युहान्‍ना 3:23 - आठपहरिया

²³ युहान्‍नाङा चा सालिमङाना छेउ एनोन ओलोडुना डेन्‌ङि बाप्‌टिस्‍मा पिडुचिगा डागा, पोङ्‌भोने हिट्‌नि जोम् चुवा डाना॥ हिट्‌नि याप्‌मिचि बाप्‌टिस्‍मा लाड्‌मा ओटायागा डागा॥

युहान्‍ना 3:23 ပူးပေါင်းရင်းမြစ်များ

लुका 3:7

जोम् याप्‌मिचि युहान्‍नाङि बाप्‌टिस्‍मा चोक्‍ङा ओटाए॥ टरो युहान्‍नाङा लोडुचे, “हाउ बिखालु ओप्‍पु गाड्‌डे दुस्‍टा याप्‌मिचिगा छालेट्‌चि, माङ्‌हाङ्‌लाम्‍मा ठाना उकुन्‌जिरिक्‍वालाम्‍मा पिम्‍माप्‍मा लोङ्‌सा खानि साङा माहिसिक्‍टेगा?

युहान्‍ना 3:22

हिट्‌नुङ्‌ना येसु ओचेलाचिलोक् याहुदिया छेट्‌राङि खाडे, हिट्‌नुङ् आम्‍टेप्‍मा लेम्‍बा सोम्‍मा हिट्‌नागालोक् हिट्‌नि डोक् युङे हिट्‌नुङ् बाप्‌टिस्‍मा पिडुचे॥

युहान्‍ना 3:24

(हिट्‌ना बेला सोम्‍मा युहान्‍ना खाम्‍बाङ्‌ङि ठानिगेएट्‌निना डाना॥)

पारकास 1:15

हिट्‌नुङ् ओलाङ् मि भुङ्‌रोङि खाराँ चोक्‍बालाक् काँसा गाड्‌डे औधि ओम्‍साना डाना, हिट्‌नुङ् ओसोराम्‍बाक् ठेना होङ्‌ङाना चुवा ओभोल गाड्‌डे मुक्‍टाना डाना॥

पारकास 14:2

हिट्‌नुङ् आङा टोनालोग्‌ङि ठेना चुवा ठायाना गाड्‌डे मुक्‍टाना हिट्‌नुङ् ठेना घुरुङ्‌बा गाड्‌डे मुक्‍टाना सोरा खेम्‍सुङे॥ आङा खेम्‍सुङ्‌ना हिट्‌ना सोरा जोम् याप्‌मिचिङा ओटेनुयाक्‍टुना बिना बाजा गाड्‌डे मुक्‍टाना खेम्‍सुङे॥

पारकास 19:6

हिट्‌नुङ्‌ना आङा जोम् याप्‌मिचिगा खिमेयाङ्‌मे मुक्‍टाना, जोम् चुवा छाँगालाम्‍मा ठाया गाड्‌डे मुक्‍टाना हिट्‌नुङ् आड्‌डिक् ठेना घुरुङ्‌बा लोसाना गाड्‌डे मुक्‍टाना आङा खेम्‍सुङे, हिट्‌नाँ नाड्‌डे माट्‌टुए, “माङ्‌हाङ् उनिङ् टो-टो उलियाक्, पोङ्‌भोने आनि टाङ्‌बा सोब्‍बे नुङ्‌ना माङ्‌बोल्‍लेउ माङ्‌हाङ्‌ङा सासान् चोगुटु॥