युहान्‍ना 20:15 - आठपहरिया

¹⁵ येसुङा हिट्‌ना लोडुए, “आमो, खान् पोङ् आहाब्‌युक्‍ना? खान्‍ङा साक् आकोलुएट्‌टुना?” हिट्‌नाङा उन् बाकेंचाङि टोॽवा काचोक्‍बा गाड्‌डे लोसाउङ् लोडुए, “आडाङ्‌बा, खान्‍ङा येसु नाहिलाम्‍मा आखाट्‌टुना भोने, खान्‍ङा उन् खोनाइ आयुङ्‌सुएसुएना याङ्‌लोडा, हिट्‌नुङ् आङा खाट्‌नाउङ् उन् खाट्‌टुङ्‌टुङ्॥”

युहान्‍ना 20:15 ပူးပေါင်းရင်းမြစ်များ

मात्‌ति 12:34

हाउ बिखालु ओप्‍पुङा ओछालेट्‌चि! ओभेन्‍गा आलिसिउङ् चा खानि खोड्‌डे पारिक् ओचेट्‌नुना रिङ् चेक्‍मा आहिडिटिगा? पोङ्‌भोने याप्‌मिङाना उनिङ्‌ग्‍वाङि पाक् युङ्‌ग्‍वाना हिट्‌ना रिङ् डोक् माट्‌टुटु॥

मात्‌ति 28:5

टरो माङ्‌हाङ् रिङ् काउग्‍बाङा हिट्‌नागा मेन्‍झेमाचि लोडुचे, “किट्‌नेनिन्, पोङ्‌भोने आङा ठाहा टोगुएसुङे, खान्‍याँ खाप्‍चेङि उछुडुना येसु आकोलुएट्‌टुम्॥

मारकुस 16:6

हिट्‌नुङ् हिट्‌ना याप्‌मिङा हिट्‌नागा लोडुचे, “खानि डोङ् ठोङ्‌नेनिन्, खानिङा खाप्‍चेङि उछुडु ओसेडेनु नासारातङिना येसु आकोलुएट्‌टुम्॥ टरो उन् उहिङ्‌ग्‍वाट् लिसाउङ् कोबैसे, उन् नेहि वाइना, हिट्‌डे भोने उन् उयुङ्‌सुना डेन् पुयानुम् टे॥

लुका 2:44

पोङ्‌भोने उप्‍पा-उमाङा यरुसलेम खालाङ्‌गाङि उखाडागा याप्‌मिचिलोक् आप्‌युगेट् नुङ् मिट्‌टाचिउङ् उन्‌चि हिट्‌ना लेम्‍बाभोरि लाम्‌टियाचे, टरो युसाना पाका लिसानाँ येसु निच्‍वाट्‌चुन्, हिट्‌नुङ् उन्‌चि उम्‍भु-उन्‍झाचि हिट्‌नुङ् ओसाइबाचिलोक् खाडे नुङ् कोलाचुए॥

लुका 24:5

हिट्‌नागा मेन्‍झेमाचि पिलिम् पिलिम् ओयोक्‍टाउङ् हाम्‍बोम्‍फोप् ओचोगे, हिट्‌नागाचि इप्‍पाङ् याप्‌मिचिङा हिट्‌नागा लोडाचुए, “खानिङा पोङ् उहिङ्‌ग्‍वाट् लिसाना याप्‌मि उसियागा याप्‌मिचिगा उहुम्‍पाङि आकोलुएट्‌टुम्‍ना?

युहान्‍ना 1:38

येसुङा नोक्‍टाउङ् पुयुनाँ हिट्‌नागाचि ओएङ्-ओएङ् आबागेट्‌टाचिगा निसुचिउङ् सिलाप्‍टुचे, “खान्‌चिङा पाक् आकोलाचुएना?” हिट्‌नागाचिङा लोडाचुए, “राब्‌बि (ना रिङ्‌ङाना उटुप् काहिसिक्‍बा लियुक्), खान् खोनि आयुङ्‌ना?”

युहान्‍ना 18:4

येसुङा उन्‌ङि लियुगेट्‌ना रिङ् सोब्‍बे ठाहा टोगुङ् ओटोक्‍माङ्‌ङि आबाउङ् हिट्‌नागा सिलाप्‍टुचे, “खानिङा साक् आकोलुएट्‌टुम्‍ना?”

युहान्‍ना 18:7

उन्‍ङा फेरि हिट्‌नागा सिलाप्‍टुचे, “खानिङा साक् आकोलुएट्‌टुम्‍ना?” हिट्‌नागाँ ओलोडुए, “नासारातङिना येसु॥”

युहान्‍ना 20:13

हिट्‌नागाचिङा मारियाम सिलाप्‍टाचुए, “आनो, खान् पोङ् आहाब्‌युक्‍ना?” उन्‍ङा हिट्‌नागाचि लोडुचे, “पोङ्‌भोने हिट्‌नागाँ आटाङ्‌बा ओखाट्‌टुएना रैछो, टरो उन् खोनाइ उयुङ्‌सुएना आङा ठाहा टोक्‌निङ्‌ना॥”