट्‌ना आङा लाट्‌निना चोला आपिना चुवाङाना उपुन्‌लाम्‍मा ठुङ्‌मा पिडुङ्‌टुङ्, हिट्‌नाङा इम्‍मा कोन्‌निना॥

पारकास 22:1

हिट्‌नुङ्‌ना माङ्‌हाङ् रिङ् काउग्‍बाङा आङा चोला आपिना चुवाङाना होङ् याङ्‌निमेट्‌टे॥ हिट्‌ना चुवा आड्‌डिक् सेङ्‌सेङ्‌ना हिट्‌नुङ् सिसा गाड्‌डे डोक् ओम्‍साना डाना॥ हिट्‌ना होङ् माङ्‌हाङ् हिट्‌नुङ् थुमाङाना सिङासान्‌लाम् बागाँ लिसेट्‌टाना॥