युहान्‍ना 19:9 - आठपहरिया

⁹ उन्‍ङा फेरि येसु खाट्‌टुङ् उन् युङ्‌ना पाङ्‌ङि लिगे हिट्‌नुङ् उन् सिलाप्‍टुए, “खान् खोनिलाम्‍मा आटायाना?” टरो येसुङा उन् पाक्‍चा लोडुवाट्‌टुन्॥

युहान्‍ना 19:9 ပူးပေါင်းရင်းမြစ်များ

मात्‌ति 26:63

टरो येसु स्‍वाग् मिचेक्‍ङे युङे॥ फेरि सानिङ्‌डाङ्‌बाङा उन् सिलाप्‍टुए, “उहिङ्‌ग्‍वाट् माङ्‌हाङ्‌ङाना उनिङ्‌ङि खान् आग्‍याँ पिनाँ, आन्‍याँ याप्‌मिलोडा, पाक् खान् माङ्‌हाङ् छा खिरिस्‍ट इ टे?”

मात्‌ति 27:27

हिट्‌नुङ् पिलातासङाना इम्‍टेप्‍मा उटिलिङ्‌गाचिङा येसुम्‍बाक् हाकिमङाना हाङ्‌पाङ् भिट्‌रा ओखाट्‌टुए, हिट्‌नुङ् सोब्‍बे टिलिङ्‌गाचि उन्‍ङाना याम्‍बा-नायाम्‍बा उछुमे॥

लुका 23:9

हेरोद हाङ्‌बाङा आम्‍टेप्‍मा रिङ्‌चि येसु सिलाप्‍टुए, टरो येसुङा ठिक् रिङ्‌ङाना उत्‍तार चा पिडुवाट्‌टुन्॥

युहान्‍ना 18:28

एका भ्‍यानिक् हिट्‌नागाँ येसु कैयाफा ओपाङ्‌लाम्‍मा रोमि हाकिम पिलातास युङ्‌ना पाङ्‌ङि ओखाट्‌टुए॥ टरो उन् फाट्‌टुर कालाप्‌चि भिट्‌रा उलिक्‌नियाट्‌नि, पोङ्‌भोने छुट्‌कारा चाडाङाना भातेर चामालाउङ्‌सा हिट्‌नागाँ आप्‍पेलोङ्‌सा चोखो युङ्‌माना निङ्‌ग्‍वा ओचोगुए॥

युहान्‍ना 18:33

पिलातास फेरि भिट्‌रा लिगे, हिट्‌नुङ् येसु छेम्‍डुङ् लोडुए, “पाक् खान् याहुदिचिगा हाङ्‌बा इ?”

युहान्‍ना 18:34

येसुङा लोडुए, “पाक् खान् आप्‍पेङा कानिङ्‌ग्‍वाङा ना रिङ् याङ्आसिलाप्‍टाँना इ आरुङा आङाना बारेङि खान् मालोडेनि?”

युहान्‍ना 18:37

पिलातासङा येसु सिलाप्‍टुए, “हिट्‌नाडे भोने खान् हाङ्‌बा डोक् इ?” येसुङा लोडुए, “आङा हाङ्‌बा नुङ् खान् आप्‍पेङा आमाट्‌टुएट्‌टु॥ ना लोङ्‌सा डोक् आङा पोङ्‌साङ्‌ना, हिट्‌नुङ् छेम्‍बाना रिङ्‌ङाना साँचि पिमाउङ्‌सा नाराङि टायाङ्‌ना ए॥ छेम्‍बाना रिङ् निङ्‌ग्‍वा ओटासुगा सोब्‍बेङा आरिङ् ओखेम्‍सुटु॥”

युहान्‍ना 19:10

हिड्‌नाड्‌डेउङ् पिलातासङा उन् लोडुए, “पोङ् आङालोक् आचेक्‌निना? पाक् खान् लेप्‍माना आधिकार आङालोक् युङ्‌ग्‍वा, हिट्‌नुङ् खान् खाप्‍चेङि छुमाना आधिकार चा आङालोक् युङ्‌ग्‍वा नुङ् खान्‍ङा ठाहा आटोगुन्‍ना इ?”

युहान्‍ना 19:8

ना रिङ् खेम्‍सुङ् पिलातास झान् टुक्‍लोक् किट्‌टे॥

युहान्‍ना 8:14

येसुङा लोडुचे, “आङा आप्‍पे आङाना बारेङि साँचि पिनाँनि, हिट्‌नुङ् चा आङाना साँचि छेम्‍बाना ए॥ हिट्‌नुङ् आङा खोनिलाम्‍मा टायाङेना, हिट्‌नुङ् खोनालेङ् खाड्‌नागेट्‌ना, हिट्‌ना रिङ् आङा ठाहा टोगुएसुङे॥ टरो आङा खोनिलाम्‍मा टाङाना, हिट्‌नुङ् खोनि खाट्‌नागेट्‌नाँ हिट्‌ना खानिङाम्‍बाक् ठाहा आटोक्‌निम्‍ना॥

फिलिप्‌पि 1:28

हिट्‌नुङ् खानि बिरोधिचिलोक् खोना रिङ्‌ङि चा किट्‌नेनिन्॥ ना रिङ्‌ङा खानि साट्‌टुरचि माङ्‌हाङ्‌ङा जाखाम् चोगुचिगा रिङ्‌ङाना पारमान् हिट्‌नुङ् उन्‍ङा खानि माहिङिना रिङ्‌ङाना पारमान् मापिडिटि॥ माङ्‌हाङ्‌ङा डोक् नागा सोब्‍बे चोगुटु॥