युहान्‍ना 21:22 - आठपहरिया

²² येसुङा पाटरुस लोडुए, “आङा टानिङ्‌लोक् सोम्‍मा उन् उहिङ्‌याक् नुङ् आनिङ्‌ग्‍वा लिचा खान्‍ङाम्‍बाक् नाङाना बारेङि पाक्‌ङाना चासो आचोगुटुना? खान्‍ङाम्‍बाक् आङा रोक् याङ्‌रिक्‍टा॥”

युहान्‍ना 21:22 ပူးပေါင်းရင်းမြစ်များ

मात्‌ति 16:24

हिट्‌नुङ् येसुङा ओचेलाचि लोडुचे, “कोइ आचेला लिमा कोन्‌युक् भोने, हिट्‌नाङा आप्‍पे लोङ्‌सा माया चोक्‍मा नामा कोन्‌युक्, हिट्‌नुङ् उखाप्‍चे आप्‍पे खुयुङ् आएङ्‌स्‍वा ओआप्‌याक्॥

मात्‌ति 24:27

पोङ्‌भोने खोड्‌डेउङ् टाङ्‌साङ्‌ङि झालाक् झिलिक् लिनाँ पुरबालाम्‍मा पास्‌चिम् सोम्‍मा व्‍हाङ् चोगुटु, हिड्‌डेडोक् याप्‌मि छा उङ्‌ना बेला ख्‍वाप्‍पाङा उनिसुटु॥

मात्‌ति 24:3

येसु जैतुन झोन्‍झोबाङि युङैसाना बेला ओचेलाचि सोगोप् उन् सोरि ओआबाउङ् उसिलाप्‍टुए, “काहिसिक्‍बा, आन्‍याँ याप्‌मिलोडा लो, नागा रिङ् खोना बेला लियुक्‍ना, हिट्‌नुङ् खान् फेरि आनोक्‌युउङ्‌ना रिङ् हिट्‌नुङ् ना जुगङाना आन्‍तेङाना चिन्‍नाम्‍बाक् पाक् लियुक्‍ना?”

मात्‌ति 24:44

हिट्‌डेउङ् खानि जाइले चा टेयार लिसानिउङ् युङानि, पोङ्‌भोने याप्‌मि छा खोना बेला टायुक्‍ना खानिङा ठाहा डोक् आटोक्‌निम्‍ना॥

मात्‌ति 25:31

“याप्‌मि छा ख्‍वाप्‍पा माङ्‌हाङ् रिङ् काउग्‍बाचिलोक् उन्‍ङाना माहिमाङि उङ्‌युक्, हिट्‌नुङ् उन् हाङ्‌बा युङ्‌ना सिङासान्‌ङि युङ्‌युक्॥

मात्‌ति 8:22

येसुङा हिट्‌ना लोडुए, “उसियागाँ उसियागा याप्‌मिचि डोक् हुम्‍मा पिडानुम्‌चिम्, टरो खान्‌उम्‍बाक् आङा रोक् आबा॥”

मारकुस 9:1

हिट्‌नुङ् येसुङा हिट्‌नागा लोडुचे, “छेम्‍बा डोक्, आङा खानि लोनाँनि, नाहि ओयेब्‍गा याप्‌मिचि माड्‌डे कोइ-कोइङा माङ्‌हाङ्‌ङा साक्‌तिलोक् सासान् चोगुना मिने सोम्‍मा उसिनिगा॥”

युहान्‍ना 21:19

(पाटरुसङा माङ्‌हाङ्‌ङाना माहिमा चोक्‍मा खोड्‌डेउङ् सिमा कोन्‌युक्‍ना नुङ् येसुङा ना रिङ् माट्‌टुना डाना॥) हिट्‌नुङ् येसुङा पाटरुस लोडुए, “खान् आएङ् लाहाब् लिसा॥”

युहान्‍ना 21:21

हिट्‌ना निसुङ् पाटरुसङा येसु सिलाप्‍टुए, “टाङ्‌बा, नाङानाम्‍बाक् पाक् लियुक्‍ना टे?”

१ कोरिन्‌थि 11:26

पोङ्‌भोने खोना खोना बेला खानिङा ना चालेपा आचाम्‍टुम् हिट्‌नुङ् ना खोरेलाम्‍मा आठुङुम्‍टुम्, खानिङा टाङ्‌बा उङ्‌निलोक् सोम्‍मा उन् सियाना बारेङि आमाट्‌टुम्‍टुम्

१ कोरिन्‌थि 4:5

हिट्‌डेउङ् बेला मिलिए पाइले डोक् न्‍याए चोक्‍नेनुम्, टाङ्‌बा उङ्‌लोक् सोम्‍मा हाङ्‌सानुम्॥ टाङ्‌बाङा डोक् डुम्‍बारिक् डुम्‌ङि ठोबागा रिङ् व्‍हाङ्‌ङि पारकाट् चोगुटु, हिट्‌नुङ् याप्‌मिचिगा निङ्‌ग्‍वाङिगा रिङ् पारचिन्‍दा चोगुटु॥ हिट्‌ना बेला सोब्‍बे याप्‌मिचिङा ओचोगुना टोॽवालाम्‍मा टोक्‍माना जाए-जाए माङ्‌हाङ्‌लाम्‍मा ओटोगुटु॥

१ थेसालोनिकि 2:19

पोङ्‌भोने आनि टाङ्‌बा येसु उङ्‌ना बेला उन् सोरि आन्‍याँ ठेलोक् चोग्‍माना मुकुट्, आन्‍याँ आसा, हिट्‌नुङ् आनान्‍दा खानि डोक्, पाक् खानि डोक् माखाइ टे?

याकुब 5:7

हिड्‌डेउङ् भुम्‍बु-झान्‍झाचि हिट्‌नुङ् नाना-झान्‍झाचि, टाङ्‌बा मिटाए सोम्‍मा हाङ्‌सा युङानि॥ मिट्‌टानुम्, टोॽवालासि काचोक् याप्‌मिचिङा नुगा चासोङ् केङ्‌माउङ्‌सा आम्‍टेप्‍मा ओहाङ्‌सुङ् उयुङ्‌युग्‍गा॥ हिट्‌नागाँ हिउद लोक् बारखाङि व्‍हेट् मिटाए सोम्‍मा ओहाङ्‌सुयाक्‍टुटु॥

याकुब 5:8

खानि चा नाड्‌डेडोक् हाङ्‌सा युङानि॥ खानि आसा सेट्‌नेनुम्, पोङ्‌भोने टाङ्‌बा टामाना लेम्‍बा नेहेट्‌टाङ् युङ्‌ग्‍वा॥

पारकास 1:7

ओछेक्‍छेक् लिसानिउङ् पुयानुम्, येसु खिमेमाङि उङ्‌युगेट्, हिट्‌नुङ् सोब्‍बे याप्‌मिचिङा उन् उनिसुटु॥ उन् ओरोक्‍टुना याप्‌मिचिङा चा उनिसुटु॥ हिट्‌नुङ् नाराङिगा ख्‍वाप्‍पा याप्‌मिचि उन् उनिसुङ् निङ्‌ग्‍वाङि दुखेसो ओचोक्‌युक्॥ छेम्‍बा नाड्‌डे लियुक्॥ आमेन्॥

पारकास 2:25

टरो आङा फेरि उङ्‌निङ्‌लोक् सोम्‍मा खानि बिस्‍वास आङि बोल्‍लेउ चोगानुम्॥

पारकास 22:20

नागा सोब्‍बे रिङ्‌ङाना साँचि कापिबाङा नाड्‌डे माट्‌टुटु, “छेम्‍बा आङा एला डोक् उङ्‌ङा॥” आमेन्॥ छेम्‍बा डोक्, आन्‍याँ येसु डाङ्‌बा, एला डोक् उङ्‌सा॥

पारकास 22:7

येसुङा सोब्‍बे याप्‌मिचि लोडुचिचि, “खेम्‍सानुम्, आङा एला डोक् उङ्‌ङा॥ ना छाप्‍लाङि छेप्‍टागा माङ्‌हाङ्‌लाम्‍माना रिङ् पालान् काचोक्‌चि सोब्‍बे लाउङ्‌सा माङ्‌हाङ्‌ङा जोम् आसिक् पिडुचिचि॥”

पारकास 3:11

आङा नाराङि एला डोक् उङ्‌साङ्‌लाबाङे॥ खानिङा आटोगुम्‍ना खाबोर नुलोक् जोगाँ चोगानुमुङ् युङ्‌सानुम्, हिट्‌डेउङ् खानि लाउङ्‌सा युङ्‌ग्‍बालाक् इनाम् आरु खोनाङा चा खाप्‍मा उहिडुन्‍ना॥