युहान्‍ना 3:16 - आठपहरिया

¹⁶ पोङ्‌भोने माङ्‌हाङ्‌ङा ना नाराङिगा याप्‌मिचि आम्‍टेप्‍मा जोम् माया चोगुचे, उन्‍ङा उन्‍ङाना ठिबाङ् एना छा चा आपिडे, हिड्‌डेउङ् उन्‌ङि बिस्‍वास काचोक् खोना चा जाखाम् उलिन्‍याक्, टरो हिट्‌नाँ खोना बेला चा लाट्‌निना चोला ओटोगुवाक्॥

युहान्‍ना 3:16 ပူးပေါင်းရင်းမြစ်များ

मात्‌ति 9:13

टरो खाडानिउङ् धारमाछाप्‍लाङि छेप्‍टाना ना रिङ्‌ङाना उटुप् पाइना नुङ् सिकाँ लिसानि, ‘आङा जिवाट्‌ङाना भोक् माखाक्, आरु लुक्‍मा टुक्‍टानुम्‌चिम् नुङ् आनिङ्‌ग्‍वा युङ्‌ग्‍वा॥’ पोङ्‌भोने आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि गोलो छेम्‌सिङा टायाङ्‌ना॥”

मारकुस 12:6

“हाट्‌ले आङ्‌गुर डाङ्‌बाङाना उलुक्‍माङा चोना ठिक्‍ए उइछा डाना, ‘हिट्‌नागाँ आइछाउम् नुलोक् ओमेट्‌टुटु होला’ नुङ् सोब्‍बे नुङ्‌ना एङ्‌स्‍वा उन्‍ङा हिट्‌ना उइछा डोक् आधिया कामाँ काचोक्‍बाचिङि पाङ्‌सुए॥

लुका 2:14

“सोब्‍बे नुङ्‌ना उठुइ टोनालोग्‌ङि आयुङ्‌ना माङ्‌हाङ्‌ङाना निङ् टो-टो उलियाक्, हिट्‌नुङ् उन्‍ङा निङ्‌ग्‍वा टाडुचिगा ना नाराङिगा याप्‌मिचिङा हाङ्‌हाङ् निङ्‌ग्‍वा ओटोगुयाक्‍टुवाक्॥”

युहान्‍ना 1:14

माङ्‌हाङ्‌ङाना रिङ् याप्‌मि उरुपङि लिसे हिट्‌नुङ् आनि माझाङि मायादाया लोक् छेम्‍बाना रिङ्‌ङा इप्‍टुङ् हेन्‍से॥ हिट्‌नुङ् उन्‍ङाना माहिमा आन्‍याँ निसुम्‍मे, हिट्‌ना माहिमा माङ्‌हाङ् पाबालाम्‍मा उङ्‌साना ठिबाङ् एना छाङाना गाड्‌डेना डाना॥

युहान्‍ना 1:18

माङ्‌हाङ् साङा चा खोना बेला चा उनिसुन्‍गेट्‌टुन्‍ना, टरो माङ्‌हाङ् पाबालोक् लिसाना ठिबाङ् एना, उन् आप्‍पे माङ्‌हाङ्, हिट्‌नुङ् उन्‍ङा डोक् आनिलाउङ्‌सा माङ्‌हाङ् आनिमेट्‌टाइसे॥

युहान्‍ना 1:29

हान्‍डेङ्‌लेङ् युहान्‍नाङा येसु उन्‌लेङ् आबागेट्‌टाना निसुङ् लोडुचे, “पुयानुम्, नाराङिगा याप्‌मिचिगा पाप काटुक्‍बा माङ्‌हाङ्‌ङाना थुमा!

युहान्‍ना 10:28

आङा हिट्‌नागा लाट्‌निना चोला पिडुङ्‌चिङ्‌चिङ्, हिट्‌नुङ् हिट्‌नागा खोना बेला चा जाखाम् उलिनिगा, हिट्‌नुङ् खोनाङा चा हिट्‌नागा आङालाम्‍मा याङ्ओनाप्‌युङ् खाट्‌मा उहिडुन्‌चिन्‍गा॥

युहान्‍ना 3:15

हिट्‌नुङ् जुन्‍ङा उन्‌ङि बिस्‍वास चोगुटु, हिट्‌नाङा खोना बेला चा लाट्‌निना चोला टुबुटु॥

युहान्‍ना 3:18

जुन्‍ङा उन्‌ङि बिस्‍वास चोगुटु हिट्‌ना न्‍याएङि ठानिना, टरो उन्‌ङि बिस्‍वास ओचोगुन्‍गाम्‍बाक् पाइले डोक् न्‍याए लिमा हिडे, पोङ्‌भोने हिट्‌नाँ माङ्‌हाङ्‌ङाना ठिबाङ् एना छा उनिङ्‌ङि बिस्‍वास चोगुन्‍गेट्‌टुन्‍ना॥

युहान्‍ना 3:36

जुन्‍ङा छाङि बिस्‍वास चोगुटु, हिट्‌नालोक् खोना बेला चा लाट्‌निना चोला लियुक्॥ जुन्‍ङा छाङि बिस्‍वास चोगुन्‍ना, हिट्‌नाङा खोना बेला चा लाट्‌निना चोला टोगुन्‍ना, टरो माङ्‌हाङ्‌ङाना साजाए हिट्‌ना उठुङ्‌ङि लियुयाक्‌युक्॥

युहान्‍ना 6:40

पोङ्‌भोने आङाना पाबाङाना उनिङ्‌ग्‍वाम्‍बाक् छा मिसेन् कानिबा हिट्‌नुङ् उन्‌ङि बिस्‍वास काचोक्‍बा ख्‍वाप्‍पाङा खोना बेला चा लाट्‌निना चोला ओटोगुवाक् नुङ् ए॥ हिट्‌नुङ् आङा हिट्‌नागा आखेरि लेम्‍बाङि उहिङ्‌ग्‍वाट् चोगुङ्‌चिङ्‌चिङ्॥”

रोमि 5:10

पोङ्‌भोने आनि माङ्‌हाङ्‌ङाना ओसाट्‌टुर लिसिना बेला डोक् उन्‍ङा उइछा आनि लाउङ्‌सा सिमा पाङ्‌सुङ् आनि ओसाइबाचि आचोगेसे॥ छेम्‍बा डोक्, हाट्‌ले आनि ओसाइबाचि लिसिनाँ आनि उन्‍ङा उइछाङाना ओचोलालाम्‍मा आहिङ्‌युक्॥

रोमि 5:8

टरो आनि पापि लिसिनाँ डोक् माङ्‌हाङ्‌ङा खिरिस्‍ट आनि लाउङ्‌सा सिमा पाङ्‌सुङ् उन्‍ङा औधि माया आचोक्‍ना रिङ् आनिमेट्‌टे॥

रोमि 8:32

हिट्‌नुङ् उन्‍ङा आप्‍पे उइछा धारि जोगाँ चोगुङ् युङ्‌सुवाट्‌टुन्, टरो आनि ख्‍वाप्‍पा लोङ्‌सा आपिडे॥ उन्‍ङा आप्‍पे उइछा आनि आपिडे भोने, पाक् उन्‍ङा आनिलाउङ्‌सा ख्‍वाप्‍पा थोक् आपिनिनै टे?

एफिसि 2:4

टरो माङ्‌हाङ्‌ङाना दाया औधि जोम्‍ना ए हिट्‌नुङ् उन्‍ङा आनि आड्‌डिक् माया आचोक्‌युक्॥

२ थेसालोनिकि 2:16

हाट्‌ले आनि टाङ्‌बा येसु खिरिस्‍ट आप्‍पे हिट्‌नुङ् माङ्‌हाङ् आनि पाबा जुन्‍ङा आनि माया आचोगे, हिट्‌नुङ् उन्‍ङा दाया आचोक्‌युङ् खोना बेला चा लाट्‌निना आँट् लोक् छेम्‍बाना आसा आपियाक्॥

तितास 3:4

टरो आनि काहिङ्‌मेप्‍बा डाङ्‌बा माङ्‌हाङ्‌ङा ओदाया लोक् माया सोब्‍बे याप्‌मिचि लोङ्‌सा आनिमेट्‌टे,

हिब्‍रु 2:9

टरो छोप्‍मोङ् लाउङ्‌सा माङ्‌हाङ्‌ङा येसु माङ्‌हाङ् रिङ् काउग्‍बाचि नुङ्‌ना खाट्‌टिउना चोगुना रिङ् आनि ठाहा टोगुम्‍टुम्॥ माङ्‌हाङ्‌ङाना ओमायादायाङा उन् सोब्‍बे याप्‌मिचि लाउङ्‌सा सिए, हिट्‌डेउङ् माङ्‌हाङ्‌ङा उन् माहिमा लोक् मान् टोगुम्‍ना मुकुट् मेट्‌टुए॥

१ युहान्‍ना 3:1

खेम्‍सानुम्, आनिलोङ्‌सा पाबाङा आम्‍टेप्‍मा जोम् माया आचोगाइसे, उन्‍ङा आचोगाना मायाङा आनि उन्‍ङाना छालेट्‌चि आलोडाइसे, हिट्‌नुङ् छेम्‍बा डोक् आनि माङ्‌हाङ्‌ङाना छालेट्‌चि डोक् ए॥ टरो ना नाराङिगा याप्‌मिचिङा आनि मिसेन् आनिनिगा, पोङ्‌भोने हिट्‌नागाँ उन् मिसेन् उनिसुन्‍ना॥

१ युहान्‍ना 4:19

माङ्‌हाङ्‌ङा डोक् उटुम्‌ङि आनि माया आचोगानाँ आनि चा ठिबाङ्‌ङा आरको माया चोग्‍गा चोग् चोगिटि॥