युहान्ना 3:15 - आठपहरिया15 हिट्नुङ् जुन्ङा उन्ङि बिस्वास चोगुटु, हिट्नाङा खोना बेला चा लाट्निना चोला टुबुटु॥ အခန်းကိုကြည့်ပါ။ |
युहान्ना 3:15
37 ပူးပေါင်းရင်းမြစ်များ
हिट्नुङ् पाइले पाप आड्डिक् बोल्लेउ डाना, हिट्नाड्डेउङ् ख्वाप्पा याप्मिचिङा पाप ओचोगुए हिट्नुङ् उसिए॥ पोङ्भोने हाट्ले येसु खिरिस्टङि भोरोसा ओचोगुगा ख्वाप्पा लाउङ्सा माङ्हाङ्ङाना मायादाया आड्डिक् साक्तिसालि ए, हिट्नुङ् हिट्नागा माङ्हाङ्ङा धारमोति चोगुचिचि॥ हिट्नुङ् आनि टाङ्बा येसु खिरिस्टलाम्मा हिट्नागा उन्ङा लाट्निना चोला पिडुचिचि॥
टरो खोना चा याप्मि धारमाबिधि पालान् चोगुङ् धारमोति लिनिना नुङ् आन्याँलाउङ्सा ठाहा युङ्ग्वा, टरो खिरिस्ट येसुङि बिस्वास काचोक्बा एरोक् माङ्हाङ्ङा धारमोति चोगुटु॥ नाड्डेउङ् खिरिस्टङि युङ्सुम्ना बिस्वासलाम्मा आनि धारमोति उलिसियाक् नुङ् डोक् खिरिस्ट येसुङि बिस्वास चोगुएसुम्मे, टरो धारमाबिधि पालान् चोगुमुङ् माखाक्, पोङ्भोने धारमाबिधि पालान् चोगुङ् खोना याप्मि चा धारमोति लिनिना॥
हिट्नुङ् माङ्हाङ् छा टाइसे, हिट्नुङ् छेम्बाना माङ्हाङ् मिसेन् निमा उहिडुम् नुङ् उन्ङा आनि लाउङ्सा बुजा चोक्माना ठोना चा आपिडाना रिङ् ठाहा युङ्ग्वा॥ हिट्नुङ् आनि छेम्बाना माङ्हाङ्ङि वासेट्टि, पोङ्भोने आनि उन्ङाना छा येसु खिरिस्टङि वासेट्टि॥ उन् एरोक् छेम्बाना माङ्हाङ् हिट्नुङ् उन्ङा एरोक् याप्मिचि लाट्निना चोला पिमा हिडुचिचि॥
ကြော်ငြာတွေ